Baby Bag

„ჩვენში მთავარი ყოველთვის არის „მე", „ჩემი ინტერესები," მერე ძალიან უკვირთ, სამყარო რომ სამაგიეროს უხდით ხოლმე," - გია მურღულია

„ჩვენში მთავარი ყოველთვის არის „მე", „ჩემი ინტერესები," მერე ძალიან უკვირთ, სამყარო რომ სამაგიეროს უხდით ხოლმე," - გია მურღულია

​​ფილოლოგი გია მურღულია სოციალურ ქსელში პოსტს აქვეყნებს, რომელშიც ქართველი ხალხის სახელმწიფოებრივი და საზოგადო საქმისადმი დამოკიდებულებას აკრიტიკებს. მის პოსტს უცვლელად გთავაზობთ:

ჩვენში, რატომღაც, ყველაფერი კერძო საპატიო მიზეზია, რომ საზოგადოებისა თუ სახელმწიფოსთვის მნიშვნელოვანი საქმე არ (ვერ) გააკეთონ.

„მე რომ ექსკურსიაზე მივდივარ?!"

„მე რომ გუშინ კბილი მტკიოდა?!"

„ხვალ რომ ჩემი დაბადების დღეა"?

„უგუნებოდ რომ ვარ?!"

„ბავშვი რომ მყავს დასატოვებელი?!"

„ძალიან რომ ცხელა?!"

„ძალიან რომ ცივა?!"

​„დრო რომ არ მაქვს?!"

„რომ დამავიწყდა?!"

„რა მოხდა - სულ მესამედ დამაგვიანდა!"

„მალე ცოლი რომ მომყავს?!" ("რომ ვთხოვდები?!")

„მე მეგონა, სხვანაირად იყო საჭირო..."

„კი მითხარით, მაგრამ ვიფიქრე, ასე არ უნდა გამეკეთებინა..."

„მე რომ განსაკუთრებული ვარ?!")

მთავარი ყოველთვის არის „მე", „ჩემი განწყობა", „ჩემი ინტერესები", „ჩემი უფლებები", „ჩემი ტანჯვა" და „ჩემი ბედნიერება"...

ჰოდა, მერე ძალიან უკვირთ, სამყარო რომ სამაგიეროს უხდით ხოლმე.

ეს ამბავი ასე მთავრდება:

​„ღმერთმა მიმატოვა", „ბედი არ მაქვს", „ყველა და ყველაფერი ჩემ წინააღმდეგაა..."

კლასიკური ისტორიული რეცეპტი ასეთია:

შეხედე შენ თავს სხვისი თვალებით, გონებით, გულით და დაინახავ, რომ სამყაროს ცენტრში მთლად მარტო შენ არ ხარ - სხვა ადამიანიც არის, საქართველოც, დედამიწაც, "ირმის ნახტომიც" და მთელი სამყაროც.

ხანდახან ცოდნას მნიშვნელობით გამოცდილება აღემატება.

ვიღაც ძალიან მაღლა მდგომმა მაგალითებით ლაპარაკი იცის.

და ამაზე დიდი სკოლა არ არსებობს.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„აწმყო თუ არა გვწყალობს, მომავალი ჩვენია“ - 12 ლიტერატურული ფრაზა, რომლებიც არაფრით კარგავ...
​ფილოლოგი გია მურღულია სოციალურ ქსელში აქვეყნებს 12 ლიტერატურული ფრაზას, რომლებიც არაფრით კარგავს აქტუალურობას საქართველოში. გთავაზობთ მის პოსტს:„12 ლიტერატურული ფრაზა, რომლებიც არაფრით კარგავს ა...

შეიძლება დაინტერესდეთ

საკეისრო კვეთით და ბუნებრივი გზით დაბადებული ბავშვების ნაწლავის მიკრობიოტა ერთმანეთისგან ძალიან განსხვავდება - პედიატრი ფიქრია ჟვანია

საკეისრო კვეთით და ბუნებრივი გზით დაბადებული ბავშვების ნაწლავის მიკრობიოტა ერთმანეთისგან ძალიან განსხვავდება - პედიატრი ფიქრია ჟვანია

პედიატრმა ფიქრია ჟვანიამ საკეისრო კვეთით და ბუნებრივი გზით დაბადებული ბავშვების ნაწლავის მიკრობიოტებს შორის არსებული განსხვავებების შესახებ ისაუბრა:

„ძალიან განსხვავდება ეს მიკრობიოტა იმ ბავშვების, რომლებიც არიან ბუნებრივი გზით დაბადებულები და იმ ბავშვების, რომლებიც გაჩნდნენ საკეისრო კვეთით. როდესაც ბავშვი ბუნებრივი გზით ევლინება ქვეყანას, ის დედისგან იღებს ძალიან კარგ მეგობარ ბაქტერიებს. ეს არის პირველი ჯარისკაცები სამყაროსთან შეხვედრისას. საკეისრო კვეთით გაჩენილი ბავშვები არიან სრულიად დაუცველები და სტერილურები.“

„მნიშვნელოვანია უკვე მეორე ეტაპი ბუნებრივი კვების. აუცილებელია ბუნებრივი კვების პროპაგანდა. რაც შეიძლება გავახანგრძლივოთ ბუნებრივი კვება. გარდა ამისა, ხშირი ანტიბიოტიკების გამოყენება იწვევს მიკრობიომის ძალიან ღრმა ცვლილებებს, რომელიც 5-10 წელიწადში, შესაძლოა, გახდეს ალერგიისა და სიმსუქნის, ხოლო დიდ ასაკში მეტაბოლური სინდრომის განვითარების რისკი,“ - აღნიშნულ საკითხზე ფიქრია ჟვანიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

წაიკითხეთ სრულად