ავიარეისი, რომელსაც 160 მგზავრი ტაილანდში, ბანგკოკის აეროპორტიდან ჩინეთის ქალაქ შანხაის მიმართულებით უნდა გადაეყვანა, ქალიშვილის შოპინგის გამო დედამ შეაყოვნა - აღნიშნულის შესახებ Dailymail წერს.
ქალი ბორტგამცილებლებს თვითმფრინავის კარის დაკეტვის საშუალებას არ აძლევდა და ამბობდა, რომ მისი ქალიშვილი მაღაზიაში იმყოფებოდა.
საბოლოო ჯამში დედა-შვილი რეისიდან მოხსნეს, თვითმფრინავი ბანგკოკი-შანხაის მიმართულებით კი ნახევარი საათით გვიან გაფრინდა.
ახალი წლის დადგომამდე რამდენიმე დღე დარჩა. თუ წელს დღესასწაულის გატარება განსხვავებულად გადაწყვიტეთ და მოგზაურობაც გიყვართ, ეს სტატია სწორედ თქვენთვისაა.
სამი ადგილი, რომელსაც წარმოგიდგენთ ახალ წელს განსაკუთრებით ჯადოსნურად გამოიყურება, სასიამოვნოდ გაგაოცებთ და გამგზავრების სურვილსაც აუცილებლად აღგიძრავთ!
1. ავსტრალია, სიდნეი
ის, რომ ახალი წელი ყველასათვის განსაკუთრებული დღესასწაულია, სიდნეიში მშვენივრად იციან. ყოველ წელს აქ ფოიერვერკების გასაოცარი შოუ ეწყობა, რომლის სანახავადაც საუკეთესო ადგილი ჰარბორის ხიდი და ბოტანიკური ბაღია. თუმცა, ალბათ არც ის გაგიკვირდებათ, რომ შოუს საყურებლად თადარიგი უნდა დაიჭიროთ, ვინაიდან მას მთელი წელი, მილიონობით ადამიანი ელოდება.
გარდა ამისა, თუ ახალ წელთან ერთად ზაფხულიც გიყვართ, ავსტრალია სწორედ თქვენთვისაა! დღესასწაულის პარალელურად შეგიძლიათ, ზაფხულის სანაპიროზე სეირნობითაც იჯეროთ გული და სიცივისგან დაღლილებმა თავი ცხელ ზაფხულს ავსტრალიაში შეაფაროთ.
2. ლაპლანდია, ფინეთი
სიცივის სუნი, დათოვლილი ნაძვები, პოლარული ღამეები, ირმის ეჟვნების ჟღარუნი და ფაფუკი თოვლი - ეს ლაპლანდიაა! უმშვენიერესი მყუდრო გარემო თავს ნამდვილ ზღაპარში გაგრძნობინებთ.
აქ შესანიშნავად შეძლებთ, დაისვენოთ და თან ულამაზესი გალერიები დაათვალიეროთ. ყინულის მუზეუმი, რომელიც მხოლოდ ზამთრის სეზონზე ფუნქციონირებს, თავს ჯადოსნურ სამყაროში გაგრძნობინებთ. კომპლექსში თავმოყრილია საბავშვო თოვლის გორაკები, ყინულის სასტუმროები და კაფე-ბარები.
გარდა ამისა, არ შეიძლება ლაპლანდიიდან ისე წამოხვიდეთ, რომ მარხილით მოგზაურობაზე უარი თქვათ. ამაში კი უალამაზესი ირმები ან ყოველთვის ერთგული ძაღლები დაგეხმარებიან.
3.ტოკიო, იაპონია
თუ სულსწრაფი ბრძანდებით და ახალ წელს განსაკუთრებით ელოდებით, იმსახურებთ მას პირველი შეხვდეთ. იაპონია კი ამაში ნამდვილად დაგეხმარებათ.
ქვეყანა, სადაც ახალი წელი პირველი დგება, დღესასწაულს განსაკუთრებული ტრადიციებით ხვდება. ახალი წლის ღამეს ბუდისტურ ტაძრებში 108-ჯერ რეკავენ ზარს და ყველაფერ ცუდს ძველ წელს ატანენ. ზარის ხმა მთელ ქალაქში ისმის, ეს ტრადიცია უკვე საუკუნეებია გრძელდება.
ხოლო თუ საახალწლოდ კულტურული შოკით დაღლილებმა ნუგბარის დაგემოვნებაც გადაწყვიტეთ, სუფრაზე აუცილებლად შეხვდებით Osechi / ოსეჩის, ანუ სხვადასხვანაირად მომზადებულ ნუგბარსა და კერძებს ხის კოლოფებში.
ავტორი: მარიამ მახარაძე
