გრიპი, გაციება თუ კოვიდი? როგორ განვასხვავოთ და როგორ ვუმკურნალოთ? - აღნიშნულ თემაზე ექიმი გიორგი ღოღობერიძე საუბრობს.
მისი თქმით, ტესტის გაკეთებას აზრი აქვს ინფიცირებულთან კონტაქტიდან 3-5 დღეში. რაც შეეხება გაციებისა და კოვიდის განსხვავებას, მათი გარჩევა დროის მიხედვით შეიძლება:
,,ტესტის გარეშე ამ ორის ერთმანეთისგან განსხვავება საკმაოდ რთულია, მაგრამ არსებობს ერთი ნიშანი და ეს არის დრო. თუ ეს არის გაიციება, გაციებულ ადამიანთან კონტაქტიდან 1 ან 2 დღეში უკვე დაეწყება ადამიანს ნიშნები, იშვიათად რომ 3-4 დღეში გამოვლინდეს, ხოლო კოვიდის დროს თუ ინფიცირებულთან კონტაქტიდან საშუალოდ 5 დღეა გასული და ნიშნები გამოვლინდა, მაშინ ეს დიდი ალბათობით კოვიდია,'' - აღნიშნავს გიორგი ღოღობერიძე.
რაც შეეხება მკურნალობას (კოვიდის და გაციების დროს), სიცხის სამართავად მხოლოდამხოლოდ ორი მედიკამენტია გამართლებული - იბუპროფენი და პარაცეტამოლი. ორივე მედიკამენეტი მიიღება დღეში 3-4 ჯერ და დოზებს შორის ინტერვალი უნდა იყოს 4-6 საათი.
თუ დარწუმებული ხართ, რომ გრიპი გაქვთ და მძიმე ფორმით გივლინდებათ, პირველ 48 საათში უნდა მიიღოთ ანტივირუსული მედიკამენტი, მერე მათ მიღებას აზრი არა აქვს, რადგან ეფექტურობა ძალიან დაბალია:
,,ძალიან ბევრი გაციებისა და კოვიდის დროს სვამს ლიმონიან ჩაის. მე გირჩევთ, რომ ჩაი ცალკე დალიოთ და ლიმონი წყალში ჩააგდოთ, რადგან C ვიტამინი ცხელ წყალში (სითბომგრძნობიარე ვიტამინია) იშლება. ლიმონიან წყალში შეგიძლიათ, თაფლიც ჩაამატოთ, ეს ხველისთვისაც კარგია.''
კოვიდის შემთხვევაში 10 დღის მერე იზოლაცია აღარ არის საჭირო.
,,შეჯამების სახით რომ ვთქვათ, კოვიდი და გაციება იმართება ერთნაირად - საჭიროა სიცხის დამწევი, სასურველია პაციენტმა მიიღოს ბევრი სითხე, იყოს აქტიური. საპანიკო არაფერია, გაციება მარტივად იმართება, ასევეა კოვიდი თუ განწყობა კარგი გაქვთ და მხნედ ხართ. ყელის ტკივილის დროს გამოიყენეთ პარაცეტამოლი, ასევე შესაძლოა გამოიყენოთ საწუწნი აბები,'' - აღნიშნავს გიორგი ღოღობერიძე.
იაპონური კულტურის მიხედვით სახლში ფეხსაცმლით შესვლა არ შეიძლება. მიზეზი მარტივია. ისინი იატაკზე დამსხდარი ჭამენ და ძილითაც იატაკზე ძინავთ. ამიტომაც სახლში სისუფთავეს განსაკუთრებულ ყურადღებას აქცევენ. აზიაში იაპონელების მსგავსად სხვებიც იქცევიან... რაც შეეხება ევროპასა და ამერიკას, აქ ამ წესებს არავინ იცავს.
მეცნიერების მტკიცებით, სანამ ადამიანი სახლში შევა, ფეხსაცმელი გარეთ უნდა დატოვოს, განსაკუთრებით კი მაშინ, როცა ოჯახში პატარა ჰყავს.
მიზეზი მარტივია, საგარეო ფეხსაცმლის ძირზე დაახლოებით 440.000 ბაქტერია სახლობს. არიზონას უნივერსიტეტის მკვლევარების მტკიცებით აღნიშნული ბაქტერიების უმრავლესობა ადამიანის ჯანმრთელობას საფრთხეს უქმნის.
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)
როცა გარეთ დავდივართ (საზოგადოებრივ ტუალეტებში, მეტროებში, რესტორნებში...) ჩვენ გაუცნობიერებლად ისეთ რაღაცებს ვადგამთ ფეხს, რაც მილიონობით სხვადასხვა სახის ბაქტერიის მატარებელია. აღნიშნული ბაქტერიები კი განსაკუთრებით პატარებისთვის არის მავნე, რადგან მათ გაცილებით სუსტი იმუნიტეტი აქვთ, ვიდრე მოზრდილებს.
თუ შემოსასვლელში პატარა კარადას დადგამთ საგარეო ფეხსაცმელებისთვის, სახლში შესვლის წინ თქვენ არასდროს დაგავიწყდებათ ფეხზე გახდა. ამით დაზოგავთ დროსა და ენერგიას, რასაც იატაკების წმენდისას ხარჯავთ და სახლშიც არ შეიტანთ მილიონობით (ზოგიერთი სიცოცხლისთვის საშიშ) ბაქტერიას.
