,,ძალადობა არ გვინდა, თუ ბავშვი არ იცვამს ფეხზე, ეს არანაირ პრობლემას არ წარმოადგენს, იაროს ფეხშიშველმა''

კვება

​რა საკვები არ უნდა მიირთვას მეძუძურმა ქალმა საახალწლო სუფრიდან?

4 წლის წინ

​რა საკვები არ უნდა მიირთვას მეძუძურმა ქალმა საახალწლო სუფრიდან? - აღნიშნულ თემაზე პედიატრი თამარ ობგაიძე ​საუბრობს. გთავაზობთ მის ნათქვამს სიტყვა-სიტყვით.

„დარწმუნებული ვარ, ბევრს გგონიათ, რომ მეძუძურ ქალს მკაცრი დიეტა სჭირდება. ყოველ შემთხვევაში, ბებიები, მეზობლები, ნაცნობები, ყველა, ვისაც არ ეზარება, აუცილებლად მოგიწოდებენ, არ მიირთვა ბევრი რამ, პატარას რომ არ გამოაყაროს, მუცელი არ ეტკინოს, გაზებმა არ შეაწუხოს. ჰოდა, შენც მორიდებით მიუჯდები საახალწლო სუფრას და ნერწყვისყლაპვით შეჰყურებ სხვებს. დროც შეიცვალა და შეხედულებებიც. არა, სულაც არ მოგიწევს სუფრის განაპირას ჯდომა, ოღონდ მცირე შეზღუდვების გამოკლებით. 

მაშ, ასე, თუ პატარა ძუძუზე გყავს, გირჩევ, არ მიიღო:
​
სუნელებიანი საკვები;
უმი ხახვი;
ნივრისშემცევლი საკვები.
​
რატომ?
​
იმიტომ, რომ ამ პროდუქტების გემო აუცილებლად გადავა რძეში და პატარას საყვარელი საკვების სუნს ვერ იცნობს, ამიტომ მან შესაძლოა, უარი გითხრას კვებაზე.
​
არ დაივიწყო, შეზღუდო:
​
მაგარი ჩაი;
მაგარი ყავა;
კოლები.
​
მიზეზი მარტივია - ამ პროდუქტებში კოფეინია, რამაც შესაძლოა, თქვენი პაწაწინას აგზნება და უძილობა გამოიწვიოს.
კატეგორიულად უარი თქვი ალკოჰოლიან სასმელებსა და სიგარეტზე! ეს პროდუქტები გადადის რძეში და ბავშვის ნევროლოგიურ მოშლილობებს იწვევს.

მეძუძური ქალის კვება აუცილებლად მრავალფეროვანი უნდა იყოს. მიირთვი საყვარელი კერძები, თავდაპირველად მცირე ულუფებით. თუკი რომელიმე პროდუქტზე ბავშვს გამონაყარი განუვითარდება ან ძლიერი ჭირვეულობა დაეწყება, აღნიშნული პროდუქტი აღარ მიიღო.
სულ ესაა!“ - წერს პედიატრი თამარ ობგაიძე.

წაიკითხეთ სრულად