Baby Bag

რატომ არის ყურსასმენები საშიში მოზარდებისთვის? - ოტორინოლარინგოლოგი მელანო ჯანხოთელი აქტუალური პრობლემის შესახებ

ოტორინოლარინგოლოგი მელანო ჯანხოთელი „პოსტ ალიონში“ ყურსასმენების გამოყენების ნეგატიურ ასპექტებზე საუბრობს და აღნიშნავს, რომ სასმენი აპარატების გამოყენების გამო ახალგაზრდებს სმენის პრობლემები ხშირად ექმნებათ:

„დღეს ყურსასმენები ჩვენი მოზარდების ცხოვრების განუყოფელი ნაწილია. მათი მოხმარების გახშირება ონლაინ სწავლების მოთხოვნამაც გამოიწვია. ყურსასმენებს არამხოლოდ თინეიჯერები და ახალგაზრდები, ზრდასრულებიც იყენებენ აუდიო წიგნების გამოსვლის გამო. ყველა მოწინავე ქვეყნის წამყვანი მეცნიერების კვლევებით დადასტურებულია, რომ ახალგაზრდებსა და მოზარდებში სმენის პრობლემების 2/3 სწორედ ყურსასმენების გამოყენებით არის გამოწვეული. ეს უზარმაზარი პროცენტია, ძალიან დიდი. საერთოდ იმის უარყოფა, რომ ყურსასმენები კომფორტულია, კომფორტულია საყვარელი მუსიკის მოსმენა, ძალიან ძნელია, მაგრამ ჩვენ უნდა ვიცოდეთ, როგორ გავაკეთოთ ეს სწორად. როგორ მოვიქცეთ ისე, რომ არ დავიზიანოთ სმენა.“

მელანო ჯანხოთელის თქმით, მუსიკის ხმამაღლა მოსმენა არც ისე უწყინარი გართობაა, როგორც ეს ერთი შეხედვით ჩანს:

„თითქოს უწყინარი გართობაა ხმამაღლა მუსიკის მოსმენა, მაგრამ ხმაური სმენისთვის ძალიან საშიშია. საერთოდ ხმაური დეციბილებში იზომება. 10-15 დეციბილი არის ნიავი, მსუბუქი ფოთლების შრიალი, 20-25 დეციბილით იზომება ჩურჩულის დონე, 30-35 დეციბილი ჩვეულებრივი ხმაურის დონეა, 60 დეციბილი არის უკვე ყვირილის დონე და ის უკვე დისკომფორტს გვიქმნის. საერთოდ სმენისთვის ძირითადად საშიშია 85-90 დეციბილიდან ზემოთ ბგერები, რომელსაც ნებისმიერი სასმენი აპარატი ძალიან მარტივად გამოსცემს, იმგვარად არის ისინი შექმნილი.“

მელანო ჯანხოთელი აცხადებს, რომ ახალგაზრდები ძირითადად ხმაურიან მუსიკას უსმენენ:

„ახალგაზრდებს ძალიან მოსწონთ როკ-ჯგუფების სიმღერები, მეც ძალიან მიყვარდა ახალგაზრდობაში და ვუსმენდი, რა თქმა უნდა, ხმამაღლა, მაგრამ მაშინ არ იყო ასეთი ყურსასმენები და ამიტომ ჩვენს თაობას მსგავსი პრობლემები არ აწუხებდა. როკ-ჯგუფის კონცერტის ხმიანობა შეესაბამება 100-120 დეციბილის დონეს. ეს იგივეა, რომ რეაქტიული ძრავის ხმაური თქვენგან ათ მეტრში მოისმინოთ.“

„ჩვენ გვაქვს მიმღები და თავის ტვინის ცენტრალური ნაწილი, რომელიც ახდენს გარედან მოსმენილი ბგერების აღქმას და დიფერენცირებას. არსებობს სხვადასხვა სახის სასმენი აპარატები, ზოგიერთი იდგმება ყურში და ზოგი გარედან კეთდება. განსაკუთრებით საშიშია ყურში ჩასადები ყურსასმენები. გარდა იმისა, რომ ის გარეთა სასმენი მილის კანს აღიზიანებს, მისი გამოყენებისას ბგერა პირდაპირ, დამუშავების გარეშე ეცემა დაფის აპკზე. როგორც ყველაფერ სხვას, დაფის აპკის მუშაობასაც აქვს თავისი სარზღვრები. ის გათვლილია ბუნებრივ ხმაურზე, რომელიც გარედან უნდა მიიღოს და არა ხელოვნურზე. როდესაც ახალგაზრდა ყურსასმენებში ძალიან უწევს ხმას, ის დამანგრეველ ზემოქმედებას ახდენს სმენაზე,“ - აღნიშნავს მელანო ჯანხოთელი.

წყარო:​ პოსტ ალიონი

არ დაგავიწყდეთ !!!

დაემატეთ ჯგუფში საბავშვო რეცეპტები

8 საბავშვო პროდუქტი, რომელსაც გამოცდილი მშობლები არასდროს ყიდულობენ
​​გამოცდილი მშობლებიარასდროს ყიდულობენ ისეთ საბავშვო პროდუქტებს, რომლებიც ბავშვებისთვის უსაფრთხო არ არის. ჩვენს სტატიაში სწორედ იმ პროდუქტებს გაგაცნობთ, რომელთა შეძენისგან თავი მაქსიმალურად უნდა შეიკა...

შეიძლება დაინტერესდეთ

​სასურველია თუ არა თაფლიანი წყლის უზმოზე მიღება? - ყველაფერი, რაც თაფლზე უნდა ვიცოდეთ

​სასურველია თუ არა თაფლიანი წყლის უზმოზე მიღება? - ყველაფერი, რაც თაფლზე უნდა ვიცოდეთ

დღეს სამშაბათია და მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. ამჯერად ენდოკრინოლოგ-ნუტრიციოლოგი თინათინ კაჭარავა თაფლზე მოგაწვდით კომპეტენტურ ინფორმაციას. 

თაფლი გამოირჩევა მრავალი სასარგებლო თვისებით. იგი აძლიერებს:

  • ნივთიერებათა ცვლას
  • ახდენს ანთების საწინააღმდეგო, ბაქტერიციდულ მოქმედებას
  • აჩქარებს ქსოვილების აღდგენას
  • ასტიმულირებს შინაგანი ორგანოების მუშაობას
  • აწესრიგებს საჭმლის მომნელებელი სისტემის მუშაობას
  • ხელს უწყობს იმუნური სისტემის გამართულ ფუნქციონირებას
  • გააჩნია ძლიერი ტკივილგამაყუჩებელი ეფექტი
  • ასევე არის მძლავრი ანტიოქსიდანტი. 

აქვე უნდა გვახსოვდეს დადებითი თვისებების მიუხედავად, თაფლი მიეკუთვნება ალერგიულ პროდუქტს, ამიტომ ბავშვთა ასაკში თაფლის რაციონში შეტანა ხდება დაახლოებით ორი წლიდან. სასურველია, მცირე ულუფებით მივაწოდოთ ბავშვს და დავაკვირდეთ ალერგიული რეაქციების არსებობა/არარსებობას.

თაფლი გამოირჩევა მაღალი კვებითი ღირებულით. მდიდარია სრულფასოვანი მინერალური ნივთიერებებით, ვიტამინებით, ფერმენტებით და ანტიმიკრობული ნივთიერებებით.
წარმოშობის მიხედვით ორი სახეობის თაფლი შეიძლება შეგვხვდეს: მონო ან პოლიფლორული. მონოს მიეკუთვნება: აკაციის, მზესუმზირის, ცაცხვის ან სხვა რომელიმე მცენარისგან მიღებული თაფლი, ხოლო პოლიფლორულია თაფლი, რომელიც სხვადასხვა მცენარისგან ან მინდვრის სხვადასხვა ყვავილისგან არის მიღებული.
რა რაოდენობით თაფლის მიღება არის რეკომენდებული დღიურად? 

​მოზრდილთათვის სადღეღამისო ნორმაა 60-100 გრამი, სასურველია, განაწილდეს რამდენიმე მიღებაზე. ბავშვთა ასაკში კი რეკომენდებული რაოდენობა ორჯერ ნაკლებია. თაფლი სიფრთხილით უნდა იქნას გამოყენებული შაქრიანი დიაბეტით დაავადებულ ადამიანებში.
მოსახელობიაში პოპულარობით სარგებლობს თაფლიანი წყალი. თაფლიანი წყლის მიღების დროსაც თავისთავად თაფლს ყველა მისი სასარგებლო თვისება უნარჩუნდება, მეტიც ათვისებისთვის, შეწოვივისთვის თაფლიანი წყალი უკეთ შეიწოვება. 

​სასურველია თუ არა თაფლიანი წყლის უზმოზე მიღება? 

​შეიძლება, მაგრამ უპირატესობა უზმოზე ენიჭება ონკანის სუფთა წყალს, ხოლო თაფლიანი წყლის მოყვარულებს იგი შეგიძლიათ კვებებს შორის მიიღოთ.
გისურვებთ ჯანმრთელობას!

წაიკითხეთ სრულად