Baby Bag

„ადამიანები ტერორში აღარ უნდა ვამყოფოთ, მათ უნდა ავუხსნათ, რა საფრთხეს შეიცავს ვირუსი სინამდვილეში,“ - ბრიტანელი პროფესორის რეკომენდაციები

„ადამიანები ტერორში აღარ უნდა ვამყოფოთ, მათ უნდა ავუხსნათ, რა საფრთხეს შეიცავს  ვირუსი სინამდვილეში,“ - ბრიტანელი პროფესორის რეკომენდაციები

ოქსფორდის უნივერსიტეტის პროფესორის კარლ ჰენეგანის მტკიცებით, კორონავირუსი ისეთი მომაკვდინებელი არ არის, როგორც ეს ადრე ეგონათ. მისი თქმით, ადამიანები რისკს მეტისმეტად ჭარბად აფასებენ, რის გამოც ყოველდღიურ ცხოვრებაში ფერხდებიან. კარლ ჰენეგანი აღნიშნავს, რომ კარანტინის რეჟიმში ადამიანების ცხოვრება გაუმართლებელია. ისინი სახლში არიან გამოკეტილები, რის გამოც რისკ-ჯგუფებში მყოფ ოჯახის წევრებსაც აინფიცირებენ. 

პროფესორ კარლ ჰენეგანის ნაშრომზე დაყრდნობით, კორონავირუსით გარდაცვალების მაჩვენებელი 2-3 %-იდან 0,3 %-მდე შემცირდა. პროფესორი ამტკიცებდა, რომ კორონავირუსით გარდაცვლილად არ უნდა ჩაითვალოს ადამიანი, რომელსაც გულის შეტევა ჰქონდა ან ფილტვების ქრონიკული დაავადება აწუხებდა. გაერთიანებულ სამეფოში ვირუსით გარდაცვლილთა რიცხვის შემცირება პროფესორის თქმით, კვლავ გრძელდება, მიუხედავად იმისა, რომ კარანტინის რეჟიმი აღარ მოქმედებს.

ექიმებმა კორონავირუსის მკურნალობის ახალი მეთოდები შეიმუშავეს, ტესტირების რიცხვიც მნიშვნელოვნად გაფართოვდა, მძიმე და მსუბუქი პაციენტების ერთმანეთისგან გამოყოფა გამარტივდა, ვირუსი უმეტესად ახალგაზრდა ადამიანებს ემართებათ.

კარლ ჰენეგანი აცხადებს, რომ ვირუსისადმი დამოკიდებულება უნდა შეიცვალოს:

„ვირუსის რისკებთან დაკავშირებით ჩვენი შეხედულებები უნდა შევცვალოთ. ადამიანები მეტისმეტად პანიკურ მდგომარეობაში არიან, ეს ყველაზე დიდი პრობლემაა. მედიკოსებმა ადამიანებს რისკების შესახებ სწორი ინფორმაცია უნდა მიაწოდონ. ადამიანებს შიშის გამო ყოველდღიური აქტივობებით დაკავების ეშინიათ. პანიკა აზარალებს სკოლებს და სხვა საზოგადოებრივ დაწესებულებებს. ყველა შფოთავს და ღელავს. ვირუსი ისეთი მომაკვდინებელი არ არის, როგორც გვეგონა. მიუხედავად კარანტინის მოხსნისა და ლოკალურ სივრცეებში შემთხვევების ზრდისა, კრიტიკული პაციენტების რიცხვი საგრძნობლად არ იზრდება. კარანტინის რეჟიმი ძალიან საზიანოა. კარანტინი ზრდის სიკვდილიანობის მაჩვენებელს, თუმცა არა კოვიდის გამო. ადამიანები სხვა მიზეზებით იღუპებიან. ჩვენი გადაწყვეტილებები კვლევებს უნდა ემყარებოდეს. შემთხვევების ზრდა არ გულისხმობს, რომ ინფექციაზე კონტროლს ვკარგავთ, რადგან დაავადებულთა უმრავლესობა ვირუსს მარტივად იტანს.“

პროფესორის თქმით, ადამიანები პანიკისგან უნდა გათავისუფლდნენ:

„ბიზნესის დატერორება იმის გამო, რომ შემთხვევათა რიცხვი გაიზრდება, სწორად არ მიმაჩნია. კორონავირუსი რესპირატორულ პათოგენად უნდა ჩავთვალოთ, რომელიც პრობლემებს იწვევს, ისევე როგორც ნებისმიერი მსგავსი ინფექცია. ადამიანებს უნდა ავუხსნათ, თუ რა რისკები აქვთ მათ რეალურად. როდესაც ბავშვები სკოლებს დაუბრუნდებიან, საზოგადოებამ უნდა იცოდეს, რა რისკების წინაშე დადგება ხალხი, თუ ბავშვებს სახლში გამოვკეტავთ. კარანტინის რეჟიმი მხოლოდ იმ შემთხვევაში უნდა ავამოქმედოთ, თუ დავინახავთ, რომ ვირუსის გამო ადამიანებს მაღალი რისკი ექმნებათ. მოწოდებამ „დარჩი სახლში, გადაარჩინე სიცოცხლე“ ადამიანები პანიკაში ჩააგდო, მათი შიში იმდენად გაიზარდა, რომ ისინი ზედმიწევნით ასრულებდნენ მითითებებს. ადამიანები უნდა მიხვდნენ, რომ გარეთ გასვლა სახიფათო არ არის.“

„ადამიანები ტერორში აღარ უნდა ვამყოფოთ. მათ უნდა ავუხსნათ, როგორ ვმკურნალობთ ვირუსს, რა საფრთხეს შეიცავს ის სინამდვილეში და რა ვიცით მის შესახებ,“ - აცხადებს კარლ ჰენეგანი.

მომზადებულია ​express.co.uk– ის მიხედვით

თარგმნა ია ნაროუშვილმა 

არ დაგავიწყდეთ !!!

დაემატეთ ჯგუფში საბავშვო რეცეპტები

შეიძლება დაინტერესდეთ

როგორ უნდა მოიქცეთ 19 ნოემბერს, სავსემთვარობისა და მთვარის დაბნელების დღეს?

როგორ უნდა მოიქცეთ 19 ნოემბერს, სავსემთვარობისა და მთვარის დაბნელების დღეს?
ასტროლოგი მიხეილ ცაგარელი 19 ნოემბრის სავსემთვარეობისა და მთვარის დაბნელების შესახებ წერს:

,,ჩემო მეგობრებო შეგახსენებთ , რომ 19 ნოემბერს სავსემთვარეობა და მთვარის დაბნელებაა. ამით დაიწყება დაბნელების დერეფანი, რომელიც დამთავრდება მზის დაბნელებით 4 დეკემბერს.

ძალიან ფრთხილად უნდა გავიაროთ ეს დერეფანი, მშვიდად, კონტროლით რამე არ გამოგვრჩეს მნიშვნელოვანი და ამის გამო არ გავირთულოთ ცხოვრება, ასევე გზებზე ფეხით მოსიარულეები გაფრთხილდით… ისინიც ვინც საჭესთან ხართ იყავით ძააალიან ყურადღებით…

ნუ წამოიწყებთ ახალ და მნიშვნელოვან საქმეს, უმჯობესია გააგრძელოთ ის რაც უკვე დაწყებული გაქვთ და რასაც უკვე აკეთებთ…

კარგია მოიფიქროთ თუ რისგან გინდათ გათავისუფლება და თავის დაღწევა, მიიღოთ გადაწყვეტილება სწორედ ამ დაბნელების დღეს …

ასევე ძველმანები და ზედმეტი ,,ხლამები” მოიშორეთ სამუდამოდ გათავისუფლდით რაც კი დღემდე ვერ მოიშორეთ სხვადასხვა მიზეზთა გამო…

უშუალოდ დაბნელების დღე გაატარეთ მშვიდად…

ჰარმონიულად…

ნუ გაეკარებით ნურავითარ ნეგატიურ ინფორმაციებსა და აგრესიას…

ნუ მიეძალებით რთულ და მძიმე საკვებს, ხორცეულს… ალკოჰოლს, მავნე ჩვევებს… დააღწიეთ , სანერვიულო ფიქრები ამ დღეს არ გაიკაროთ…

გაუგზავნეთ სამყაროს უდიდესი სიყვარული

და

გულწრფელი მადლიერებით

ყველას

უსურვეთ სიკეთე, ჯანმრთელობა, დღეგრძელობა, სიყვარული,

და

შეიგრძენით როგორ აივსეთ თქვენც ამ სიყვარულით…

გაუღიმეთ თქვენს საკუთარ ცხოვრებას

და თქვენს მეს, თქვენს პიროვნებას,

აპატიეთ ყველაფერი თქვენს თავს, რომ ვერ გაიმეტეთ ბევრი სიკეთეები საკუთარი თავისთვის დღემდე…

აპატიეთ ყველას ყველაფერი…

მიუტევეთ

და გაუშვით…..

… დაიწყეთ ახალი ცხოვრება ახალი ფურცლიდან, რომელსაც მიუძღვნით თქვენს საკუთარ მეს…

სიკეთეს გისურვებთ მადლიერებით და პატივისცემით, საუკეთესო სურვილებით…'' - აღნიშნავს მიხეილ ცაგარელი. 

წაიკითხეთ სრულად