Baby Bag

ბანანისგან კორონავირუსით დაინფიცირება - მითი თუ რეალობა?

ბანანისგან კორონავირუსით დაინფიცირება - მითი თუ რეალობა?

კორონავირუსის სწრაფი გავრცელების გამო მსოფლიო მასშტაბით დაავადებისადმი შიში მძაფრდება და არაერთი ცრუ ინფორმაციაც ვრცელდება. ერთ-ერთი მითი ბანანის აკრძალვას ეხება. აღნიშნულ თემას ცნობილი ექიმი ევგენი კომაროვსკი თავის ​ვიდეომიმართვაში ეხმიანება. როგორც უკრაინელი პედიატრი აღნიშნავს, ბანანთან დაკავშირებული პანიკა, ყოველგვარ საფუძველსაა მოკლებული:

„ვრცელდება ინფორმაცია, რომ ყველა ბანანი დაინფიცირებულია კორონავირუსით. ხალხი ერთმანეთს შეტყობინებებს უგზავნის, სადაც წერია, რომ აღარ ჭამონ ბანანი და ეს წერილი ყველას გაუგზავნონ. მინდა გითხრათ, რომ ეს ინფორმაცია სრული სისულელეა. მიირთვით ბანანი, შეგერგოთ! კორონავირუსთან დაკავშირებით სოციალურ ქსელებში ვრცელდება ბევრი დეზინფორმაცია, რაც ხალხში პანიკის დათესვას ემსახურება. ნუ დაიჯერებთ ყველაფერს“, - აღნიშნავს ექიმი კომაროვსკი. 

კორონავირუსის შესახებ გავრცელებულ ყველაზე პოპულარულ მითებს BBC-ს მონიტორინგის სამსახურმა მოუყარა თავი. აღნიშნულ თემაზე სტატია იხილეთ ბმულზე ​პოპულარული მითები კორონავირუსის შესახებ

არ დაგავიწყდეთ !!!

Moms.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

შეიძლება დაინტერესდეთ

„იტალიის სამედიცინო საზოგადოება გაოგნებულია ამ ფაქტით - არც ერთი მომვლელი ემიგრანტი ქალბატონი არ დასნებოვნებულა Covid-19-ით“

„იტალიის სამედიცინო საზოგადოება გაოგნებულია ამ ფაქტით - არც ერთი მომვლელი ემიგრანტი ქალბატონი არ დასნებოვნებულა Covid-19-ით“
„ერთი ინფორმაცია და მოსაზრება უნდა მოგაწოდოთ, რომელიც ძალიან ყურადსაღები და დასაფიქრებელია.... საქმე იმაშია, რომ უამრავი ჩვენი თანამემამულე ემიგრანტი ევროპაში (ამ შემთხვევაში იტალია, ესპანეთს ვესაუბრები და იქიდან მაქვს ეს ინფორმაცია) მუშაობს ოჯახებში და უვლის ხანდაზმული ასაკის ხალხს, მათ შორის, ძალიან ბევრი მოხუცი (იტალია გამოირჩევა ძალიან ხანდაზმულ ადამიანთა სიმრავლით ევროპაში, რომელთაგან უმეტესობას კომორბიდული ფონი აქვთ) გარდაიცვალა COVID-19-ით, თუმცა არც ერთი მომვლელი, ემიგრანტი ქალბატონი, რომელთა ასაკი მერყეობს ძირითადად 40-დან 65 წლამდე არ დასნებოვნებულა კორონავირუსული ინფექციით, ან გადაიტანა ინფექცია შედარებით იოლ ფორმებში, სეზონური გრიპის კლინიკით მაშინ, როცა ამ ასაკის ძალიან ბევრი მედიკოსი, რომელთაც ინფიცირებულებთან ჰქონდათ კონტაქტი, მყისიერად დაინფიცირდა... თქვენ იცით ვინმე ინფიცირებული ჩვენი თანამემამულე??? იტალიის სამედიცინო საზოგადოება თვითონ გაოგნებულია ამ ფაქტით!!! ჯერჯერობით ამის შესწავლის დრო არ არის!!! მტერია დასამარცხებელი, ვერაგი მტერი!!! COVID-19-ის პანდემიის ჩათავების შემდეგ უამრავი საკითხი, თემა იქნება შესასწავლი, რასაც ეს, ჯერჯერობით შეუცნობელი ვირუსი დაუტოვებს მეცნიერებს!!! უამრავი კვლევები ჩატარდება!!! ძალიან მნიშვნელოვანი შრომები, მეტანალიზით გამყარებული სამეცნიერო სტატია გამოქვეყნდება საერთაშორისო სტანდარტების მქონე ჟურნალებში, დისერტაციები, მონოგრაფიები....მაგრამ მანამდე, ჰიპოთეზის დონეზე დღეს, ევროპაში ბევრი მეცნიერი თვლის,რომ ეს ფაქტი უკავშირდება საბჭოთა პერიოდში მასობრივი ვაქცინაციის ჩატარებას და განსაკუთრებით ფიქრობენ-ბცჟ -ტუბერკულოზის საწინააღმდეგო ვაქცინაზე (მაშინ, როცა არც ევროპაში და არც ამერიკაში ეს ვაქცინაცია არ ტარდებოდა და კიცხავდნენ კიდეც СССР-ს საყოველთაო აცრების გამო, ფაქტია, რომ ეს ყველა ქალბატონი ბცჟ-თი ვაქცინირებულია). შეიძლება, კიდევ სხვა მიზეზი არსებობს, ჯერ შესასწავლია, მაგრამ უდაოდ საინტერესოა, ძალიან საინტერესო... ჩავაგდებ ოფიციალური დონის სტატიასაც, სადაც გაჟღერებულია ეს აზრიც, ფაქტია, რომ ევროპაში მეცნიერები დაინტერესებულები არიან ამ საკითხით...“

ამის შესახებ სოციალურ ქსელში ცნობილი პედიატრი ინგა მამუჩიშვილი წერს. შეგახსენებთ, რომ იტალიაში ბოლო 24 საათში ახალი კორონავირუსით 969 ადამიანი დაიღუპა. ვირუსის გავრცელებიდან დღემდე, ქვეყანაში Covid-19-ით 9 134 ადამიანია გარდაცვლილი. დაინფიცირებულთა საერთო რაოდენობა კი ამ დროისათვის 86 ათასს ​აჭარბებს.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“

წაიკითხეთ სრულად