Baby Bag

გაიხსნება თუ არა ბაღები 12 ოქტომბერს? - ბაგა-ბაღების მართვის სააგენტოს ხელმძღვანელის პასუხი

თბილისის საბავშვო ბაგა-ბაღები ჯანდაცვის სამინისტროს მიერ დამტკიცებული ახალი რეგულაციებით მუშაობისთვის მზადაა.

ბაგა-ბაღების მართვის სააგენტოს ხელმძღვანელი, კახაბერ გვანცელაძე ახალი წესებით მუშაობის პრინციპს თბილისის N44 საჯარო ბაღში გაეცნო, სადაც სხვა ბაღების მსგავსად, ეზოში მინიშნებები და დეზობარიერები განთავსდა, მოეწყო დაყოვნებისა და საიზოლაციო სივრცეები, მომზადდა აღსაზრდელთა მიღება-გაშვების გრაფიკი და სხვა.

კახაბერ გვანცელაძემ საძინებელ ოთახებში საწოლების განაწილებაც შეამოწმა. ახალი რეგულაციით, ბავშვები საწოლებში უნდა განთავსდნენ იმგვარად, რომ არ მოხდეს მათი სახით კონტაქტი. ასევე, ბაღების სააგენტომ შეიძინა მეთოდური მასალები, რომლებიც თითოეული ბავშვისთვის განკუთვნილ ინდივიდუალურ ჩანთაშია მოთავსებული. ყველა სააღზრდელო ჯგუფში განისაზღვრა სივრცეები სხვადასხვა აქტივობისთვის, რათა ბავშვთა მცირე ჯგუფების დისტანცირება მოხდეს.

„რეგულაციების დამტკიცებისთანავე, მათი აღსრულებისთვის საჭირო ღონისძიებების გატარება დავიწყეთ, რაც მოითხოვდა, როგორც გარკვეული ინვენტარის შესყიდვას, ასევე, პერსონალის გადამზადებას. საკმაოდ მოკლე დროში აღვჭურვეთ და მოვაწყეთ ბაღები დადგენილი რეკომენდაციების შესაბამისად, რის შემდეგაც, თითოეული დაწესებულება ჯანდაცვის სამინისტროს შრომითმა ინსპექციამ დეტალურად შეამოწმა. შეიძლება ითქვას, რომ თბილისის საჯარო ბაღები აღსაზრდელების მისაღებად მზადაა“, - განაცხადა კახაბერ გვანცელაძემ.

თბილისის საბავშვო ბაღებში სააღმზრდელო წლის დაწყება 12 ოქტომბერს იგეგმება. ქალაქის 183 ბაგა-ბაღში 61 000-მდე აღსაზრდელია რეგისტრირებული.

 Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯ​გუფი“)

შეიძლება დაინტერესდეთ

„მინდა, ცოტა დავამშვიდო მშობლები და ჩემს ხელთ არსებული ინფორმაცია გაგიზიაროთ“ - პედიატრი ეკა უბერი

„მინდა, ცოტა დავამშვიდო მშობლები და ჩემს ხელთ არსებული ინფორმაცია გაგიზიაროთ“ - პედიატრი ეკა უბერი

„ახალი კორონავირუსი და ბავშვები....

მინდა, ცოტა დავამშვიდო მშობლები და ჩემს ხელთ არსებული ინფორმაცია გაგიზიაროთ...
ახალ კორონავისურზე ინფორმაცია და გამოცდილება მხოლოდ რამდენიმე თვეს ითვლის. 2019 წლის დეკემბრამდე ამ ვირუსის შესახებ მეცნიერებისთვის არაფერი არ იყო ცნობილი.

​ჯერჯერობით არსებული სტატისტიკის მიხედვით, ჩინეთის და სამხრეთ კორეის მაგალითებზე დაყრდნობით, ახალი კორონავირუსით დაინფიცირებულ ბავშვთა უმრავლესობასთან 94.1% -ში ინფექცია მსუბუქად ან საშუალო სიმძიმით გამოვლინდა, (მოზრდილებში ეს მაჩვენებელი 81%-ია), გამოჯანმრთელების პროცენტი თითქმის აბსოლუტურია (მხოლოდ 1 შემთხვევა დამთავრდა ლეტალურად).

კონტაგიოზურობის ანუ გადამდებიანობის რიცხვი შედარებით დაბალია, კერძოდ, ინფიცირებულ ადამიანებთან კონტაქტის მიუხედავად, ბავშვთა მხოლოდ 34%-ში დაფიქსირდა ინფიცირება.

თამდევი დაავადებები არ განიხილება, როგორც დაავადების მძიმე მიმდინარეობის ხელშემწყობი ფაქტორი. კარგად მართული შაქრიანი დიაბეტი ასევე არ წარმოადგენს რისკ-ფაქტორს.

გისურვებთ ფიზიკურ და სულიერ ჯანმრთელობას“.

ამის შესახებ პედიატრი ეკა უბერი სოციალურ ქსელში წერს.

წაიკითხეთ სრულად