ჯანდაცვის მინისტრის მოადგილე თამარ გაბუნია სინოფარმით აცრილებსა და კოვიდგადატანილებისთვის მიღებულ ახალ გადაწყვეტილებაზე საუბრობს. მისი თქმით, ნებისმიერი ვაქცინით შეიძლება ბუსტერ დოზის გაკეთება, გარდა ასტრაზენეკას ვაქცინისა:
,,სინოფარმით აცრილებს შეუძლიათ მესამე დოზა იგივე ვაქცინა გაიკეთონ, თუმცა მათ ასევე აქვთ საშუალება გაიკეთონ ფაიზერის ვაქცინა. რაც შეეხება კოვიდგადატანილ ადამიანს, თუ ისედაც ვაქცინირებული იყო, მისი იმუნიტეტი მყარი უნდა იყოს და ისინი იმ პირველ ჯგუფში არ შედიან, რომლებსაც ბუსტერ დოზა სჭრიდებათ. თუმცა 6 თვის გასვლის შემდეგ, მიზანშეწონილი იქნება, რადგან ჯერჯერობით მყარი დასაბუთება, რომ ანტისხეულები დიდხანს ნარჩუნდება, არ გვაქვს, '' - აღნიშნა თამარ გაბუნიამ.
რაც შეეხება სინოვაკის და სინოფარმის ეფექტურობას, ჯანდაცვის მინისტრის მოადგილის თქმით, ორივე ვაქცინა ეფექტურია, თუმცა გარკვეული დროის შემდეგ, ანტისხეულების ტიტრი იკლებს, ეს დაახლოებით 6 თვეში ხდება.
,,დელტა (ინდური შტამი) ვარიანტი მალე დომინანტური გახდება, ის უფრო მაღალი გადამდებლობით და ჰოსპიტალიზაციით გამოირჩევა''
რეანიმატოლოგ-ანესთეზიოლოგი არჩილ მარშანია დელტა შტამის შესახებ საუბრობს. მის ნათქვამს MomsEdu.ge სიტყვა-სიტყვით გთავაზობთ:
,,დელტა (ინდური შტამი) ვარიანტი მალე დომინანტური გახდება, ის უფრო მაღალი გადამდებლობით და ჰოსპიტალიზაციით გამოირჩევა.
ერთადერთი გზა არის მასიური ვაქცინაცია და საკუთარი თავის დაცვა ზოგადი რეკომენდაციებით, სულ იზოლირებული ვერ ვიქნებით რისკების სრული ელიმინაცია ნონსენსია, რისკების შემცირებაზეა საუბარი, ამიტომ უბრალოდ მაქსიმალურად მოერიდეთ ხალხმრავლობას, დახურულ შენობაში სადაც (თუ) ხართ გაანიავეთ ხშირად სივრცე, დისტანცია + პირბადე. სიმპტომების არსებობის შემთხვევაში დაუყოვნებლივ მიმართეთ ექიმს და გადადით იზოლაციაში.
რადგან ამ ეტაპზე ვაქცინები ყველასთვის არ არის და რაც არის იმასაც ვერ ვითვლით ნორმალურად, ძირითადი აქცენტი მაინც ზოგად რეკომენდაციებზეა,'' - აღნიშნავს არჩილ მარშანია.
