Baby Bag

„ისე არ დაამთავრო დღე, რომ რამდენიმე წუთი მეუღლესთან შეხება არ გქონდეს საუბრის სახით,“ - დეკანოზი შალვა კეკელია

„ისე არ დაამთავრო დღე, რომ რამდენიმე წუთი მეუღლესთან შეხება არ გქონდეს საუბრის სახით,“ - დეკანოზი შალვა კეკელია

დეკანოზმა შალვა კეკელიამ ოჯახის წევრებს შორის ურთიერთობის დეფიციტის პრობლემაზე ისაუბრა და ყველას მოუწოდა, რომ ოჯახს მეტი დრო დაუთმონ:

„ალბათ, რამდენიმე ადამიანი იქნება ისეთი ოჯახი რომ ერთად იკრიბება, ერთად სადილობენ და ვახშმობენ. შეიძლება აღარც არიან ისეთი ოჯახები დღეში ერთხელ მაინც ერთად რომ იკრიბებიან. ყველა ცალ-ცალკეა დღეს. შეიძლება მეგობართან უფრო მეტი დრო გაატაროს ადამიანმა, ვიდრე ოჯახის წევრებთან. შეიძლება დას ან ძმას არ მოუსმინოს და მეგობრის ტკივილი მოისმინოს. მახსოვს, ბავშვობაში მეც ასე ვიქცეოდი ხოლმე. დედაჩემს ყველაზე მეტად აინტერესებდა ჩემი ამბავი და მეგობრებს უფრო ვუყვებოდი. დედაჩემს რაღაც ისე ვეტყოდი ამას, არ ვეტყოდი ყველაფერს. არადა იმ ჩემს მეგობარს საერთოდ არ აინტერესებდა რა გავაკეთე.“

„ეს ძალიან ყოფს ოჯახს, როდესაც ოჯახის წევრები ერთმანეთთან არ არიან, ცალ-ცალკე არიან. მოახერხეთ, რომ კვირაში ერთხელ, თვეში ერთხელ ქალაქგარეთ გახვიდეთ ერთად. ​დიალოგი და საუბარი ოჯახს ძალიან უწყობს ხელს, განსაკუთრებით ცოლ-ქმარს შორის. გამონახეთ დღეში რამდენიმე წუთი ერთმანეთისთვის. ყოველდღიური ურთიერთობა გქონდეს შენს მეუღლესთან. ისე არ დაამთავრო დღე, რომ რამდენიმე წუთი მეუღლესთან შეხება არ გქონდეს საუბრის სახით. ეს ძალიან დეფიციტია დღეს. ევროპიდან რაღაცების გადმოღება რომ გვინდა, ასეთი რაღაცები გადმოვიღოთ. ევროპაში შაბათ-კვირას ყველა ოჯახი გადის, ერთად ვახშმობენ. ადრე კვირა დღე ოჯახში თავიდან ბოლომდე ერთმანეთისთვის ჰქონდათ მიძღვნილი,“ - აღნიშნა დეკანოზმა შალვა კეკელიამ.

წყარო:​ davitianni georgia

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„დიახაც, ქალი ძალიან ძლიერია... ბავშვის დაბადებაც კი ღმერთმა ქალს არგუნა,“- დეკანოზი შალვა...
​დეკანოზმა შალვა კეკელიამ ქალის განსაკუთრებული ძალისა და სამყაროში მისი უმნიშვნელოვანესი როლის შესახებ ისაუბრა:„დიახაც, ქალი ერთ-ერთი ყველაზე ძლიერია. ქალი ძალიან ძლიერია იმიტომ, რომ თუნდაც ბავშვის და...

შეიძლება დაინტერესდეთ

გზამკვლევი ორსულებისთვის: რა სიმპტომები აქვს ქალს ორსულობის პირველ, მეორე და მესამე ტრიმესტრში?

გზამკვლევი ორსულებისთვის: რა სიმპტომები აქვს ქალს ორსულობის პირველ, მეორე და მესამე ტრიმესტრში?

ორსულობა საშუალოდ 40 კვირადე გრძელდება. ორსულობის კვირები სამ ტრიმესტრად არის დაჯგუფებული. გაიგეთ, რა ხდება თქვენს ორგანიზმში თითოეული ტრიმესტრის განმავლობაში და რა სიმპტომებს უნდა ელოდოთ ორსულობის ცალკეულ ეტაპებზე.

პირველი ტრიმესტრი (1-12 კვირა)

ორსულობის პირველ ტრიმესტრში ქალის ორგანიზმში მნიშვნელოვანი ცვლილებები ხდება. ჰორმონალური ცვლილებები ორგანოთა ყველა სისტემაზე ახდენს გავლენას. აღნიშნული ცვლილებები ხშირად ორსულობის საწყის ეტაპზევე იწვევს გარკვეული სიმპტომების გამოვლენას. ერთ-ერთი პირველი სიმპტომი, რომელიც ორსულობაზე მიგანიშნებთ, მენსტრუალური ციკლის შეწყვეტაა. სხვა სიმპტომები, რომლებიც ორსულობის პირველ ტრიმესტრში ვლინდება, შემდეგია:

  • ძლიერი დაღლილობის შეგრძნება
  • მკერდის მგრძნობელობის მატება
  • კუჭ-ნაწლავის პრობლემები, დილის გულისრევა, ღებინება
  • გარკვეული საკვები პროდუქტების მიმართ ლტლოლვა ან ზიზღი
  • ხასიათის ცვალებადობა
  • შეკრულობა
  • გახშირებული შარდვა
  • თავის ტკივილი
  • გულძმარვა
  • წონაში მატება ან კლება

ორსულობის პირველ ტრიმესტრში უმჯობესია ცხოვრების წესი შეიცვალოთ, დასაძინებლად ადრე წახვიდეთ და მცირე ულუფებით იკვებოთ. ორსულობის პროგრესირებასთან ერთად უსიამოვნო სიმპტომების დიდი ნაწილი გაივლის. ზოგიერთი ქალი მეორე-მესამე ტრიმესტრში დისკომფორტს საერთოდ აღარ განიცდის. თუ ორსულად აქამდეც ყოფილხართ, შესაძლოა, ამჯერად სხვა სიმპტომები გამოგივლინდეთ. როგორც თითოეული ქალის ორსულობა, ასევე კონკრეტული ქალის სხვადასხვა ორსულობაც ერთმანეთისგან განსხვავებულია.

მეორე ტრიმესტრი (13-28 კვირა)

ქალების უდიდესი ნაწილისთვის ორსულობის მეორე ტრიმესტრი პირველთან შედარებით მარტივია. გულისრევისა და დაღლილობის სიმპტომები ნელ-ნელა ქრება. მუცლის ზომა ნაყოფის ზრდასთან ერთად იმატებს. ორსულობის მეორე ტრიმესტრის დასრულებამდე ბავშვის პირველ მოძრაობასაც იგრძნობთ. სიმპტომები, რომლებიც მეორე ტრიმესტრში ვლინდება, შემდეგია:

  • მუცლის, ზურგის, საზარდულისა და ბარძაყის ტკივილი
  • სტრიები მუცელზე, მკერდზე, თეძოებსა და დუნდულებზე
  • მკერდის ირგვლივ კანის გამუქება
  • მუქი ფერის ლაქების გაჩენა ლოყებზე, ცხვირზე, შუბლზე, ზედა ტუჩთან
  • ხელების დაბუჟება, ჩხვლეტის შეგრძნება
  • ქავილის შეგრძნება ხელისგულებზე, მუცელსა და ტერფებზე
  • სახის, ტერფებისა და თითების შეშუპება (უცაბედი და ექსტრემალური შეშუპების შემთხვევაში დაუყოვნებლივ მიმართეთ ექიმს)

მესამე ტრიმესტრი (29-40 კვირა)

მეორე ტრიმესტრში არსებული სიმპტომების ნაწილი მესამე ტრიმესტრშიც ფიქსირდება. ქალების დიდ ნაწილს სუნთქვა უძნელდება და შარდვის გახშირებული მოთხოვნილება აქვს, რადგან ბავშვი იზრდება და ორგანოებზე ზეწოლა ძლიერდება. ცვლილებები, რომლებსაც მესამე ტრიმესტრში შეამჩნევთ, შემდეგია:

  • სუნთქვის გაძნელება
  • გულძმარვა
  • ჰემოროი (ბუასილი)
  • მტკივნეული მკერდი
  • ძილის პრობლემები
  • მუცლის ქვედა არეში ბავშვის მოძრაობის გახშირება
  • საშვილოსნოს შეკუმშვები, რომელიც, შესაძლოა, მშობიარობის დაწყების ნიშანიც იყოს

ორსულობის მესამე ტრიმესტრში ექიმი ყურადღებით აკვირდება ორსულობის განვითარებას და მშობიარობისთვის აქტიური მზადება მიმდინარეობს.

წყარო: ​Womenshealth.gov

წაიკითხეთ სრულად