ალბათ ხშირად გსმენიათ, რომ დედები ამბობენ: „არ მქონდა რძე“, „ნოყიერი რძე არ იყო“, „საკესროთი გავაჩინე და რძე არ ჩამიდგა“ და ა.შ.
კვლევების მიხედვით, თითქმის ყველა ქალს (მსოფლიო 3-5%-ის გარდა) შეუძლია ძუძუთი კვება. მაშინ რატომ ხდება, რომ ნახევარზე მეტს ვერ გამოსდის ეს პროცესი?
ჯანმოს ოფიციალური მონაცემების თანახმად, არსებობს რიგი მიზეზები, რის გამოც ქალს აკლდება წარმატებულად ძუძუთი კვების შანსი. ბევრი მათგანი სამედიცინო გაიდლაინების ან რეკომემდაციების დარღვევაა, ასევე ინფორმაციის ნაკლებობა.
ჩამოვთვალოთ მიზეზები:
დედის და ახალშობილის დაშორება
არ შეიძლება დედის და ახალშობილის დაშორება, თუ რა თქმა უნდა, ამის მიზეზი არ არსებობს. ინტენსიურ განყოფილებაში მყოფ ბავშვსაც კი სასიცოცხლოდ სჭირდება დედასთან კანით კანთან კონტაქტი და დედის რძე. დაშორების დროს ასევე დედას ხშირად არ აცნობენ მკერდის გამოწველის წესებს, და ამის გამო დედა ვერ ახერხებს ლაქტაციას.
ახალშობილის პირველი მოჭიდების დაგვიანება
მშობიარობის შემდეგ პირველი მოჭიდება ძუძუზე უნდა მოხდეს არაუმეტეს 1 საათის შემდეგ;
საკეისრო კვეთის შემთხვევაში - არაუმეტეს 2 საათის.
არ შეიძლება დედის რძის გარდა სხვა სითხეების მიღება 6 თვემდე, თუ ამის საჭიროება არ არის (თუ გვაქვს წონის პრობლემები, ვამატებთ გამოწველილ რძეს ან ფორმულას)
ჩაი, წყალი, წვენი არ შეიძლება.
არ შეიძლება ბავშვისთვის ძუძუს წართმევა ჭამის დროს, სანამ თვითონ არ დაასრულებს. ასევე არ შეიძლება ხელოვნურად შექმნილი ინტერვალებით კვება
ახალშობილს უნდა მივაწოდოთ ძუძუ ყოველთვის, როცა მას სურს. ბავშვმა უნდა ჭამოს იმდენი ხანი, რამდენიც თვითონ უნდა, იმისათვის, რომ ბოლომდე დაცალოს ძუძუ და მიიღოს ყველა ის ვიტამინი და ფერმენტი, რაც საჭიროა. ასევე დაიმახსოვრეთ, რომ ძუძუ მხოლოდ საკვები არაა.
სამშობიაროებში ხელოვნური საკვების რეკლამა/ჩუქება
როდესაც დედა ხვდება პრობლემებს ძუძუთი კვების დროს, ლაქტაციის კონსულტანტის/სპეციალისტის დახმარების მაგივრად რომ ხელოვნური კვების რეკლამას ხედავს, უფრო მეტი შანსია, რომ ლაქტაცია დასრულება წარუმატებლად.
არ შეიძლება ბოთლის, მატყუარას და სილიკონის დამცავი თავების გამოყენება
ბოთლის და მატყუარას შემთხვევაში ახალშობილი აფუჭებს მოჭიდებას, რაც პირდაპირ კავშირშია ძუძუთი კვების წარმატებულობასთან.
სილიკონის დამცავი თავების გამოყენება კი რეკომენდებული მხოლოდ იმ შემთხვევაში, როდესაც მცდელობების მიუხედავად ძუძუთი გამოკვების დროს დედას აქვს ტკივილი და სილიკონის გამოყენების შედეგად ის ქრება ან იკლებს.
ისეთი ფრაზების გამოყენება, რაც უშლის დედას, დაიჯეროს, რომ მას შეუძლია ლაქტაცია.
დედის ფსიქოლოგიური განწყობას ძალიან დიდი მნიშვნელობა აქვს. დედას სჭირდება მხარდაჭერა და ინფორმირება, დახმარება პრობლემების (თუ მას შეექმნა) შემთხვევაში.
გაეცანით ლაქტაციის კონსულტანტის, თამუნა ლობჟანიძის ბლოგს ინსტაგრამზე👇
