Baby Bag

ნოემბრის გარდა, კიდევ როდის მიეცემა მასწავლებელს კომპეტენციის დადასტურების შესაძლებლობა?

ნოემბრის გარდა, კიდევ როდის მიეცემა მასწავლებელს კომპეტენციის დადასტურების შესაძლებლობა?

შეფასებისა და გამოცდების ეროვნული ცენტრი მასწავლებლის გამოცდებთან დაკავშირებით გთავაზობთ ხშირად დასმულს კითხვებსა და პასუხებს:

1.გამოცდის დაწყების დრო საგამოცდო ბარათზეა მითითებული? - ბარათზე იხილავთ რეგისტრაციის დაწყების (და არა გამოცდაზე შესვლის) დროს. მონაწილე საგამოცდო ცენტრში უნდა გამოცხადდეს ბარათზე მითითებულ დროსა და ადგილას.

2. რეგისტრაცია ახლაც 08:00 საათზე იწყება? - რეგისტრაცია, უმეტესად, 10:00 საათზე იწყება. გამონაკლისს წარმოადგენს უცხო ენის, ქართულის, როგორც მეორე ენის და ინფორმაციული და საკომუნიკაციო ტექნოლოგიების პრაქტიკული ნაწილის გამოცდა. სწორედ ამიტომ აუცილებელია აპლიკანტები ყურადღებით გაეცნონ საგამოცდო ბარათზე მითითებულ ინფორმაციას და ცენტრებში გამოცხადნენ შესაბამის დროსა და ადგილას.

3. როგორ უნდა გავიარო რეგისტრაცია საგამოცდო ცენტრში? - რეგისტრაციის გასავლელად დაგჭირდებათ საგამოცდო ბარათი და პირადობის დამადასტურებელი დოკუმენტი.

4. რა ვქნა, თუ საგამოცდო ბარათი დავკარგე, შესაძლებელია ტელეფონით გადაღებული ფოტო წარმოვადგინო? - ბარათის დაკარგვის შემთხვევაში, შეგიძლიათ შეხვიდეთ ვებგვერდზე online.naec.ge რეგისტრაციისას მითითებული ელექტრონული ფოსტის მისამართით და ხუთნიშნა კოდით და ხელახლა ამობეჭდოთ იგი. მნიშვნელოვანია, რომ ბარათზე მითითებული ყველა ინფორმაცია ჩანდეს მკაფიოდ, ხარვეზების (წყვეტის, ლაქებისა და ა. შ.) გარეშე. მობილური ტელეფონით ბარათის ფოტოს საგამოცდო ცენტრში ვერ წარადგენთ, რადგან გამოცდაზე შესვლამდე უნდა გათიშოთ ყველანაირი ელექტრონული მოწყობილობა, მათ შორის, ტელეფონიც და ჩააბაროთ შესანახი ნივთებისათვის გამოყოფილ სპეციალურ ადგილას.

5. რა ხდება იმ შემთხვევაში, თუ დამავიწყდა იმ ელფოსტის მისამართი, რომლითაც რეგისტრაცია გავიარე? - ამ შემთხვევაში უნდა მომართოთ ცენტრს განცხადებით (მისამართზე: ე. მინდელის N9) და მოითხოვოთ ახალი ელექტრონული ფოსტის მიბმა თქვენს სარეგიტრაციო ველზე.

6. აუცილებელია თუ არა საგამოცდო ბარათის შენახვა გამოცდის დასრულების შემდეგ? - უნდა დაიმახსოვროთ ბარათზე დატანილი ცხრანიშნა საიდენტიფიკაციო ნომერი. მისი მეშვეობით თქვენ შეძლებთ შედეგების გაგებას.

7. კიდევ როდის მიეცემა შესაძლებლობა მასწავლებელს დაადასტუროს კომპეტენცია? - მასწავლებლის კომპეტენციის დასადასტურებლად რეგისტრაციის გავლა, სავარაუდოდ, მარტის თვეში იქნება შესაძლებელი. ტესტირება კი ზაფხულში ჩატარდება.

8. რამდენი ქულა უნდა ავიღო საგნის გამოცდაზე, რომ 3 კრედიტი მოვაგროვო? - კრედიტების დაგროვების საკითხი სცილდება ჩვენს კომპეტენციას. დეტალები გაარკვიეთ მასწავლებლის სახლში.

9. საწერი კალამი დამხვდება გამოცდაზე, თუ შემიძლია ჩემი შევიტანო?- ცენტრი წელსაც უზრუნველყოფს მონაწილეებს საწერი კალმებით. სურვილის შემთხვევაში, აპლიკანტებს საშუალება აქვთ თან იქონიონ გელიანი (ე. წ. ტუშის) შავი ფერის კალამი, 0,5-0,7 მმ. ბურთულიანი წვერით.

შეიძლება დაინტერესდეთ

მოსწავლეთა გაკვეთილზე დასწრების აღრიცხვის ჟურნალის ფორმის დამტკიცების შესახებ ბრძანებაში ცვლილება შევიდა

მოსწავლეთა გაკვეთილზე დასწრების აღრიცხვის ჟურნალის ფორმის დამტკიცების შესახებ ბრძანებაში ცვლილება შევიდა

„საქართველოს ზოგადსაგანმანათლებლო დაწესებულებებში მოსწავლეთა გაკვეთილზე დასწრების აღრიცხვის ჟურნალის ფორმის დამტკიცების შესახებ“ ბრძანებაში ცვლილება შევიდა. შესაბამისი ​დოკუმენტი, რომელსაც განათლებისა და მეცნიერების მინისტრი მიხეილ ჩხენკელი აწერს ხელს, საკანონმდებლო მაცნეში დღეს გამოქვეყნდა.

„ა“ ქვეპუნქტით დამტკიცებული დანართი 1-ით („ზოგადსაგანმანათლებლო დაწესებულებებში მოსწავლეთა გაკვეთილზე დასწრების აღრიცხვის ჟურნალის ფორმა I-IV კლასებისთვის“) გათვალისწინებულჟურნალის წარმოების წესს“დაემატოს შემდეგი შინაარსის მე-8 და მე-9 პუნქტები:

„8. 2020-2021 სასწავლო წელს ზოგადსაგანმანათლებლო დაწესებულებები, რომლებიც აწარმოებდნენ მხოლოდ ელექტრონულ ჟურნალს, ხელმძღვანელობენ მოსწავლეთა დასწრების შესახებ სსიპ - განათლების მართვის საინფორმაციო სისტემის მიერ მიწოდებული ელექტრონულ ჟურნალში არსებული და მასწავლებლის მიერ დაწერილი ელექტრონულ ჟურნალში აღურიცხავი გაცდენების შესახებ გაერთიანებული ინფორმაციით.

9. ზოგადსაგანმანათლებლო დაწესებულებები, რომლებიც 2020-2021 სასწავლო წლის განმავლობაში აწარმოებდნენ როგორც ჟურნალს, ასევე - ელექტრონულ ჟურნალს, ხელმძღვანელობენ მოსწავლეთა დასწრების შესახებ ჟურნალში არსებული ინფორმაციით.“

2. „ბ“ ქვეპუნქტით დამტკიცებული დანართი 2-ით (ზოგადსაგანმანათლებლო დაწესებულებებში მოსწავლეთა გაკვეთილზე დასწრების აღრიცხვის ჟურნალის ფორმა V-XII კლასებისათვის) გათვალისწინებულჟურნალის წარმოების წესს“ დაემატოს შემდეგი შინაარსის მე-8 – მე-10 პუნქტები:

„8. 2020-2021 სასწავლო წელს ზოგადსაგანმანათლებლო დაწესებულებები, რომლებიც აწარმოებდნენ მხოლოდ ელექტრონულ ჟურნალს, ხელმძღვანელობენ მოსწავლეთა დასწრების/აკადემიური მოსწრების შესახებ სსიპ - განათლების მართვის საინფორმაციო სისტემის მიერ მიწოდებული ელექტრონულ ჟურნალში არსებული და მასწავლებლის მიერ ელექტრონულ ჟურნალში აღურიცხავი ან შეცდომით შეტანილი დაკორექტირებული შეფასებებისა და გაცდენების შესახებ გაერთიანებული ინფორმაციით.

9. ზოგადსაგანმანათლებლო დაწესებულებებმა უნდა უზრუნველყონ ამ ბრძანების პირველი მუხლის „ბ“ ქვეპუნქტით დამტკიცებული დანართი 2-ით გათვალისწინებული „ჟურნალის წარმოების წესის“ მე-8 პუნქტის შესაბამისად გამოთვლილი გაცდენებისა და სემესტრული და წლიური შეფასებების შესახებ ინფორმაციის ინდივიდუალური ადმინისტრაციულ-სამართლებრივი აქტით დამტკიცება.

10. ზოგადსაგანმანათლებლო დაწესებულებები, რომლებიც 2020-2021 სასწავლო წლის განმავლობაში აწარმოებდნენ როგორც ჟურნალს, ასევე - ელექტრონულ ჟურნალს, დასწრებისა და სემესტრული და წლიური შეფასებების გამოთვლას განახორციელებენ ჟურნალის მიხედვით.“

წაიკითხეთ სრულად