Baby Bag

მე მირჩევნია ტრენინგი მასწავლებელმა ჩაატაროს, ვიდრე მასწავლებლის სახლის ტრენერმა - ბერიკა შუკაკიძე

მე მირჩევნია ტრენინგი მასწავლებელმა ჩაატაროს, ვიდრე მასწავლებლის სახლის ტრენერმა - ბერიკა შუკაკიძე

პედაგოგთა ტრენინგებთან დაკავშირებით,  მას­წავ­ლე­ბელ­თა პრო­ფე­სი­უ­ლი გან­ვი­თა­რე­ბის ეროვ­ნუ­ლი ცენ­ტ­რის დი­რექ­ტორ­მა, ბე­რი­კა შუ­კა­კი­ძემ გადაცემაში „ჩვენი სკოლა“ ისაუბრა. 

მისი თქმით,  პირველ რიგში, მასწავლებლის საუნივერსიტეტო განათლებას უნდა მიექცეს ყურადღება და მხოლოდ ამის შემდეგ არის ტრენინგი ეფექტური:

„ტრენინგი ეს არის, ასე ვთქვათ, დესერტი.  პირველ რიგში,  ჩვენ უნდა მივხედოთ მასწავლებლის საუნივერსიტეტო განათლებას, რომელიც უნდა იყოს მაღალი დონის. ამის შემდეგ არის ტრენინგი ეფექტური. რაც შეეხება დეცენტრალიზაციას, მასწავლებლის სახლის ტრენერს (ტრენერებს შეურაცხყოფას არ ვაყენებ) მე მირჩევნია, მაგალითად, გორის რომელიმე სკოლაში ვიპოვო კარგი მასწავლებელი, რომელმაც კარგად იცის კონკრეტულად გორის სკოლის საჭიროებები, ვიდრე მასწავლებლის სახლიდან მივლენილმა ტრენერმა. ამიტომ ჩვენ უნდა მივხედოთ მასწავლებლის სკოლის ბაზაზე პროფესიულ განვითარებას, უნდა მივხედოთ მასწავლებლის სოციო-ეკონომიკური სტატუსის ამაღლებას, რათა ეს პროფესია გახდეს პოპულარული მაღალი სააზროვნო უნარების მქონე სტუდენტებში და ისინი შეუერთდნენ ამ პროფესიას. ჩვენ ვიწყებთ მაღალი დონის სოციალურ კამპანიას. ჩემთვის პატრიოტობა არის ტყიბულის რაიონის სოფელ მუხურაში (მთის სკოლაა) მასწავლებლად მუშაობის დაწყება. ახალგაზრდა პატრიოტმა თავისი პატრიოტობა იქ მუშაობით უნდა გამოავლინოს,“ - აღნიშნა ბერიკა შუკაკიძემ.  

შეიძლება დაინტერესდეთ

უფასო ტრენინგების სერიამ - „სოლიდარობა პედაგოგებს“ ინტერნეტი დაიპყრო

უფასო ტრენინგების სერიამ - „სოლიდარობა პედაგოგებს“ ინტერნეტი დაიპყრო

პედაგოგთა პროფესიული ზრდის ცენტრის ინიციატივით 2020 წლის 7 ნოემბერს დაიწყო უფასო ტრენინგების სერია. ტრენინგებზე დასწრება ნებისმიერ მსურველს შეუძლია.

ტრენინგის ვიდეოს ათასობით ნახვა აქვს და მთელი ინტერნეტსივრცე მოიცვა. მადლიერი პედაგოგების რაოდენობა ათასებს ითვლის ამ სასიკეთო საქმის წამოწყებისთვის. ეს მართლაც ბევრ პედაგოგს დაეხმარება გამოცდის მაღალ ქულაზე ჩაბარებაში, რადგან ტრენინგებს ატარებენ მასწავლებლის სახლიდან მოწვეული და თბილისის სახელმწიფო უნივერსიტეტის მიერ სერტიფიცირებული ტრენერები.

გთავაზობთ ტრენინგის ​ვიდეოს

მომდევნო მეცადინეობა ჩატარდება 10 ნოემბერს 16:00 საათზე, ტრენინგზე დასასწრებად ეწვიეთ ბმულს - ​ტრენინგი 10 ნოემბერს.

დამატებითი ინფორმაციისთვის ეწვიეთ პედაგოგთა პროფესიული ზრდის ცენტრის ფეისბუქ​გვერდს და ჯგუფ​ს ან დარეკეთ ნომერზე 592 477 277.

R.

წაიკითხეთ სრულად