Baby Bag

რომელია ბავშვის სიმაღლეში ზრდისთვის საუკეთესო პროდუქტები? - პედიატრ ნინო თოთაძის რეკომენდაციები მშობლებს

რომელია ბავშვის სიმაღლეში ზრდისთვის საუკეთესო პროდუქტები? - პედიატრ ნინო თოთაძის რეკომენდაციები მშობლებს

პედიატრმა ნინო თოთაძემ იმ პროდუქტების შესახებ ისაუბრა, რომლებიც ბავშვი სიმაღლეში ზრდას ყველაზე მეტად უწყობს ხელს. მისი თქმით, არსებობს რამოდენიმე განსაკუთრებული პროდუქტი, რომელიც უშუალო ზეგავლენას ახდენს სიმაღლეში ზრდაზე:

„თანამედროვე მიდგომით ითვლება, რომ ​არსებობს რამოდენიმე გამორჩეული პროდუქტი , რომელიც უშუალოდ მოქმედებს სიმაღლეში ზრდასთან დაკავშირებით. პირველი, ეს არის ისპანახი, რომელიც არის უმნიშვნელოვანესი პროდუქტი თავისი შემადგენლობით. დამატებითი კვების დაწყებისას ის ბავშვის კვებაში უნდა ჩაერთოს. ისპანახი არის ვიტამინებით მდიდარი და ერთ-ერთ იდეალურ პროდუქტად არის აღიარებული.“

ნინო თოთაძემ აღნიშნა, რომ სიმაღლეში ზრდისთვის ერთ-ერთი ყველაზე ეფექტიანი პროდუქტი სტაფილოა:

„უმნიშვნელოვანესია სტაფილო, რომელიც A ვიტამინით ძალიან მდიდარია. ამ შემთხვევაში არ არის აუცილებელი ვისაუბროთ, რომ მხოლოდ კოქტეილი იყოს. ​ეს შეიძლება იყოს ცოცხლად მისაღები პროდუქტიც, როგორებიცაა: სტაფილო, ისპანახი, ბროკოლი. მესამე მნიშვნელოვანი პროდუქტი არის რძე და რძის პროდუქტები, განსაკუთრებით იოგურტი. ასევე გარკვეულწილად მნიშვნელოვანია მარცვლეულიც. ძირითადად ამ პროდუქტებიდან უნდა მოხდეს ვიტამინების ათვისება. განსაკუთრებით D ვიტამინი ბავშვმა უნდა მიიღოს რძის პროდუქტებიდან.“

ნინო თოთაძემ ხაზი გაუსვა ხილისა და ბოსტნეულის მიღების აუცილებლობას ბავშვის სიმაღლეში ნორმალური ზრდისთვის:

„უმნიშვნელოვანესია სხვა ყველა ვიტამინის შემადგენლობა ხილისა და ბოსტნეულის საშუალებით მიიღოს ბავშვმა. ​ასევე მნიშვნელოვანია ბურღულეული. არ უნდა გამოგვრჩეს პროწეულიც. ეს ყველაფერი არის ზამთრის არაჩვეულებრივი ხილი. სასურველია ეს პროდუქტები ყოველდღიურად მიიღონ. ის მითი, რომ აუცილებლად მხოლოდ სტაფილოს და ჭარხლის კოქტეილი დაგვეხმარება ზრდაში, არ არის სწორი. ეს მითია. განსაკუთრებით დადებითი პროდუქტია სტაფილო. რა თქმა უნდა, ეს გამომდინარეობს, თუ რამდენად კარგ ნიადაგზეა მოყვანილი. დამერწმუნეთ, თუ მას ცოცხლადაც მივიღებთ ყოველდღიურად, ის იმავეს შეძლებს.“

„რაც შეეხება დოზირებას, უმნიშვნელოვანესია პროდუქტი არ იყოს დღეში რამდენჯერმე მიღებული. ულუფები სწორად უნდა იყოს განსაზღვრული. ​კოქტეილი უნდა იყოს 100-150 მილილიტრამდე. ამასთან, არ უნდა დაგვავიწყდეს, რომ კოქტეული აუცილებლად მიღების წინ უნდა იყოს დამზადებული,“ - აღნიშნულ საკითხზე ნინო თოთაძემ ტელეკომპანია „რუსთავი 2“ - ის გადაცემაში „დილა მშვიდობისა საქართველო“ ისაუბრა.

წყარო:​ „დილა მშვიდობისა საქართველო“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, „ფასდაკლებები დედებისთვის“ (ჯგუფში გასაწევრიანებლად ნახეთ ბმული - „ფასდაკლებები დედებისთვის“)

​სიმაღლეში ზრდის კოქტეილი - „მშობლებო, მოიმარჯვეთ კალმები და ჩაიწერეთ...“
სიმაღლეში ზრდის კოქტეილი - „მშობლებო, მოიმარჯვეთ კალმები და ჩაიწერეთ...''რეცეპტი:3 კგ. ჭარხალს დავასხათ 3 ლ. წყალი და ვადუღოთ დაბალ ცეცხლზე, სანამ არ დადუღდება 3 ღვინის ჭიქამდე. ვამატებთ 1 ღვინის...

შეიძლება დაინტერესდეთ

როგორ შევარჩიოთ ზეთი?

როგორ შევარჩიოთ ზეთი?
ზეთის შერჩევისას პირველი და უნივერსალური სახელმძღვანელო გახლავთ ზეთის რაფინირებულობა. ანუ თუ ზეთი რაფინირებულია, ყველა შემთხვევაში არაჯანსაღი და არარეკომენდებულია. ზეთის არაჯანსაღობა მათში შემავალი ცხიმოვანი მჟავების ბალანსით ფასდება. არ აქვს მნიშვნელობა, რისი ზეთია, ქოქოსის, ავოკადოსი თუ მზესუმზირის, რაფინირება არაჯანსაღ თანაფარდობას ქმნის და როცა ასეთი ზეთი ორგანიზმში ხვდება, ანთებისწარმომქმნელ უნარს იძებს და ანთებების კერებს აჩენს ორგანიზმში.

რაფინირების მეთოდი ზეთს ხდის ტემპერატურის მიმართ მდგრადს და სწორედ ამიტომ, რაფინირებული ზეთი გამოიყენება შესაწვავად. კი, ნამდვილად არ იწვება მაღალ ტემპერატურაზე, თუმცა, არაჯანსაღია ჩვენი ორგანიზმისთვის.
მაშინ როგორ მოვიქცეთ?
გამოიყენეთ ისეთი არარაფინირებული ზეთები, რომელთაც ბუნებრივადაც მაღალი წვის ტემპერატურა აქვს. ასეთია: ავოკადოს ზეთი და ქოქოსის ზეთი. ხოლო ცხოველური ცხიმებიდან, ერბო გახლავთ უნიკალური შესაწვავად რეკომენდირებული ცხიმი.
ალტერნატიულად, მოამზადეთ უცხომოდ ესა თუ ის კერძი, და სულ ბოლოს დაუმატეთ ცოტა კარაქი ან ნებისმიერი არარაფინირებულ ზეთი.
რაც შეეხება ე.წ. სალათების ზეთებს, როგორც წესი, ასეთი ზეთები არარაფინირებულია და მათი დაბალი წვის ტემპერატურის გამო, მხოლოდ ცივი კერძებისთვის გვირჩევენ ხოლმე და ასეცაა.

ანუ, შესაწვავად გამოსაყენებელ რეკომენდირებული ცხიმები: ერბო, ავოკადოს ზეთი და ქოქოსის ზეთი. ხოლო თუ უცხიმოდ შევწვავთ და სულ ბოლოს დავუმატებთ ცხიმს, შესაძლოა ეს ცხიმი იყოს: კარაქი, ზეითუნის არარაფინირებული ზეთი ან ნებისმიერი არარაფინირებული ცხიმი.
წყარო: ​Epicalorie
წაიკითხეთ სრულად