Baby Bag

„მეც გამომიცდია ეს, როგორც დედას და გეტყვით, რომ აქ კარგია ეშმაკობა,“ - მარი მალაზონიას რჩევები მშობლებს ბავშვის კვების რაციონის გასამდიდრებლად

„მეც გამომიცდია ეს, როგორც დედას და გეტყვით, რომ აქ კარგია ეშმაკობა,“ - მარი მალაზონიას რჩევები მშობლებს ბავშვის კვების რაციონის გასამდიდრებლად

ნუტრიციოლოგმა მარი მალაზონიამ მშობლებს ბავშვებისთვის წყლის დღიური დოზის განსაზღვრისთვის მარტივად გამოსათვლელი ფორმულა გააცნო:

„როდესაც ჩვენ ვლაპარაკობთ წყლის რაოდენობაზე, ჩვენ გვაქვს ერთი მარტივი გადათვლა, რომელიც არ არის უნივერსალური. თუ სხვა ფორმულები არ ვიცით, კილოგრამ წონაზე 30-35 მილილიტრი გადავთვალოთ, ავწონოთ ადამიანი და გადავთვალოთ. ეს არის ძალიან უხეში მიდგომა, რომელიც ბავშვებისთვის ძალიან ბევრ კითხვას ბადებს. ​მით უფრო, თუ ნედლი სახით ხილს და ბოსტნეულს ბავშვი არ იღებს. რატომ არის ეს ასე საყურადღებო? სასიცოცხლოდ მნიშველოვანია, თუ გავითვალისწინებთ, რამდენი წყალი უნდა იყოს ჩვენს ორგანიზმში.“

მარი მალაზონიას თქმით, წყლის სათანადო რაოდენობით მიღებაზე ყურადღება განსაკუთრებით მაშინ უნდა გამახვილდეს, როდესაც ბავშვი ხილს და ბოსტნეულს ნედლი სახით არ იღებს:

„თუ ჩვენ სეზონურად ვიღებთ წყლით მდიდარ პროდუქტებს, მაშინ წყლის ცოტა მოხმარება ისეთი საშიში აღარ არის. თუ ბავშვი ნედლი სახით ხილს და ბოსტნეულს არ იღებს, მაშინ ბევრი კითხვა ჩნდება, მაგ. როგორია წვნიანების რაოდენობა,​ სხვა ტიპის საკვები როგორია თავისი შემადგენლობით? საკვებიდან მიღებული წყალი 20 % მაინც უნდა იყოს დღიური მოთხოვნილებისა წყალზე.“

მარი მალაზონია მშობლებს მარტივ ხრიკს უზიარებს, რომლის დახმარებითაც მათ ბავშვის რაციონში ბოსტნეულისა და ხილის ჩართვა გაუადვილდებათ:

„როგორ უნდა შევინარჩუნოთ პროდუქტების ეფექტიანობა, თუ ბავშვი სეზონურ პროდუქტებს არ იღებს? ​პირველ რიგში, აქ კარგია ეშმაკობა. მეც გამომიცდია ეს, როგორც დედას და გეტყვით, რომ ის, რაც უყვარს ბავშვს, მაგ. ხორცპროდუქტები, ეს პროდუქტები ისე გამოიყენეთ, რომ ბავშვის მიერ არჩეული პროდუქტები იყოს დომინანტური და მასთან იყოს შეხამებული ის პროდუქტები, რომლებიც დიდად არ უყვარს.“

„ბოსტნეული ძალიან მარტივად შეგიძლიათ ჩართოთ კატლეტში, რომელიც შეიძლება ძალიან უყვარს ბავშვს. გადარჩება ყველა ვიტამინი? არ გადარჩება. მინერალები უფრო მეტად გადარჩება, ვიტამინები ნაკლები რაოდენობით გადარჩება. არის ზოგიერთი ვიტამინი, მაგ. U ვიტამინი, რომელიც კომბოსტოშია, ის თერმული დამუშავების დროს უფრო გადარჩება. სტაფილოში A ვიტამინის წინამორბედი ნივთიერებები, კაროტინები, თერმული დამუშავების შემდეგ უფრო კარგად შეითვისება. გული არ დაგწყდეთ, თუ ბავშვს თერმულად დამუშავებულ სტაფილოს აძლევთ ან კომბოსტოს. ​ეს შეიძლება შემოიტანოთ წვნიანებში, სალათებში, რომელიც იქნება ხორცის, მაგრამ მცირე რაოდენობით ბოსტნეული იქნება საკმაზად გამოყენებული. ეს იქნება მცირე რაოდენობით, მაგრამ აუცილებელი და საჭირო პროდუქტები,“ - აღნიშნულ საკითხებზე მარი მალაზონიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​პირადი ექიმი - მარი მალაზონია

არ დაგავიწყდეთ !!!

დაემატეთ ჯგუფში საბავშვო რეცეპტები

​რა პრობლემები შეიძლება გამოიწვიოს ზედმეტმა ტკბილეულმა ბავშვებში და როგორ ჩავრთოთ რაციონში...
​რა პრობლემები შეიძლება გამოიწვიოს ზედმეტმა ტკბილეულმა ბავშვებში და როგორ ჩავრთოთ რაციონში ისე, რომ ჯანმრთელობა არ დავაზიანოთ? - ამ საკითხებზე ​MomsEdu.ge-ის ესაუბრა თსსუ-ის გივი ჟვანიას სახ...

შეიძლება დაინტერესდეთ

„ხერხემლის დეფორმაციის მხრივ საყურადღებო ასაკი არის რვიდან ათ წლამდე,“ - პროფესორი ირაკლი ვარძუკაშვილი

„ხერხემლის დეფორმაციის მხრივ საყურადღებო ასაკი არის რვიდან ათ წლამდე,“ - პროფესორი ირაკლი ვარძუკაშვილი

პროფესორმა ირაკლი ვარძუკაშვილმა ბავშვებში ხერხემლის დეფორმაციის გამომწვევ მიზეზებსა და დიაგნოსტირების მეთოდებზე ისაუბრა. მან აღნიშნა, რომ დეფორმაციის პირველი ნიშანი ტანდეგობის დარღვევაა:

„ტკივილი მოდის უკვე ჩამოყალიბებული ხერხემლის დეფორმაციის დროს. ​პირველი ეტაპი არის ვიზუალური დეფორმაციის შემჩნევა. ამას ვეძახით ტანდეგობის დარღვევას. ხერხემლის დეფორმაციის გამომწვევი მიზეზი ჩამოყალიბებული არ არის. ზოგი ამბობს, რომ მიზეზი მყესოვან-იოგოვანია, ზოგი ამბობს, რომ არის კუნთოვანი. შემთხვევების 80 %-ში არის იდიოპათიური, მიზეზი უცნობია.“

ირაკლი ვარძუკაშვილის თქმით, ხერხემლის დეფორმაციის დიაგნოსტირებისთვის საყურადღებო ასაკი რვიდან ათ წლამდეა:

„საყურადღებო ასაკი არის რვიდან ათ წლამდე. საყურადღებოა გოგოებში მენსტრუაციის დაწყებიდან ორი წელი, ბიჭებში წვერ-ულვაშის წამოვსლიდან 2-3 წელი. ხერხემლის დეფორმაციების დიაგნოსტირება ძირითადად ხდება ბავშვთა ასაკში. პირველი რუტინული გასინჯვა შეიძლება ჩატარდეს, როდესაც ბავშვი მიდის პირველ კლასში. მისი ცხოვრება გადადის ბავშვობიდან შედარებით „სტრესულ“ მდგომარეობაში. გარკვეული ეტაპი ის სკოლაში ზის, ჩანთა უნდა ატაროს. ამ ეტაპზე თუ იქნება პროფილაქტიკური გასინჯვა, სასურველია.“

„ბავშვი პირველ ეტაპზე უნდა შემოწმდეს პედიატრის მიერ. თუ არის ვიზუალური დისბალანსი მხრებს შორის, ბეჭებს შორის, აუცილებლად უნდა დაიგეგმოს ორთოპედის კონსულტაცია. ​თუ არ იქნება ადრეული დიაგნოსტიკა, ეს გამოიწვევს ინვალიდობას. ინვალიდობა ნიშნავს, როდესაც ადამიანი არის შრომისუუნარო. არ არის აუცილებელი, რომ ადამიანს ტკივილი ჰქონდეს. ადამიანი, რომელიც ცხოვრობს დისკომფორტით, ეს უკვე დიდი პრობლემაა,- აღნიშნულ საკითხებზე ირაკლი ვარძუკაშვილმა ტელეკომპანია „ფორმულას“ გადაცემაში „დილა ფორმულაზე“ ისაუბრა.

წყარო: ​„დილა ფორმულაზე“

qs-არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა-qe-

წაიკითხეთ სრულად