Baby Bag

რატომ არ უნდა მისცეთ ჭარხალი 8 თვემდე ასაკის ჩვილს?

რატომ არ უნდა მისცეთ ჭარხალი 8 თვემდე ასაკის ჩვილს?

რატომაა სასარგებლო ჭარხალი და რატომ არ უნდა მისცეთ ის 8 თვემდე ასაკის ჩვილს? - აღნიშნულ თემაზე პედიატრი თამარ ობგაიძე ​საუბრობს. გთავაზობთ მის ნათქვამს სიტყვა-სიტყვით:

ჩვენი წელთაღრიცხვით მე-4 საუკუნეში ევროპელებს უკვე უყვარდათ ჭარხალი. შუა საუკუნეების ექიმებმა კი მისი სამკურნალო თვისებები აღმოაჩინეს და სისხლმბადი სისტემის დაავადებების, შეკრულობის წინააღმდეგ გამოიყენეს. ის, რასაც ჩვენ, ჩვეულებრივ, ჭარხალს ვუწოდებთ, მცენარის ფესვია, რომელიც დიდი რაოდენობით წყალს შეიცავს.

რატომაა ჭარხალი ასე სასარგებლო?

  • მასში დიდი რაოდენობით C, PP, B ჯგუფის ვიტამინები და ანტისოქსიდანტებია.
  • არეგულირებს არტერიულ წნევას, აუმჯობესებს სისხლძარღვების ელასტიობას.
  • მდიდარია იოდით, რაც ფარისებრი ჯირკვლის ფუნქიცონირებისათვისაა საჭირო.
  • შეიცავს რკინას, რომელიც რკინადეფიციტური ანემიის პროფილაქტიკისათვის აუცილებელი ნივთიერებაა.
  • ჭარხალში დიდი რაოდენობითაა პექტინი და უჯრედისი. სწორედ ამ ნივთიერებების გამოა ის ცნობილი უხსოვარი დროიდან, როგორც ნაწლავთა შეკრულობის მკურნალობისათვის საუკეთესო საშაულება. ამავდროულად, ჭარხალი არ იწვევს გაზების დაგროვებას.
  • შეიცავს ბეტაინს, სწორედ იმ ნივთიერებას, რომელიც ჭარხალს მუქ წითელ ფერს აძლევს. ბეტაინი აქტიურად მონაწილეობს ცილებისა და ცხიმების ცვლაში.

რა არასკიდან მივცეთ ჩვილს ჭარხალი

არ გირჩევთ ჭარხლის მიღებას პირველ დამატებით საკვებად, რადგან ის დიდი რაოდენობით უჯრედისსდა პექტინს შეიცავს და პატარას მისი მონელება შეიძლება გაუჭირდეს.
ჭარხალი ჩვილს 8 თვიდან შეგძლიათ მისცეთ იმ პირობით, რომ მას ამ მომენტისათვის უკვე გასინჯული აქვს სხვა ბოსტნეული - კარტოფილი, სტაფილო, ყაბაყი, ბროკოლი, ყვავილოვანი კომბოსტო.
ამავე დროს გაითვალისიწინეთ, რომ ადრეულ ასაკში ბოსტნეულის პიურეს შემადგენლობაში ჭარხლის რაოდენობა 1/3-ს არ უნდა აღემატებოდეს.

როგორ ავარჩიოთ

შეარჩიეთ მცირე ან საშუალო ზომის ჭარხალი. ის გაცილებით გემრიელი და ნაზია, ვიდრე დიდი ზომის ძირხვენი. მისი კანი დაუზიანებელი უნდა იყოს. შეარჩიეთ მკვრივი ნაყოფი. გახსოვდეთ, რომ ჭარხალი პრაქტიკულად ფესვია, რომელიც მიწისქვეშაა და ის აქტიურად იწოვს მიწიდან პესტიციდებს, ჰერბიციდებს და მძიმე მეტალებს. ამიტომ ეცადეთ, ბიოპროდუქტი შეარჩიოთ. ჭარხლის შენახვა მაცივარში 1 კვირის მანძილზე შეგიძლიათ.

არ შეგეშინდეთ

ჭარხლის მიცემის შემდეგ ბეტაინის შემცველობის გამო ბავშვის შარდი და განავალი წითლად იფერება, რაც დაავადება არ არის და თავისთავად გაივლის.

ჭარხლის მიცემა არ შეიძლება, თუ ბავშვს აქვს:

  • ნაწლავთა გახშირებული მოქმედება;
  • შაქრიანი დიაბეტი;
  • თირკმლის ქრონიკული დაავადებები,“ - წერს პედიატრი თამარ ობგაიძე.

შეიძლება დაინტერესდეთ

სეზონური კვების გავლენა ბავშვის ჯანმრთელობაზე - პედიატრი თემურ მიქელაძე

სეზონური კვების გავლენა ბავშვის ჯანმრთელობაზე - პედიატრი თემურ მიქელაძე

პედიატრმა თემურ მიქელაძემ ბავშვის ჯანსაღი განვითარებისთვის სეზონური კვების მნიშვნელობაზე ისაუბრა. მან აღნიშნა, რომ სეზონური ხილი და ბოსტნეული ამ მხრივ უდიდეს როლს ასრულებს:

„ექიმები მაქსიმალურად ვცდილობთ, რომ სეზონური ხილი, სეზონური ბოსტნეული გამოვიყენოთ სწორედ იმ ეტაპზე, რაც აუცილებელია ბავშვის ჯანმრთელობის სწორად განვითარებისთვის. ეს ხილი, ბოსტნეული სწორედ იმ მიკრო და მაკრონუტრიენტებს, ვიტამინებს შეიცავს დიდი რაოდენობით, რაც იმ სეზონზეა აუცილებელი ბავშვისთვის. კვება შეიძლება დავყოთ გარკვეულ ეტაპებად: წლამდე კვება, ერთი წლიდან სამ წლამდე ასაკის ბავშვის კვება, უმცროსი სასკოლო ასაკის ბავშვის კვება, სკოლამდელი კვება და ა.შ.“

თემურ მიქელაძის თქმით, სეზონური კვება მნიშვნელოვანია მეძუძური დედებისთვისაც:

„ძუძუთი კვების დროს დედას ვურჩევთ სეზონურად მიირთვას ხილი, ბოსტნეული. სწორედ იმ სეზონზე შეიცავს მაქსიმალურ მიკრონუტრიენტებს, წყალში ხსნად და ცხიმში ხსნად ვიტამინებს, ნახშიწყლებს, ცილებს ეს ხილი და ბოსტნეული. ცხიმებს შეიცავს იმ შემთხვევაში, თუ ვიყენებთ ცხოველურ საკვებს. თევზი შეიძლება პაციენტებს სეზონურადაც შევთავაზოთ. გავითვალისწინოთ ის გარემოებები, რომლებიც მოქმედებს ამ ცხოველურ საკვებზე. დედის რძესაც ახასიათებს სეზონური ცვლილებები. შესაბამისად ის სეზონურად გადასცემს ბავშვს მიკრონუტრიენტებს, რაც აუცილებელი და დროულია ბავშვის ნერვული სისტემის სწორი მომწიფებისთვის. ბოსტნეულის პიურე ადრეული ასაკის ბავშვებისთვის აუცილებელია, რომ სეზონურად დაინიშნოს. გაზაფხულის პერიოდში ჩვენთან დიდი რაოდენობით არის სალათები, მწვანილი, ყაბაყი, კარტოფილი, ჭარხალი, სტაფილო. ხილფაფებშიც სეზონურ ხილს ვიყენებთ.“

თემურ მიქელაძის თქმით, ხილი და ბოსტნეული პერისტალტიკას აუმჯობესებს და ყაბზობის პროფილაქტიკასაც ახდენს:

„ხილი და ბოსტნეული დიდი რაოდენობით შეიცავს უჯრედისს, რაც პერისტალტიკას აუმჯობესებს და ყაბზობის პროფილაქტიკაც არის. ხილი და ბოსტნეული დიდი რაოდენობით შეიცავს ისეთ წყალში ხსნად ვიტამინებს, როგორებიცაა: B ჯგუფის ვიტამინები, C ჯგუფის ვიტამინები, კაროტინოიდები. არის დაავადებები, როდესაც გვაქვს ფრუქტოზის აუტანლობა. აქ შეიძლება შევზღუდოთ კიდეც ხილი ან მოდიფიცირება მოვახდინოთ ნახშირწყლის. კონკრეტული შემთხვევა აუცილებლად უნდა იქნეს ექიმის მიერ შესწავლილი. 12 წელი არის პუბერტული ასაკი. აქ აუცილებელია სწორი, ბალანსირებული კვების გათვალისწინება.“

„შეიძლება ბავშვმა იმდენად მაღალი კონცენტრაციით მიიღოს სხვადასხვა ნივთიერება, რომ კუჭის ლორწოვანი გაღიზიანდეს. ამიტომ ეს უნდა იყოს სწორად, რაციონალურად გამოყენებული, რათა ჯანმრთელობის სხვა პრობლემა აღარ წამოგვივიდეს. მე ხშირად მომმართავენ პაციენტები, როდესაც ბავშვები არ ჭამენ ხორცს, არ ჭამენ ბოსტნეულს. მე ყოველთვის ვურჩევ მშობელს, რომ ბოსტნეული იქნება თუ ხორცის თერმულად დამუშავება, ბავშვთან ერთად მოამზადონ. ბავშვი უფრო კარგად შეჭამს,“ - აღნიშნულ საკითხებზე თემურ მიქელაძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: „პირადი ექიმი - მარი მალაზონია“

წაიკითხეთ სრულად