Baby Bag

„პურისა და კარტოფილის მირთმევა ერთად არ არის კარგი კომბინაცია,“ - ლევან რატიანის რეკომენდაცია

ტელეკომპანია „რუსთავი 2“-ის გადაცემა „ექიმების“ წამყვანებმა ის საკვები პროდუქტები დაასახელეს, რომელთა ერთად მირთმევა რეკომენდებული არ არის:

„როდესაც ორგანიზმში ხვდება ჯანსაღი, დაბალკალორიული, მაგრამ ერთმანეთთან შეუთავსებელი პროდუქტები, მათი მონელება ძალიან ძნელდება და ხდება არასასარგებლო ჩვენთვის. ამ დროს ძალიან იტვირთება ჩვენი საჭმლის მომნელებელი სისტემა, წარმოიქმნება მავნე ნივთიერებები, ტოქსინები, რაც იწვევს მეტეორიზმს და შეიძლება სხვადასხვა დაავადებების და ალერგიის მიზეზიც გახდეს. გაგაცნობთ იმ პროდუქტებს, რომელთა ერთად მირთმევა არ არის რეკომენდებული.

პურისა და კარტოფილის მირთმევა ერთად არ არის კარგი კომბინაცია, ვინაიდან ორივეში ნახშირწყლები მკვეთრი სიჭარბითაა წარმოდგენილი და იწვევს საჭმლის მომნელებელი სისტემის გადატვირთვას.

მაკარონი და პომიდორი კომბინაციაში არ არის რეკომენდებული. პომიდორი შეიცავს ტუტე მჟავებს, რაც სახამებლის მონელებას უშლის ხელს. პასტაში უხვად არის სახამებელი. ამ პროდუქტების კომბინაცია იწვევს შებერილობას, მეტეორიზმს და რთულად ხდება მისი მონელება. უმჯობესია ისინი ცალ-ცალკე მივირთვათ.

პიცა და გაზიანი სასმელი ერთად არ არის რეკომენდებული. პიცაში შემავალი ნახშირწყლები ცილებთან და სახამებელთან ერთად მოსანელებლად საკმაოდ დიდ ენერგიას მოითხოვს. გაზიან სასმელში შემავალი შაქარი იწვევს მონელების პროცესის შეფერხებას, ცრუ შიმშილის შეგრძნებას გვიტოვებს, უფრო მეტ საკვებს მივირთმევთ და კუჭში გვაქვს სრული არეულობა. პიცა მივირთვათ წყალთან ერთად.

ბანანი და რძე ასევე არ უნდა მივიღოთ ერთად. მიუხედავად იმისა, რომ ძალიან გემრიელია ამ ორი პროდუქტის კომბინაცია, ის ძალიან რთულად მოსანელებელია ჩვენი კუჭისთვის. ბანანი და რძე ერთად იწვევს მეტეორიზმს და საჭმლის მომნელებელი სისტემის დიფუნქციას, ტკივილს მუცლის არეში, გულძმარვას, სიმძიმის შეგრძნებას.“

წყარო:​ „ექიმები“

შეიძლება დაინტერესდეთ

„ლიბეს“ საჩუქარი მომხმარებლებს!

„ლიბეს“ საჩუქარი მომხმარებლებს!
„ლიბე“ ყოველთვის განსაკუთრებით ზრუნავს პატარებზე, მუდმივად ცდილობს მათ გახალისებას და იმას, რომ ორცხობილების მირთმევა ერთდროულად სასარგებლო, სასიამოვნო და სახალისოც იყოს.

მიმდინარე თვიდან მომხმარებლები „ლიბეს“ კოლოფების შიდა მხარეს გასაფერადებელ ნახატებსაც აღმოაჩენენ. ნახატების გაფერადება ხელს უწყობს ბავშვებში დადებითი ემოციების დაგროვებას, მოტორული უნარ-ჩვევების განვითარებას და ფერების უკეთ აღქმას.

„ლიბეს“ შეფუთვებში შეხვდებით რამდენიმე ქართული ზღაპრისა და მულტფილის გმირებს, ასევე დისნეის ყველასათვის საყვარელ პერსონაჟებს.




ამასთან, „ლიბეს“ კოლოფები სახალისოსთან ერთად, უფრო მარტივად გასახსნელი და პრაქტიკულიც გახდა.


​შეგახსენებთ, რომ ქართული ორცხობილების საწარმო „ლიბე“ 2017 წლიდან ზრუნავს მაღალი ხარისხის, გემრიელი ორცხობილების წარმოებაზე. გერმანელ პარტნიორებთან ერთად შექმნილმა საწარმოო სტანდარტმა და რეცეპტურამ ამ მცირე დროში საკმაოდ დიდი მოწონება დაიმსახურა ქართველ მომხმარებლებში.

R.
წაიკითხეთ სრულად