Baby Bag

„ემილიას ვიდეოებს იღებდნენ, აშარჟებდნენ, დაცინვის მომენტები იყო...“ - ემილიას მამა ტიკ-ტოკის გამოყენების ნეგატიურ გამოცდილებაზე

„ემილიას ვიდეოებს იღებდნენ, აშარჟებდნენ, დაცინვის მომენტები იყო...“ - ემილიას მამა ტიკ-ტოკის გამოყენების ნეგატიურ გამოცდილებაზე

პოპულარულმა ქართველმა იუთუბერმა ბავშვმა ემილიამ მამასთან ერთად თავისი საქმიანობის შესახებ ისაუბრა. ემილიას მამის თქმით, ემილიას ბავშვობიდან ბევრი ადამიანი იცნობს:

„რაც ემილიას თავისი თავი ახსოვს, უკვე ძალიან ბევრი ცნობდა. ძალიან კეთილია ემილია. სურათებიც რომ გადაუღიათ მასთან, ასეთი რამ უთქვამს: სურათებს კი იღებენ, მაგრამ მერე მიდიან, არავინ მეთამაშებაო. ასეთი ბავშვია, უყვარს ბავშვებთან ურთიერთობა.“

„კვირაში შვიდი დღე სამუშაო დღეებია. ჩვენ, მშობლები ვაკეთებთ ყველაფერს, ვიდეოების გადაღება, დამონტაჟება. რაც უფრო ყურებადია და რაც უფრო პოპულარული ხდება ადამიანი, ამას ყოველთვის მოჰყვება რაღაც უარყოფითიც. კომენტარებსაც რომ შევეხოთ. 3 თვე გვქონდა ტიკ-ტოკიც. 70 000-ზე მეტი გამომწერი გვყავდა. ემილიას ვიდეოებს იღებდნენ, აშარჟებდნენ, დაცინვის მომენტები იყო, ამიტომ გავაუქმეთ, თვითონ წავშალეთ. არის კომენტარები, რატომ არ გვაქვს მხოლოდ შემეცნებითი ვიდეოები. მარტო შემეცნებითი იყოს ვიდეო, ეს არ არის სწორი, უნდა იყოს გასართობიც. ასევე არის კომენტარები, როდესაც რეკლამაა ვიდეოში ინტეგრირებული. არასდროს არ ვიღებთ რეკლამაში იმას, რასაც თვითონ ჩვენს ბავშვებს არ მივცემთ. ეს ჩვენი პროფესიაა ჩვეულებრივად და ფინანსები თუ არ გვექნება, როგორ გავაკეთებთ?!“ - აღნიშნულ საკითხზე ემილიამ და მისმა მამამ ტელეკომპანია „იმედის“ გადაცემაში „იმედის დღე“ ისაუბრეს.

წყარო:​ „იმედის დღე“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ემილიას არასდროს არსად არ იწვევენ, ღონისძიებებში და აქტივობებში არის დაბლოკილი,“ - საბავშ...
​საბავშვო გასართობმა არხმა „Emilitv-ემილი“ სოციალურ ქსელში განცხადება გამოაქვეყნა, რომელშიც აღნიშნულია, რომ ემილიას არსად არ იწვევენ და ის ღონისძიებებსა და აქტივობებში, სამწუხაროდ, დაბლოკილია:„მოგესალ...

შეიძლება დაინტერესდეთ

დიეტა სისხლის ჯგუფის მიხედვით - ექიმ მარი მილორავას რჩევები

დიეტა სისხლის ჯგუფის მიხედვით - ექიმ მარი მილორავას რჩევები

ექიმმა მარი მილორავამ სისხლის ჯგუფების მიხედვით სწორი კვების სტრატეგიებზე ისაუბრა. მან აღნიშნა, რომ ჯანმრთელობისთვის აუცილებელია ორგანიზმისთვის გენეტიკურად მისაღები პროდუქტებით კვება:

„სწორი წონა, პირველ რიგში, არის ჯანმრთელობა. თუ გვინდა, ვიყოთ ჯანმრთელები, ​უნდა მივიღოთ ის პროდუქტები, რომლებიც ჩვენი ორგანიზმისთვის არის გენეტიკურად მისაღები. სამედიცინო თვალსაზრისით, არის სხვადასხვა ჯგუფის სისხლი: A და B ანტიგენის შემადგენლობის მიხედვით სისხლში. პირველ ჯგუფს საერთოდ არ აქვს ეს ანტიგენი. მეორე ჯგუფს აქვს A, მესამეს B, მეოთხეს აქვს ორივე. პირველი ჯგუფის სისხლი არის ყველაზე ძველი, პირველი ადამიანის სისხლი. ამ სისხლის ასაკია 40 000 წელი. ეს სისხლი არის მონადირეების. რითი იკვებებოდნენ მონადირეები? ხორცით. რაც ძალიან მნიშვნელოვანია, პირველი ჯგუფისთვისაა წითელი ხორცი. შეგიძლიათ სიამოვნებით მიირთვათ სისხლიანი ბივშტექსები. პირველი ჯგუფისთვის ფრინველის ხორცი ნაკლებად რეკომენდებულია. პირველი ჯგუფისთვის შეიძლება ყველანაირი ბოსტნეული, უმიც, მოხარშულიც.არის ერთი ყოველდღიური ბოსტნეული, რომელიც პირველი ჯგუფისთვის არ ვარგა. ეს არის კომბოსტო. ყვავილოვანი კომბოსტოც არ არის სასურველი. სისხლის პირველ ჯგუფს აქვს ძლიერი მიდრეკილება შაქრის დონის შეცვლისადმი, ამიტომ კარტოფილი დიდი რაოდენობით არ შეიძლება. ბადრიჯანი შეიძლება, მაგრამ ისიც მცირე რაოდენობით. რაც შეეხება ხილს, სასურველია არ იყოს ციტრუსი და არ იყოს ყვითელი. ხილი უნდა იყოს წითელი, მოშავო. თუთა ძალიან კარგია, ასევე ალუბალი, ლეღვი, ქლიავი. ბალი დიდი რაოდენობით არ შეიძლება. პირველი ჯგუფისთვის არ არის სასურველი რძის პროდუქტები. შეიძლება კამეჩის სულგუნი. არ არის მისაღები ბურღულეული. პირველ ჯგუფს უმთავრესად აქვს გლუტენის აუტანლობა. შეიძლება ცოტა რაოდენობით შვრია. სულ რომ იღებენ შვრიას საუზმეზე, ასეთი რამ არ შეიძლება პირველი ჯგუფის სისხლისთვის. ძალიან კარგია ასკილის ჩაი, პიტნის და გვირილის ჩაი. საკვებისთვის გემოს მისაცემად და ნივთიერებათა ცვლის გაუმჯობესებისთვის ძალიან კარგია სანელებლები. პირველი ჯგუფისთვის კარგია კურკუმა და კარი.“

მარი მილორავას თქმით, მეორე ჯგუფის სისხლისთვის კარგია თევზეული:

„მეორე ჯგუფის სისხლისთვის ძალიან კარგია თევზეული, ასევე ზღვის პროდუქტები, განსაკუთრებით ლოკოკინა. კარგია ბურღულეულიც, განსაკუთრებით წიწიბურა და ფეტვი, შვრია - არა. დიეტების დროს მიღებულია საღამოს ცილის ჭამა, რომ გვიან ჭამა არ მოგვინდეს. შეიძლება ფრინველის ხორცი, ქათამი და ინდაური. წითელი ხორცი არ ვარგა მეორე ჯგუფის სისხლისთვის. კარგია ყვითელი ხილი, ციტრუსი, გარგარი, ატამი, ანანასი და გრეიფრუტი. სანელებლებიდან კარგია დარიჩინი. მეორე ჯგუფს აქვს უმთავრესად ლაქტოზის აუტანლობა, ​განსაკუთრებით რძე არ შეიძლება. ყველი არ არის სასურველი. მეორე ჯგუფი ეს არის მომთაბარეების ჯგუფი. ასაკი არის 25 000 წელი.“

მარი მილორავამ აღნიშნა, რომ მესამე ჯგუფის სისხლის მქონე ადამიანს კარგი საჭმლის მომნელებელი სისტემა აქვს და მისთვის თითქმის ყველაფერი მისაღებია:

„მესამე ჯგუფის სისხლი არის მიწათმოქმედების. ასაკი არის 10-15 ათასი წელი. მესამე ჯგუფს აქვს ყველაზე ძლიერი იმუნიტეტი და ყველაზე კარგი საჭმლის მომნელებელი სისტემა. მესამე ჯგუფისთვის შეიძლება პრაქტიკულად ყველაფერი. არ შეიძლება ავოკადო და ბროწეული. ყურძენი, ბანანი, ყველა ჯიშის ლობიო, კარტოფილი მესამე ჯგუფისთვის შეიძლება. ​შეიძლება ცხვრის ხორცი. მესამე ჯგუფისთვის განსაკუთრებით კარგია ხაჭო.“

„მეოთხე ჯგუფის სისხლს აქვს იმუნიტეტი კარგი, მაგრამ მომნელებელი სისტემა აქვს ძალიან ცუდი. ლობიოს ვერ იღებს მეოთხე ჯგუფის სისხლი. ​მსხვილმარცვლოვანი ბურღულეული კარგია. მეოთხე ჯგუფისთვის სასურველია რძემჟავა პროდუქტები. აუცილებლად უნდა მიირთვან მწვანე ბოსტნეული. ისტორიულად ეს არის ყველაზე თანამედროვე, 1500 წლის სისხლის ჯგუფი. სისხლის ჯგუფები მეტ-ნაკლებად განსაზღვრავს ადამიანის ხასიათს. პირველი ჯგუფის სისხლის მქონე ადამიანები არიან ლიდერები. მეორე ჯგუფის სისხლი არის ძალიან შრომისმოყვარე ხალხი. მესამე ჯგუფის სისხლის მქონეები არიან კარგი მენეჯერები. ყველაზე მეტი გენიოსი არის მეოთხე ჯგუფის სისხლით,“ - აღნიშნულ საკითხებზე მარი მილორავამ ტელეკომპანია რუსთავი 2-ის გადაცემაში „სხვა შუადღე“ ისაუბრა.

წყარო: ​„სხვა შუადღე“

წაიკითხეთ სრულად