Baby Bag

როგორ დავიკლოთ ახალ წლამდე 2-3 კილო? - ენდოკრინოლოგ შოთა ჯანჯღავას რეკომენდაციები

როგორ დავიკლოთ ახალ წლამდე 2-3 კილო? - ენდოკრინოლოგ შოთა ჯანჯღავას რეკომენდაციები

ენდოკრინოლოგმა შოთა ჯანჯღავამ წონაში კლებისთვის ფსიქოლოგიური განწყობის მნიშვნელობაზე ისაუბრა:

„ჩვენს ფსიქოლოგიურ განწყობას აქვს ძალიან დიდი მნიშვნელობა. ზოგჯერ არის, რომ ერთ ნაჭერ პურს შეჭამ და თუ ამ ერთ ნაჭერზე იფიქრებ, რომ გაგასუქებს, შეიძლება მართლა გაგასუქოს. ორგანიზმს წინასწარგანწყობები აქვს ხოლმე. ამ ორი-სამი კვირის განმავლობაში ჯანსაღი კვების წესებს თუ კარგად დავიცავთ, შეიძლება 2-3 კილოს დაკლება მოესწროს.“

შოთა ჯანჯღავას თქმით, ითვლება, რომ ადამიანმა 4-5 კვირის განმავლობაში 2-2,5 კილო უნდა დაიკლოს:

„ითვლება, რომ​ 4-5 კვირის განმავლობაში 2-2,5 კილოგრამი უნდა დაიკლოს ორგანიზმმა, მაგრამ ცოტა ზედმეტ შეზღუდვებს თუ გავაკეთებთ, ცოტა მეტიც შეიძლება იყოს. როგორც წესი, მკვეთრი შეზღუდვები ახალი წლის წინა პერიოდში რეკომენდებული არ არის. ნოემბერში ან ოქტომბერში თუ გავაკეთებდით ამას, კი ბატონო, მაგრამ ამ პერიოდში არ გვინდა.“

„კარგი იქნება, თუ გვაქვს საშუალება, რომ მინიმალურად მაინც დავთვალოთ კალორაჟის რაოდენობა, მაგრამ განაწილების თვალსაზრისით, 1600 კალორიიდან, 40-50% რომ მოდიოდეს რთულ ნახშირწყლებზე, წიწიბურაზე, გერკულესზე კარგია. 30-40 % იყოს ცილა და 15-20 %-მდე ცხიმი. მცირე რაოდენობით ცხიმი აუცილებელია ორგანიზმისთვის. ამიტომაც კვებაში პაციენტებს არაჟანსაც ვუწერთ, ყველსაც. მჯდომარე სამსახური თუ გაქვთ, 1300-1400-მდე შეგვიძლია დავწიოთ კალორიების რაოდენობა. ​თუ მთელი დღე ვზივართ და არაფერს ვაკეთებთ, 1000 კალორიაც საკმარისია წონის დასაკლებად. თუ ფიზიკურად გვიწევს მუშაობა 2500—3000 კალორია უნდა იყოს, რომ დავიკლოთ წონაში,“ - აღნიშნულ საკითხზე შოთა ჯანჯღავამ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

წყარო:​ „დილა მშვიდობისა საქართველო“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„ნოყიერი საუზმე ზედმეტ კილოგრამებს დაგაკლებინებთ, ეს ნამდვილად ასეა,“ - ენდოკრინოლოგი შოთა...
​ენდოკრინოლოგმა შოთა ჯანჯღავამ ორგანიზმის ჯანმრთელობისთვის საუზმის მნიშვნელობაზე ისაუბრა და აღნიშნა, რომ საუზმობისთვის საუკეთესო დრო დილის ექვსიდან ათ საათამდეა:„​საუზმისთვის ყველაზე კარგი პერიოდი არი...

შეიძლება დაინტერესდეთ

ქალს, რომელიც ფრჩხილებს 4 წლის განმავლობაში იზრდიდა, ფრჩხილის მოტეხვაზე კოშმარები ესიზმრება

ქალს, რომელიც ფრჩხილებს 4 წლის განმავლობაში იზრდიდა, ფრჩხილის მოტეხვაზე კოშმარები ესიზმრება

გრძელი ფრჩხილების ქონაზე ძალიან ბევრი ქალი ოცნებობს. ცნობილმა ბლოგერმა ელენა შილენკოვამ რეკორდულად დიდი ზომის ფრჩხილების გაზრდა მოახერხა, რითაც უამრავი ადამიანის ყურადღება მიიქცია. 35 წლის ქალს 4 წელი დასჭირდა, რათა 12 სანტიმეტრის სიგრძის მქონე ფრჩხილები გაეზარდა. ფრჩხილების გაზრდის გადაწყვეტილება მან მეგობართან დადებული სანაძლეოს შემდეგ გადაწყვიტა. ელენას მეგობარი არწმუნებდა, რომ ის ამის გაკეთებას ვერასდროს შეძლებდა.

„უკვე ოთხი წელი და სამი თვეა ფრჩხილებს ვიზრდი, მათი სიგრძე რეკორდულად გაიზარდა. თავიდან ყველაფერი მეგობართან დადებული სანაძლეოთი დაიწყო. ახლა კი ყველა მიეჩვია ჩემს ახალ გარეგნობას. ფრჩხილებს „ჩემს პატარებს“ ვეძახი, რადგან ისინი უკვე 4 წლისები არიან. მათ ისევე ვუვლი, როგორც საკუთარ შვილებს მოვუვლიდი,“ - აცხადებს ელენა შილენკოვა.

ელენა არასდროს ცურავს ზღვაში, არც ჩოგბურთს თამაშობს და ზამთარში ხელთათმანების ტარებაზეც უარს აცხადებს. ახალგაზრდა ქალი ამ უდიდეს მსხვერპლზე მხოლოდ საყვარელი ფრთხილების გამო მიდის. ელენას თქმით, ის ფრჩხილების გაზრდაზე თინეიჯერობის ასაკიდან ოცნებობდა. მას ღამით კოშმარები ესიზმრება, თითქოს ფრჩხილი ტყდება. ელენას ძალიან ეშინია, რომ ერთ დილას გრძელი ფრჩხილების გარეშე გაიღვიძებს.

„ყოველდღიურ საქმეებს მშვენივრად ვუმკლავდები, უბრალოდ ბევრ რამეს განსხვავებულად ვაკეთებ და არა ისე, როგორც სხვები აკეთებენ. როდესაც კომპიუტერზე ვბეჭდავ, ცხადია, ამას ისე არ ვაკეთებ, როგორც სხვა ადამიანები. ყველა მოძრაობას ვაკონტროლებ, რომ უეცრად ფრჩხილი არ მოვიტეხო. ვიცი, რომ მოუქნელი მოძრაობა ჩემი მტერია, რის გამოც ყოველთვის ფრთხილად ვარ. როდესაც ფრჩხილი მცირედ მტყდება, მის მოვლაში უამრავ დროს ვხარჯავ. ხელთათმანები ძალიან მენატრება, ზამთარში საშინლად ცივა, ასეთ დროს ხელებს ჯიბეებში ვმალავ. ტოტალური კონტროლი ძალიან ამართლებს. ყოველ ექვს თვეში ვიტამინების კომპლექსს ვიღებ, რათა ჩემი ფრჩხილების და თმების ჯანმრთელობაზე ვიზრუნო,“ - აღნიშნავს ელენა.

ელენას ფრთხილებისადმი ყველას ერთგვარი დამოკიდებულება არ აქვს. ზოგიერთ ადამიანს მისი გადაწყვეტილება მოსწონს, ზოგიერთი კი ძალიან კრიტიკულია. ელენას თქმით, ასაკოვანი ადამიანები სოციალურ ქსელში ცუდ კომენტარებს უწერენ.

„სკოლაში რომ დავდიოდი, ზრდასრულ ქალბატონებზე დიდი ფრჩხილები მქონდა, მაგრამ მასწავლებლები ამას გაგებით ეკიდებოდნენ. ზოგიერთი ადამიანი მეუბნება, რომ ძალიან მაგარი ფრჩხილები მაქვს, ჩემთან ერთად სელფებს იღებენ, მაქებენ ჩემი მოთმინების უნარის გამო. ზოგიერთი მეკითხება, როდის უნდა მოვიჭრა ფრჩხილები. ადამიანები ყოველდღიურად ხვდებიან ერთმანეთს და მარტივად ივიწყებენ ყველას, ვისაც ნახულობენ. ადამიანი, რომელსაც გიგანტური ფრჩხილები აქვს მათთვის დაუვიწყარია. მამაკაცები ზოგჯერ ვერც ამჩნევენ ჩემს გრძელ ფრჩხილებს, მაგრამ როდესაც მათ სიგრძეს დაინახავენ, ძალიან ბევრ კითხვას მისვამენ. მამრობითი სქესის მხრიდან ყურადღება არასდროს მაკლია,“ - აღნიშნავს ელენა შილენკოვა.

მომზადებულია ​thesun.co.uk-ის მიხედვით

თარგმნა ია ნაროუშვილმა 

წაიკითხეთ სრულად