საქართველოს განათლების, მეცნიერების, კულტურისა და სპორტის სამინისტრომ სკოლებს დოკუმენტი გაუგზავნა, სადაც მომავალი სასწავლო წლისთვის გაკვეთილების ჩატარების სხვადასხვა ფორმატს სთავაზობს, სკოლები კი თავად გადაწყვეტენ, თუ რომელ ვარიანტს აირჩევენ.
როგორც დოკუმენტშია აღნიშნული, თითოეულმა სკოლამ უნდა შეიმუშაოს მის შესაძლებლობებსა და საჭიროებებზე მორგებული საგაკვეთილო ცხრილი.
შესაძლოა, ერთცვლიანი სკოლები გადავიდნენ 2 ცვლაზე და სხვადასხვა საფეხურის მოსწავლეებმა იარონ ცვლების მიხედვით.
დოკუმენტის მიხედვით, სასწავლო წლის პირველი კვირა უნდა დაეთმოს ჰიგიენისა და უსაფრთხოების წესების გაცნობას მოსწავლეებისა და მშობლებისთვის; წესები შეიძლება გააცნონ დამრიგებლებმა, მანდატურებმა და/ან უსაფრთხოებაზე პასუხისმგებელმა პირებმა.
ცვლილება იქნება მოსწავლეთა შეფასებაში, კერძოდ, უპირატესობა უნდა მიენიჭოს კომპლექსური დავალებების კეთებას, რაც იძლევა საშუალებას, გაკვეთილების ნაცვლად ზოგჯერ დაინიშნოს საკონსულტაციო საათები დისტანციურად;
ცვლილება უნდა შევიდეს ესგ-ს იმ ნაწილში, სადაც საუბარია შეფასების სავალდებულო კომპონენტებზე (საკლასო, საშინაო და შემაჯამებელი). სკოლას უნდა მიეცეს შესაძლებლობა, მოსწავლეები შეაფასოს მხოლოდ შემაჯამებელი შეფასებით, საკლასო და საშინაო დავალების კომპონენტები იყოს სკოლის სურვილის მიხედვით (რომელიმე კლასში ან კლასებში, ერთ საგანში ან საგნებში).
,,აღნიშნული დოკუმენტი პირველადი ვარიანტია, რომელსაც კიდევ დაემატება ალტერნატივები დასაბოლოოდ, სკოლებიდან მიღებული უკუკავშირის შემდეგ, შეირჩევა საუკეთესო ვარიანტები სკოლების შესაძლებლობებიდან და საჭიროებებიდან გამომდინარე,'' - აღნიშნავენ რესურსცენტრების წარმომადგენლები.
გააზიარეთ პოსტი
თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავლებლების სანდო წყარო“
განახლდება თუ არა სწავლა საკლასო ოთახებში საგანგებო მდგომარეობის დასრულების შემდეგ
საქართველოში საგანგებო მდგომარეობა 22 მაისამდე გრძელდება, რის გამოც სასწავლო პროცესი სასწავლო დაწესებულებებში ამ დრომდე ისევ ონლაინ ფორმატში განხორციელდება.
განახლდება თუ არა სწავლა საკლასო ოთახებში საგანგებო მდგომარეობის დასრულების შემდეგ - ამ კითხვით Momsedu.ge განათლების, მეცნიერების, კულტურისა და სპორტის სამინისტროს მიმართა.
როგორც უწყების პრესსამსახურში გვითხრეს, დამოკიდებულები არიან უწყებათაშორისი საბჭოს მიერ მიღებულ გადაწყვეტილებაზე:
„განახლდება თუ არა სწავლა საკლასო ოთახებში, ამ კითხვაზე პასუხს წინასწარ ვერავინ გეტყვით. ახლა ვართ საგანგებო მდგომარეობაში, რაც იმას ნიშნავს, რომ სწავლა დისტანციურ ფორმატში მიმდინარეობს. რა იქნება შემდეგში, ეს დამოკიდებულია უწყებათაშორისი საბჭოს მიერ მიღებულ გადაწყვეტილებაზე,“ - აღნიშნეს სამინისტროში.
ცნობისთვის, სკოლები ონლაინ სწავლების ფორმატზე მარტის დასაწყისში გადავიდნენ. გარდა ამისა, 30 მარტიდან მოსწავლეებს შესაძლებლობა აქვთ, საზოგადოებრივი მაუწყებლის ეთერში „ტელესკოლის“ გაკვეთილები ნახონ.
