Baby Bag

ელექტრონულ ბიბლიოთეკა el.ge-ზე უკვე 22 ათასი რესურსია ატვირთული

ელექტრონულ ბიბლიოთეკა el.ge-ზე უკვე 22 ათასი რესურსია ატვირთული

განათლების მართვის საინფორმაციო სისტემის კიდევ ერთი წარმატებული პროექტი - ელექტრონულ ბიბლიოთეკა ​el.ge-ზე უკვე 22 ათასი რესურსია ატვირთული.

ვებგვერდზე განთავსებულია :

  • ელექტრონული წიგნები;
  • თემატური ვიდეოები და სტატიები;
  • ფოტო და აუდიო მასალები;
  • გამოყოფილია სივრცე ბლოგის, ვებინარების და სხვადასხვა მიმართულების პროექტისთვის.

ქართული ონლაინ პროდუქტი უნიკალურ შესაძლებლობას იძლევა მთელი საქართველოს მასშტაბით, ყველა მომხმარებელს ერთ სივრცეში ჰქონდეს წვდომა მისთვის საჭირო მრავალფეროვან, საგანმანათლებლო-შემეცნებით რესურსებთან.

ყველა დაინტერესებულ ორგანიზაცია, el.ge-სთან პარტნიორობის ფარგლებში ვებ-გვერდზე ქმნის პირად სივრცეს და ტვირთავს თავის ელექტრონულ რესურსს, რაც საშუალებას აძლევს მომხმარებელს მისთვის საჭირო მასალებთან შეუფერხებელი წვდომა ჰქონდეს.

რესურსები ასევე მოიცავს სკოლებისთვის საგნობრივ, დამხმარე სახელმძღვანელოებსაც, ვიდეო და აუდიო გაკვეთილებს, სხვადასხვა კომპანიის მიერ შექმნილ მრავალფეროვან ვიდეო ილუსტრაციებს, სახელმძღვანელოებს მოსწავლეებისთვის, მელოდიებს, საინტერესო-შემეცნებით სტატიებს, ქართულ და უცხოენოვან ლიტერატურას.

განთავსებულია მენეჯმენტის, ჯანდაცვის საკითხების, ტექნოლოგიებისა და სოციალური მეცნიერების საგნობრივი მიმართულების სახელმძღვანელოები.

პლატფორმას, დისტანციური სწავლების პროცესის ხელშეწყობის მიზნით, დაემატა ლექცია-ვებინარები როგორც ქართულენოვანი, ასევე სომხურ და აზერბაიჯანულენოვანი სკოლებისთვის. გარდა ამისა, საგანმანათლებლო პროექტის „iსკოლის“ ფარგლებში პირველიდან მეთორმეტე კლასის ჩათვლით მოსწავლეებს საშინაო დავალებების კრებულების ნახვა და გადმოწერაც შეუძლიათ.

ქართული ინტერნეტ პროდუქტი el.ge, რომელიც მოცულობით ელექტრონულ რესურს ერთ სივრცეში აერთიანებს 2018 წელს, საქართველოს განათლების მართვის საინფორმაციო სისტემის მხარდაჭერით შეიქმნა.

თუ გინდათ, რომ განათლების სფეროში მიმდინარე სიახლეების შესახებ ინფორმირებულები იყოთ, მოიწონეთ გვერდი „მასწავ​ლებლების სანდო წყარო“

შეიძლება დაინტერესდეთ

ქუთაისის N2 სკოლაში ჭერი მეოთხედ ჩამოინგრა

ქუთაისის N2 სკოლაში ჭერი მეოთხედ ჩამოინგრა

ქუთაისის N2 საჯარო სკოლის საკლასო ოთახში გაკვეთილის მიმდინარეობისას ჭერი ჩამოინგრა. შემთხვევის დროს კლასში პირველკლასელები იმყოფებოდნენ.

სკოლის დირექტორის, მურად ჯიშკარიანის ინფორმაციით, ჭერის ჩამონდგრევის შედეგად ბავშვები არ დაშავებულან.

„შემთხვევა პირველ სართულზე მოხდა. ბავშვები არ დაშავებულან, მიმდინარეობს შესწავლა. ამ ეტაპზე გამომწვევი მიზეზი უცნობია. ინფორმირებულია განათლების სამინისტრო და რესურსცენტრი“, - განაცხადა მურად ჯიშკარიანმა.

ქუთაისის მეორე საჯარო სკოლაში ეს ჭერის ჩამონგრევის მეოთხე შემთხვევაა. სკოლის რეაბილიტაცია 2016 წელს დასრულდა, თუმცა სკოლის მასწავლებლის, ნანული ჟორჟოლიანის თქმით, პრობლემები შენობაში სწორედ სარემონტო სამუშაოების შემდეგ შეიქმნა.

წაიკითხეთ სრულად