Baby Bag

რომელი ნივთები დავახვედროთ სახლში ახალშობილს და რაზე არ ღირს ფულის დახარჯვა?

რომელი ნივთები დავახვედროთ სახლში ახალშობილს და რაზე არ ღირს ფულის დახარჯვა?

ახლაშობილისთვის ნივთების შეძენას თუ გეგმავთ და საბავშვო მაღაზიას ესტუმრებით, არჩევანის მრავალფეროვნება თავბრუს დაგახვევთ. ახალბედა დედებს საკუთარი შვილებისთვის ყველაფერი საუკეთესო სურთ და როგორც წესი, ისინი ჩვილისთვის ბევრ ისეთ ნივთს ყიდულობენ, რომლებიც ახალშობილს სულაც არ ​სჭირდება. თუ საყიდლებზე წასვლას გეგმავთ, ეცადეთ ნივთები საჭიროების მიხედვით შეარჩიოთ. ბუნებრივია, საფენების, საბავშვო საწოლის და თეთრეულის გარეშე ფონს ვერ გახვალთ.

ცხადია, ვიცით, რომ თანამედროვე ადამიანი ქვის ხანაში არ ცხოვრობს და ბავშვის მოვლისთვის უამრავი ნივთის შეძენა ხდება საჭირო. ჩვილი ბავშვის გაზრდა საკმაოდ რთულია. ახალშობილის მოვლის პროცედურების გასამარტივებლად დედებს სხვადასხვა პროდუქტის შეძენა უწევთ.

ჩვენს სტატიაში ახალბედა მშობლებს სპეციალურ ნუსხას ვთავაზობთ, რომელიც 4 კატეგორიად იყოფა. პირველ კატეგორიაში ის ნივთები და პროდუქტები გავაერთიანეთ, რომლებიც ბავშვის მოვლისთვის აუცილებლად გჭირდებათ, მეორე კატეგორიაში ისეთ ნივთებს ვაერთიანებთ, რომლებშიც მშობლების ნაწილი ზედმეტ თანხებს არ ხარჯავს და ჩვილის მოვლას მათ გარეშეც იოლად ახერხებს, მესამე კატეგორიაში იმ ნივთებს გამოვკვეთთ, რომელთაც უმეტესად დეკორატიული დატვირთვა აქვთ და როგორც წესი, მშობლები გამოუცდელობის გამო ყიდულობენ, მეოთხე კატეგორიაში კი ბავშვისთვის საფრთხის შემცველ ნივთებზე გავამახვილებთ ყურადღებას, რომელთა ყიდვას მაქსიმალურად უნდა მოერიდოთ.

საბავშვო ავეჯი

  • აუცილებლად დაგჭირდებათ: საბავშვო საწოლი, ეტლი და მატრასი.
  • სასრუველია შეიძინოთ: გამოსაცვლელი მაგიდა, სარწეველა, საბავშვო მონიტორი.
  • ნაკლებად გამოსადეგია: საჭმლის ჩასაწყობი კალათა.
  • ბავშვისთვის საფრთხის შემცველია: მეორადი საბავშვო დაწნული კალათა (უსაფრთხოების მიზნით ახალი უნდა შეიძინოთ).

საბავშვო თეთრეული

  • აუცილებლად დაგჭირდებათ: საბავშვო საწოლის თეთრეული (2 წყვილი), ბამბის თხელი ზეწრები (რამდენიმე), მატრასის წყალგამძლე დამცავი (2 ცალი).
  • ნაკლებად გამოსადეგია: საწოლის დეკორატიული მოსართავები.
  • ბავშვისთვის საფრთხის შემცველია: ბალიშები (ჩვილთა მოულოდნელი გარდაცვალების სინდრომის რისკი), ბალიშებიანი მატრასი.

ბავშვთა უსაფრთხოება

  • აუცილებლად დაგჭირდებათ: პატარა კარი კიბეების თავსა და ბოლოში, უჯრებისა და კარის ჩამკეტები, ჩამრთველის დამცავი, ავეჯის სამაგრი.
  • სასურველია შეიძინოთ: მაგიდის კუთხეების დამცავი, საჭირო ოთახის საკეტი.

ბავშვთა ხელოვნური კვება

  • აუცილებლად დაგჭირდებათ: საბავშვო ბოთლები და ჩვილისთვის განკუთვნილი ბოთლის საწოვარა, ბოთლის საწმენდი ჯაგრისი, ბოთლის საშრობი, საბავშვო ფორმულა, პირსაწმენდები, წინსაფრები, თერმოსი და პატარა მაცივარი.
  • სასურველია შეიძინოთ: ბოთლის სტერილიზატორი.
  • ნაკლებად გამოსადეგია: ბოთლის გამათბობელი (ცხელი წყლით საჭმლის გათბობას იგივე დრო უნდა), ბოთლის ჩასადები.

ძუძუთი კვება

  • აუცილებლად დაგჭირდებათ: ბალიში ძუძუთი კვებისთვის, მეძუძურის ბიუსჰალტერი, მკერდის საფენები, საბავშვო წინსაფარი, საბავშვო პირსაწმენდი.
  • სასურველია შეიძინოთ: მკერდის ტუმბო, დედის რძის შესანახი კონტეინერი, ძუძუსთავების კრემი.

აბაზანა და ჰიგიენა


  • აუცილებლად დაგჭირდებათ: 2 თბილი პირსახოცი, ხაოიანი პატარა პირსახოცები, საბავშვო აბაზანა, აბაზანის შეზლონგი, საბავშვო შამპუნი და ტანის გელი, საბავშვო სავარცხელი, საბავშვო მაკრატელი, ბამბის ტამპონები, ყურის საწმენდი ჩხირები, საბავშვო საფენები.
  • სასურველია შეიძინოთ: აბაზანის სათამაშოები, აბაზანის თერმომეტრი.
  • ნაკლებად გამოსადეგია: საბავშვო ხალათი (ჩვილს დაბანის შემდეგ ტანსაცმელი უნდა ჩააცვათ).

საბავშვო ტანსაცმელი

  • აუცილებლად დაგჭირდებათ: 7 ცალი ან მეტი ბოდე, 3-4 საბავშვო მაისური, რამდენიმე დახურული რომპერი, რამდენიმე საბავშვო სამეული (შარვალი, ბოდე, მოსაცმელი), 7 წყვილი პიჟამა, ქუდები (თბილი და ცივი სეზონისთვის, კარდიგანი, ზამთრის თბილი კომბინიზონი, 6 წყვილი წინდა.
  • სასურველია შეიძინოთ: სადღესასწაულო ტანისამოსი, საგარეო ტანსაცმელი, საძილე ტომარა.
  • ნაკლებად გამოსადეგია: ფეხსაცმელი (ახალშობილს არ სჭირდება).

სამედიცინო დანიშნულების ნივთები

  • აუცილებლად დაგჭირდებათ: თერმომეტრი, საბავშვო დამატენიანებელი კრემი, საბავშვო სიცხის დამწევი.
  • სასურველია შეიძინოთ: ცხვირის ასპირატორი, ანტიკოლიკური საშუალებები, საბავშვო ცხვირის წვეთები.

ავტორი: ია ნაროუშვილი 

შეიძლება დაინტერესდეთ

მუსიკის 10 სასარგებლო თვისება ადრეული ასაკის ბავშვებში

მუსიკის 10 სასარგებლო თვისება ადრეული ასაკის ბავშვებში

მუსიკასთან შეხება, ბავშვებს დაბადებიდანვე უწევთ. დაძინებისას ვუმღერით იავნანას, ციფრებს და ბგერებსაც კი სიმღერების მეშვეობით ვასწავლით.

ეს მუსიკალური გამოცდილება სახალისოა და დამამშვიდებელი ეფექტი აქვს, მაგრამ ასევე მნიშვნელოვან ზეგავლენას ახდენს ბავშვის განვითარებაზე.

კვლევებმა აჩვენეს, რომ ადრეულ ასაკში მუსიკალური გამოცდილების მიღება განაპირობებს IQ-ს ამაღლებას და ენობრივი უნარების გაუმჯობესებას.

მეტყველების და წერა-კითხვის უნარები

კვლევების შედეგად დასტურდება, რომ ადრეულ ასაკში მუსიკალური გამოცდილება ხელს უწყობს მეტყველების განვითარებას, აუმჯობესებს ლექსიკას, წერა-კითხვის და გააზრების უნარს. მაგალითად, სიმღერა სასარგებლოა საკომუნიკაციო უნარებისთვის, კერძოდ კი რითმული აქტივობები ხელს უწყობს მეტყველების უნარების განვითარებას.

საწყის ეტაპზე ბავშვების მუსიკალურ აქტივობებში ჩართვა სწორედ მშობლებისა და აღმზრდელების ხელშეწყობით ხდება.

მოტორული უნარები

იმის მიუხედავად თუ რომელ მუსიკალურ ინსტრუმენტზე უკრავთ, მუსიკა ანვითარებს ნატიფ მოტორიკას და კოორდინაციას. წარმოიდგინეთ ყველა ის მოქმედება, რაც კონკრეტულ მუსიკალურ ინსტრუმენტების გამოყენებისას არის საჭირო: მუსიკალური ინსტუმენტის ხელში დაჭერა, ჩაბერვა, დარტყმა და ა.შ.
მუსიკა ანვითარებს მსხვილ მოტორიკას ცეკვისა და მოძრაობის გზით.

კოგნიტური განვითარება

მუსიკა მოითხოვს ტვინის რამდენიმე უბნის ჩართულობას, ასტიმულირებს მეხსიერებას, ყურადღებას და პრობლემის გადაჭრის უნარებს.


ნეირომეცნიერების კვლევებმა აჩვენა, რომ მუსიკალური განათლება აჩქარებს ტვინის განვითარებას ადრეული ასაკის ბავშვებში, ასევე დროის და სივრცის აღქმას და თვით მათემატიკური შესაძლებლობებსაც კი აუმჯობესებს.


ეს სასარგებლო შედეგები ვრცელდება როგორც ადრეული ასაკის ბავშვებზე, ისე მოზარდებზე.

ემოციური გამოხატვა

ბევრი ჩვენთაგანი მუსიკას უსმენს, როცა აღნიშნავს წარმატებას. ჩვენ ასევე ვრთავთ ჩვენ საყვარელ მელოდიას, როცა გვსურს განწყობის ამაღლება. მუსიკა ასევე გვეხმარება ემოციების გამოხატვაში, ახალგაზრდებისთვის კი მუსიკა გამოხატვის უმნიშვნელოვანესი ფორმასაც კი წარმოადგენს.
ადრეულ ასაკში ხდება თვით-გამორკვევის (self-awareness) და ემოციური ინტელექტის ჩამოყალიბება. სიმღერა ან მუსიკალურ ინსტრუმენტზე დაკვრა, ერთ-ერთი საუკეთესო გზა არის ბავშვებისთვის ემოციების გამოხატვის ექპერიმენტირებისთვის.


მოზრდილების მსგავსად, მუსიკა ბავშვებშიც არეგულირებს ემოციებს. ცალკეული ჟანრის მუსიკამ შესაბამისი ემოციური ცვლილება შეიძლება გამოიწვიოს ადამიანში, ის შეიძლება იყოს დამამშვიდებელი ეფექტის ფონური/ატმოსფერული მუსიკა, მუსიკალურ ინსტრუმენტზე დაკვრამ შეიძლება განწყობა აუმაღლოს მუსიკოსს, შეამციროს სტრესი. ასე რომ ,თუნდაც ბავშვის ტანტრუმების დროს, სიმღერამ შეიძლება დადებითი ზემოქმედება მოახდინოს და დამამშვიდებელი ეფექტი იქონიოს.

სოციალური უნარები

მუსიკა ძალიან კარგი გზაა ბავშვებისთვის სოციალური ინტერაქციის განვითარებისა და გაუმჯობესებისთვის. ის ეხმარება თანამშრომლობასა და გუნდურ მუშაობაში. ჯგუფური მუსიკალური აქტივობები, ბგერების ერთობლივად შექმნა/შეთანხმება, ბუნებრივად ანგრევს საზღვრებს ბავშვებს შორის და მიმართავს მათ სოციალური ინტერაქციისკენ და ახალი საკომუნიკაციო გზების აღმოჩენისკენ.

როდესაც ბავშვები ერთობლივან ქმნიან მუსიკას, ამ დროს ისინი სწავლობენ მოსმენას, თანამშრომლობასა და ეფექტურ კომუნიკაციას. ეს უნარები კი აღრმავებს ემპათიის უნარს და ქმნის სოციალურ კავშირებს. მუსიკა ეხმარება ბავშვებს ამ სასიცოცხლოდ მნიშვნელოვანი უნარების ფორმირებაში ადრეული ასაკიდანვე.

განსხვავებული კულტურების დაფასება (cultural appreciation)

მისიკის უკან არსებული კონტექსტის გაგება, ამეცნებს ბავშვებს მათ გარშემო არსებული სამყაროს შესახებ. განსხვავებული კულტურებისთვის დამახასიათებელი მუსიკის გაცნობა ბავშვს ეხმარება ცნობიერების ამაღლებაში, და ზოგადად განსხვავებულობების პატივისცემაში და მის მიმღებლობაში.

მუსიკის საშუალებით ამბების გადმოცემა საუკეთესო საგანმანათლებლო პრაქტიკაა, რაც ბავშვებისთვის ახალი იდეებისა და აზრების წარმოშობის წყარო შეიძლება გახდეს. და რაც მთავარია, შემეცნების ეს პროცესი სახალისოა. მუსიკა შეიძლება გამოყენებულ იქნას, როგორც სწავლის პროცესის წამახალისებელი/დამხმარე საშუალება.

შემოქმედებითობა და წარმოსახვა

ყველაფერთან ერთად, მუსიკა გამოხატვის შემოქმედებითი ფორმაა. ბავშვების შემოქმედებითი „ინსტრუმენტებით“ აღჭურვა მნიშვნელოვან უპირატესობას აძლევს მათ, კერძოდ მუსიკა ბგერების საშუალებით, შემოქმედებითად ფიქრის და გამოხატვის საშუალებას იძლევა.

მუსიკა იმპროვიზაციისა და ინოვაციების ძალიან კარგი საშუალებაა – მან შესაძლოა, თქვენი პატარას სრულიად უცნობი მხარე გამოავლინოს.

თავდაჯერებულობდა და თვითშეფასება

რამდენჯერ გვინახავს შემსრულებელი სცენაზე და გვიფიქრია, რომ „მე ამას ვერ შევძლებდი“? ადრეულ ასაკში პატარების მუსიკალურ აქტივობებში ჩართვა აამაღლებს მათ თვითშეფასებას და თავდაჯერებულობას. ასევე პოზიტიური უკუკავშირი მუსიკალური შესრულების შემდეგ, მოტივაციას ზრდის სწავლის გაგრძელებისა და პროგრესისთვის.

დისციპლინა და ფოკუსი

მუსიკალურ ინსტრუმენტზე დაკვრის ცოდნა საკმაოდ რთულია. ის მოითხოვს დისციპლინას, პრაქტიკასა და კონცენტრაციას. ეს შეიძლება მშობლებს აფრთხობდეს კიდეც, თუმცა ბავშვის წახალისებამ პრაქტიკულ მუშაობაში ჩასაბმელად, ბევრი სარგებელი შეიძლება მოუტანოს მას გრძელვადიან პერსპექტივაში. რეგულარული მუსიკალური ვარჯიში აუმჯობესებს ბავშვის ყურადღებას, ფოკუსსა და თვითდისციპლინას.

ეს უნარები კი ძალიან მნიშვნელოვანია, განსაკუთრებით მაში,ნ როდესაც ბავშვი შეაბიჯებს საგანმანათლებლო დაწესებულებებში. ბავშვები, რომლებსაც ნასწავლი აქვთ მუსიკალურ ინსტრუმენტზე დაკვრა, აკადემიური სწავლის პროცესში უკეთ არიან აღჭურვილები კონცენტრაციის უნარით.

ტვინის განვითარება და გრძელვადიანი სარგებელი

ადრეულ ასაკში ბავშვის მუსიკალურ აქტივობებში ჩართვა, მისი ჯანმრთელობისთვისაც კი მნიშვნელოვანი სარგებელის მომტანია, კერძოდ კი ეს პროცესი, ტვინის ფუნქციურ, გრძელვადიან ცვლილებას იწვევს. ტვინის ასეთი ცვლილება კი ასოცირებულია კოგნიტური უნარების, აკადემიური მოსწრებისა და ჯანმრთელობის დადებით შედეგებზე.

მასალა გამოყენებულია საბავშვო ბაღ ლარდის საიტიდან - ლარდი

ბაღში ვიზიტის დასაჯავშნად ეწვიეთ ბმულს: https://​shorturl.at/jtxBF . 
მისამართ: ქვემო ლისი, Tbilisi, Georgia.
599 64 64 59
Info@lardi.ge

R. 
წაიკითხეთ სრულად