Baby Bag

„საკეისრო კვეთა თუ კეთდება ჩვენების გარეშე, ექიმმა ეს ბრძოლა წააგო,“ - მეან-გინეკოლოგი ნიკოლოზ კინტრაია

„საკეისრო კვეთა თუ კეთდება ჩვენების გარეშე, ექიმმა ეს ბრძოლა წააგო,“ - მეან-გინეკოლოგი ნიკოლოზ კინტრაია

მეან-გინეკოლოგმა ნიკოლოზ კინტრაიამ ბუნებრივი მშობიარობის უპირატესობებზე ისაუბრა და არასაჭირო შემთხვევებში საკეისრო კვეთის გაკეთების მავნე მხარეებს გაუსვა ხაზი:

„საკეისრო კვეთა არის ოპერაცია, რომელსაც აქვს თავისი ჩვენება. საკეისრო კვეთა თუ კეთდება ჩვენების გარეშე, ექიმმა ეს ბრძოლა წააგო. ექიმი ვალდებულია სწორად აუხსნას, თუ რატომ უნდა იმშობიაროს ქალმა 12-16 საათის განმავლობაში, როდესაც 40 წუთში გაუკეთებენ ოპერაციას. აქ ეთიკური საკითხები წამოიწევს ხოლმე წინა პლანზე.“

ნიკოლოზ კინტრაიას თქმით, საკეისრო კვეთით დაბადებულ ბავშვებს ამ მიზეზით ნაკლოვანებები არ აქვთ:

„მინდა ზუსტად ვუთხრა ყველას, რომ თუ ვინმე საკეისრო კვეთით არის დაბადებული, არ ნიშნავს, რომ მას რაიმე ნაკლი აქვს. ის ადამიანი, ვინც ძალიან ნიჭიერია, საკეისრო კვეთით არის დაბადებული, წარმატებული მეცნიერია, კიდევ უფრო ნიჭიერი და წარმატებული იქნებოდა ფიზიოლოგიურად რომ დაბადებულიყო. ​ფიზიოლოგიური მშობიარობის დროს ნაყოფი ემზადება დამოუკიდებლად სიცოცხლის დასაწყებად. პირველ დღეებსა და თვეებში სტრესის მიმართ ფიზიოლოგიური მშობიარობით დაბადებული ახალშობილები ბევრად უფრო გამძლეები არიან.“

„არსებობს მეცნიერული კვლევებით დადასტურებული მოსაზრებები, რომ სხვადასხვა პათოლოგიის, მათ შორის, აუტიზმის განვითარების რისკი საკეისრო კვეთით დაბადებულ ახალშობილებში უფრო მეტია, ვიდრე ბუნებრივი გზით დაბადებულ ახალშობილებში. წარმოიდგინეთ ექიმის პოზიცია. ექიმი, რომელმაც 16 საათი უნდა გაატაროს მშობიარესთან და ნაკლებ ანაზღაურებას მიიღებს, ვიდრე 40 წუთში გააკეთებს ოპერაციას, წავა სახლში, თავის საქმეს მიხედავს. ეს ადამიანი თავის ინტერესებს მაინც გვერდზე გადაწევს, ურჩევს მშობიარეს: „შენთან ერთად ვიქნები 18 საათის განმავლობაში, მაგრამ მოდი, ამ გზით წავიდეთ.“ იმიტომ, რომ ასე სჯობს ნაყოფისთვისაც, დედისთვისაც. პერინატალურ გამოსავალზეა დამოკიდებული მთელი ჩვენი ქვეყნის მომავალი, რამდენად ჯანმრთელი ბავშვები დაიბადებიან, დედა რამდენად ჯანმრთელი იქნება,“ - აღნიშნულ საკითხზე ნიკოლოზ კინტრაიამ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

ფიზიოლოგიურად მიმდინარე ორსულობა და ორსულობა, რომელსაც არ აქვს არანაირი გართულება, არ საჭი...
რამდენად მიზანშეწონილია არამიზნობრივი საკეისრო კვეთა და რატომ არის მნიშვნელოვანი პარტნიორის ჩართულობა მშობიაორობის პროცესში? - ორსულობასთან და მშობიარობასთან დაკავშირებულ საკითხებზე ​Mo...

შეიძლება დაინტერესდეთ

​უმეტესობა ყველაზე ხშირად ჩატარებული სახსრების ორთოპედიული ოპერაციებისა არ არის ეფექტური და მოკლებულია სამეცნიერო მტკიცებულებებს

​უმეტესობა ყველაზე ხშირად ჩატარებული სახსრების ორთოპედიული ოპერაციებისა არ არის ეფექტური და მოკლებულია სამეცნიერო მტკიცებულებებს

უმეტესობა ყველაზე ხშირად ჩატარებული სახსრების ორთოპედიული ოპერაციებისა არ არის ეფექტური და მოკლებულია სამეცნიერო მტკიცებულებებს - ამ თემაზე ექიმი ზაზა თელია წერს. ​MomsEdu.ge გთავაზობთ მის პოსტს უცვლელად.

„ჩატარებული მეტა-ანალიზით შედარებულ იქნა 10 ყველაზე ხშირად ჩატარებული ორთოპედიული ოპერაცია საერთოდ არანაირ მკურნალობასთან, ან პლაცებოსთან, ან არაოპერაციულ მკურნალობასთან.
ეს ოპერაციებია:
1. ართროსკოპიული წინა ჯვარედინი იოგის რეკონსტრუქცია
2. ართროსკოპიული მენისკის აღდგენა
3. ართროსკოპიული ნაწილობრივი მენისკექტომია
4. ართროსკოპიული მბრუნავი მანჟეტის აღდგენა
5. ართროსკოპიული სუბ-აკრომიალური დეკომპრესია
6. კარპალური გვირაბის დეკომპრესია
7. ხერხემლის წელის მალების დეკომპრესია
8. ხერხემლის წელის მალების შერწყმა (დაფიქსირება)
9. ტოტალური მენჯ-ბარძაყის სახსრის ჩანაცვლება
10. ტოტალური მუხლის სახსრის ჩანაცვლება
დასკვნა:
მეტა-ანალიზმა აჩვენა, რომ ზემოთ ჩამოთვლილი ხშირი ორთოპედიული ოპერაციები არ იყო უფრო ეფექტური ვიდრე - საერთოდ არანაირი მკურნალობა, პლაცებო ან არაქირურგიული მკურნალობა.
მიუხედავად ამ ოპერაციების ეფექტურობის დამადასტურებელი მტკიცებულებების არქონისა, დღეისათვის სხვადასხვა ნაციონალური გაიდლაინები მაინც გასცემენ რეკომენდაციებს ოპერაციების ჩატარებაზე.
P.S. ფული აღმართს ხნავს, „შენ ოპერაცია გჭირდება, სხვანაირად არაფერი გეშველება“, - წერს ექიმი ზაზა თელია.


​​

წაიკითხეთ სრულად