Baby Bag

„ყელის ტკივილის ნებისმიერი ფორმის დროს ჩვეულებრივი სპირტის შემცველ ხსნარებსაც კი ვკრძალავთ,“ - ოტორინოლარინგოლოგი ლიკა ლომიძე

„ყელის ტკივილის ნებისმიერი ფორმის დროს  ჩვეულებრივი სპირტის შემცველ ხსნარებსაც კი ვკრძალავთ,“ - ოტორინოლარინგოლოგი ლიკა ლომიძე

ოტორინოლარინგოლოგმა ლიკა ლომიძემ ყელის ტკივილის დროს ბუნებრივი სამკურნალო საშუალებების გამოყენებისას დაშვებულ შეცდომებზე ისაუბრა:

​სპირტისა და წიწაკის ნაზავს იყენებენ ვირუსული ინფექციის დასაწყისში, რომ შემდგომ გართულებებისგან თავი დაიცვან. ეს ყელს, რა თქმა უნდა, არ მოუხდება. ამაზე ორი აზრი არ არის. ყელის ტკივილის ნებისმიერი ფორმის დროს, ნებისმიერი სახის ანთების დროს პაციენტს ვუკრძალავთ, როგორც ცხარეს, ასევე ალკოჰოლს. ჩვეულებრივი სპირტის შემცველ ხსნარებსაც კი ვკრძალავთ.“

ლიკა ლომიძის თქმით, ყელის ტკივილის დროს ალკოჰოლი და სპირტის შემცველი ხსნარები განსაკუთრებით მავნეა:

„ღვინო კიდევ შეიძლება, რომ დალიო. რაც შეეხება სპირტის შემცველ ხსნარებს, სასტიკი წინააღმდეგები ვართ. პირის ღრუსა და ხახაში ლორწოვანს, პირველ რიგში, ვნებს ალკოჰოლი და სპირტის შემცველი ხსნარები.“

„ტონზილიტი ხშირად მიმდინარეობს ჩირქოვანი პროცესით.​ ბავშვს ტონზილებში რომ ჩავხედავთ, მშობელიც ხედავს ხოლმე გლანდებზე მოდებულ თეთრ ნადებს. ამის მოცილება არის დაუშვებელი. შესაძლებელია, რომ იქ აღინიშნოს სისხლის წამოსვლა, რაც შემდგომ სეფსისისა და სხვადასხვა საშიშროების წინაშე აყენებს ბავშვს. ძალიან ხშირი იყო პირის ღრუსა და ყელში ნავთის გამოყენება. ნავთის ხშირი გამოყენება ყელის ტკივილისთვის არავითარ შემთხვევაში არ შეიძლება. ის იწვევს ინტოქსიკაციას. რაც შეეხება ლიმონსა და თაფლს, ძალიან კარგი საშუალებებია. ამას ჩვენც ვაღიარებთ და ვიყენებთ,“ - აღნიშნულ საკითხზე ლიკა ლომიძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

„პირდაპირ ეცე და გლანდები ამოჭრა, ეს არ არის გამოსავალი, იმიტომ, რომ გლანდებს თავისი ფუნქც...
​ოტორინოლარინგოლოგმა მიშა ხუჯაძემ მწვავე და ქრონიკული ტონზილიტის მკურნალობის მეთოდების შესახებ ისაუბრა. მან ის შემთხვევები აღწერა, რომლის დროსაც ოპერაციის საჭიროება დგება:„საქართველოში კი არის გავრცელ...

შეიძლება დაინტერესდეთ

„ეს ვნებს თქვენ შვილებს, ახლობლებს... ამ ნარკოტიკზე უნდა აუხსნათ, რომ უმძიმესი შედეგი მოაქვს მის მოხმარებას...“

„ეს ვნებს თქვენ შვილებს, ახლობლებს... ამ ნარკოტიკზე უნდა აუხსნათ, რომ უმძიმესი შედეგი მოაქვს მის მოხმარებას...“

ნარკოლოგი, პროფესორი ზურა სიხარულიძე ფეისბუქ გვერდზე საშიში ნარკოტიკის - ე.წ „აბაზანის მარილის“ შესახებ პოსტს აქვეყნებს, რომელსაც უცვლელად გთავაზობთ:

„თავიდან დავდებ მაინც, რომ ნაკლები კითხვა იყოს !! ეს არის ის ნივთიერება, რომელიც დღეს ამოიღეს უპრეცედენტო რაოდენობა - იცი ალფა პვპ მაქვს ( საუბარია ე. წ „აბაზანის მარილზე“). საიტიდან გამოვიწერე. არაფერი არ არის ცოტას „მოგხოდავს“ და კარგ ხასითზე დაგვაყენებს. მოვწიოთ და მერე „მაგრა ვიდვიჟენიებთ...“

ასე იწყება ვითომ ძალიან ჩვეულებრივი დიალოგი დღეს ახალგაზრდებს შორის!.. და მერე სრულდება კომით, ხან სიკვდილით ან ძლიერი პარანოიდული ფსიქოზით და უმძიმესი თავის ტვინის შეუქცევადი ორგანული დაზიანებებით. არ მეგონა თუ ასე რთულად იყო საქმე, ახლახან დავბრუნდი დასავლეთიდან, შევხვდი ბევრ ექიმს და ვესაუბრე „ემერჯენსის“ წარმომადგნელებს. დღე არ გავა, რომ ვინმე არ მოხვდეს სასწრაფო გადაუდებელ განყოფილებაში უძლიერესი აღზნებით, ფსიქოზით ან/და კომატოზური მდგომარეობით. 

ვითომ უვნებელი ნარკოტიკი, რომელიც დღეს არის ყველაზე გავრცელებული საქართველოში და იწვევს ძალიან მძიმე შედეგებს ნარკოგენული თვისებებით, ბევრჯერ აღემატება მეტამფეტამინს და მის მსგავს ნარკოტიკულ საშუალებებს. აღნიშნული ნარკოტიკის სისტემატიური მიღების შემდეგ ვითარდება უმძიმესი ფორმის დამოკიდებულება, რომლიც ვლინდება პარანოიაში, აგრესიაში, თვითდაზიანების შემთხვევებში, მეტყველების და მოძრაობის გაძნელებასა და თავის ტვინის უმძიმეს ორგანულ დაზინებებში!.. აგრეთვე ზედოზირება ხასიათდება მაღალი ცხელებითა და მიოკარდიუმის ინფარკტით ან/და თავის ტვინში სისხლის მიმოქცევის მოშლით. ზუსტად შსს - ს ბოლო ოპერაციის დროს იყვნენ დაკავებული ის პირები, რომლებიც ამ ნარკოტიკულ საშულებას ინტერნეტით ავრცელებდნენ. თუმცა, ეს წვეთია ზღვაში. ეს ვნებს თქვენ შვილებს, ახლობლებს. ამ ნარკოტიკზე უნდა აუხსნათ, რომ უმძიმესი შედეგი მოაქვს მის მოხმარებას და საჭიროა ექიმის დროული ინტერვენცია თუ ამ ნარკოტიკის მიმართ გარკვეული დამოკიდებულება გაჩნდა.

ეს მეხება მეც, შენც, თითოეულ თქვენგანს ვინც ამ პოსტს კითხულობს და ბევრ იმ ადამიანსაც, ვის ყურამდეც ჩემი ხმა შეიძლება არც კი მივიდეს, ამიტომ მოგიწოდებთ, იყავით ფრთხილად!“ - აღნიშნავს ზურა სიხარულიძე. 

წაიკითხეთ სრულად