Baby Bag

„იმ ადამიანებში, ვისაც ეს გენი აქვს, ვირუსი უფრო ფატალურად მთავრდება, უჯრედები ვერ ებრძვიან ვირუსს,“ - ტატა ქებაძე

„იმ ადამიანებში, ვისაც ეს გენი აქვს, ვირუსი უფრო ფატალურად მთავრდება, უჯრედები ვერ ებრძვიან ვირუსს,“ - ტატა ქებაძე

ბრიტანეთის სამეფოს ლაბორატორიის მკვლევარმა ტატა ქებაძემ ტელეკომპანია „რუსთავი 2“-ის ეთერში ოქსფორდის ინსტიტუტის ახალი აღმოჩენის შესახებ ისაუბრა. მისი თქმით, აღმოჩენილია ახალი გენი, რომელიც ადამიანს ვირუსთან ბრძოლაში ხელს უშლის:

„ოქსფორდის ინსტიტუტმა აღმოაჩინა გენი, რომელიც ადრე არ იყო შესწავლილი. ეს გენი სასუნთქ გზებშია და ​როდესაც ვირუსი ემართება ადამიანს, მისი უჯრედები ვერ ებრძვის ამ ვირუსს. შესაბამისად ამ ხალხში ვირუსი უფრო ფატალურად მთავრდება. საინტერესო აღმოჩნდა, რომ მხოლოდ 15% იყო ევროპული ხალხი, დანარჩენი აფრიკელები, აზიელი ხალხი.“

ტატა ქებაძის თქმით, აღნიშნული გენი უფრო მეტად აქვთ ცალკეულ ეთნიკურ ჯგუფებს:

„გენი აქვთ ადამიანებს, ​რომელიც არ იყო ადრე მკაფიოდ შესწავლილი. სწორედ ამიტომ არის, რომ იმ ადამიანებში ძალიან რთულად მიდის კორონავირუსი. ეს გენი უფრო ეთნიკურ ჯგუფებს აქვთ. აზიურ და აფრიკულ ჯგუფებში უფრო ხშირია და ვირუსი ფატალურად მთავრდება. ესეც ერთგვარი სიახლეა.“

„აფრიკელ და აზიელ ადამიანებში ხშირად ძალიან რთულად მიდიოდა კოვიდი. აქ იყო საუბარი, ეს ხომ არ იყო სოციალური მდგომარეობის გამო. ახლა გაირკვა, რომ არამხოლოდ ეს, არამედ გენიც იწვევს ამას. ამ გენის გამო მათი უჯრედები ვერ ებრძვიან ვირუსს. მათ ორგანიზმს და უჯრედებს არანაირი რეაქცია არ აქვს, შესაბამისად მათთან ძალიან ფატალურად მთავრდება,“ - აღნიშნა ტატა ქებაძემ.

წყარო: ​ტელეკომპანია „რუსთავი 2“

არდაგავიწყდეთ !!!

Momsedu.ge-მთქვენთვის, ქალებისთვისშექმნაახალისივრცე, სადაცყველაზემცოდნედედებიიყრიანთავს. ჯგუფისდასახელებაცსწორედასეა - „მცოდნედედებისჯგუფი“, რომლისსაშუალებითდედებიერთმანეთსსაკუთარგამოცდილებასგაუზიარებენ. (ჯგუფშიგასაწევრიანებლადნახეთბმული - „მცოდნე დედების ჯგუფი“)

„არიან პაციენტები, მათ შორის ახალგაზრდებიც, რომელთაც კოვიდის შემდეგ პირველად ემართებათ გა...
​კარდიოლოგმა ნინო ჟვანიამ კორონავირუსის გულ-სისხლძარღვთა სისტემაზე ნეგატიური ზემოქმედების შესახებ ისაუბრა. მისი თქმით, კოვიდ-19 ამ მხრივ ახალგაზრდა, ჯანმრთელ ადამიანებსაც უქმნის პრობლემებს:„ჩვენთან პა...

შეიძლება დაინტერესდეთ

„თანამედროვე ბავშვების აზროვნება უფრო დაწინაურებულია, ამათ უფრო მეტი ნიჭიერება მოაქვთ, ვიდრე ჩემმა თაობამ მოიტანა,“ - შალვა ამონაშვილი

პედაგოგი და ფსიქოლოგი შალვა ამონაშვილი „იმედის დღეში“ თანამედროვე ბავშვებთან ურთიერთობის და მათთან გამოყენებული სწავლების ახალი მეთოდების შესახებ საუბრობს. ის აღნიშნავს, რომ ბავშვებს ფიქრი არ უყვართ და ისინი დაფიქრებას უნდა მივაჩვიოთ:

„ბავშვის წესი ასეთია: არ ფიქრობს და ამბობს. კითხვას რომ აძლევს მასწავლებელი, ბავშვს არც ესმის რა იკითხა და ხელს იწევს უკვე, განსაკუთრებით პირველ კლასში. მას ხელის აწევა უფრო მნიშვნელოვნად მიაჩნია. ბავშვი ხომ უნდა შევაჩვიოთ, რომ ჯერ მოიფიქროს. ბავშვს თითებს ვუჩვენებ, ჯერ ერთს, მერე ორს, მერე ისევ ორს, ის კი სამს იძახის. შემდეგ ვაფრთხილებ, რომ ჯერ დაინახოს და მერე თქვას, მაგრამ სწრაფად. ენა არ უნდა გისწრებდეს. ჩვენი ცხოვრების მრავალი შეცდომა ენით არის გამოწვეული.“

შალვა ამონაშვილის თქმით, როდესაც მასწავლებელი კითხვას სვამს, ბავშვებმა მას პასუხები ჩუმად უნდა გასცენ, რათა კლასმა მოტივაცია არ დაკარგოს:

„როდესაც პასუხი უნდა მივიღოთ, თუ ერთი ბავშვი ხმამაღლა იტყვის, სხვა ბავშვებისთვის ეს ამოცანა დაკარგავს მნიშვნელობას. თუ ბავშვი მოდის ჩემთან და სწორ პასუხს ჩურჩულით მეტყვის, მივხვდები, რომ ის ძლიერია. ამიტომ, უნდა დავაბნიო ბავშვი, უფრო მეტ სიძნელეს შევაჭიდო. ვეტყვი, რომ არ არის მართალი და კიდევ გადაამოწმოს, ასე ავუმაღლებ თამასას. თუ ვინმეს უჭირს და მეჩურჩულება, მას მისახვედრ კითხვას მივცემ. ასე გამოვა, რომ ერთი გაკვეთილი ყველასთვის ცალ-ცალკე გაკვეთილია.“

შალვა ამონაშვილის თქმით, მთავარია, რომ ბავშვს აზროვნების წესი განვუვითაროთ:

„თუ ჩვენ ბავშვს არ განვუვითარეთ აზროვნების წესი, ის ბევრს ვერაფერს მოიგებს ცხოვრებაში. მიხვედრა, განცდა, სწრაფად ამოხსნა, ძლიერი ინტერესის გაჩენა, ეს ყველაფერი აზროვნების ატრიბუტიკაა. ამას ვცდილობ ბავშვებთან. ასეთი გაკვეთილი 100 რომ ჩავუტარო, ბავშვები სულ სხვა გახდებიან. ბავშვს სითამამე უნდა შესძინო, უნდა უთხრა: „შენ ნუ გეშინია!“ ბავშვს უნდა ურჩიო, რომ მოესიყვარულოს მაგალითს, ჯადოსნურ კვადრატს, საკუთარ თავს უთხრას: „მე მათემატიკოსი ვარ, მე მიყვარს სიძნელე.“ მე გავამხნევე ბავშვი, რომ არ გამემხნევებინა ბავშვები, ბევრი ამოცანას ვერ გაიგებდა.“

„თანამედროვე ბავშვები ჩემი თაობის ბავშვებისგან განსხვავდებიან. მეც ხომ ვიყავი მეოთხე კლასში, მე ასეთ დავალებას მასწავლებელი ვერ მომცემდა, განა იმიტომ, რომ ვერ მოძებნიდა. მე ვერ ამოვხსნიდი, ის ვერ მიმიყვანდა ამ დონემდე. თითქოს ჭკვიანი კაცი ვარ, მაგრამ მე სხვა თაობა ვარ. თანამედროვე ბავშვების აზროვნება უფრო დაწინაურებულია, ამათ უფრო მეტი ნიჭიერება მოაქვთ, ვიდრე ჩემმა თაობამ მოიტანა. ეს თაობა უნდა იყოს არა მომხმარებელი, არამედ მწარმოებელ-შემქმნელი, აღმომჩენი. ამ ახალ თაობას როგორი პედაგოგიკა უნდა? გამოადგებათ თითის ქნევის პედაგოგიკა, ნიშნების პედაგოგიკა? აბა გაკვეთილი მომიყევიო, ამის პედაგოგიკა გამოადგებათ? არა! ახალ ბავშვს ახალი პედაგოგიკა უნდა. ახალი პედაგოგიკა წიგნებში კი არ არის, მასწავლებლის სულში და გულშია,“ - აღნიშნავს შალვა ამონაშვილი.

წყარო: ​იმედის დღე


წაიკითხეთ სრულად