Baby Bag

„ახალ ქვეშტამთან მიმართებაში პანიკის საფუძველი არ არსებობს,“ - ალექსანდრე გოგინავა

„ახალ ქვეშტამთან მიმართებაში პანიკის საფუძველი არ არსებობს,“ - ალექსანდრე გოგინავა

ინფექციონისტმა ალექსანდრე გოგინავამ კორონავირუსის ახალი ქვეშტამის გავრცელებაზე ისაუბრა და აღნიშნა, რომ ის რუსეთსა და დიდ ბრიტანეთშია გავრცელებული:

„კორონავირუსსაც ახასიათებს მუტაცია. ​დელტა ვარიანტის ახალი ქვეშტამი მუტაციის შედეგად წარმოიქმნა. ის არის შესწავლის ქვეშ, მეცნიერები მას აკვირდებიან. ახალი ქვეშტამი გავრცელებულია დიდ ბრიტანეთსა და რუსეთში. მან ყურადღება იმით მიიქცია, რომ ამ ქვეშტამით გამოწვეული ინფიცირების ზრდა მოხდა.“

ალექსანდრე გოგინავას თქმით, ახალ ქვეშტამზე დაკვირვება და მისი შესწავლა მიმდინარეობს:

„ამ ქვეშტამის მიმდინარეობის სირთულესთან დაკავშირებით საბოლოო დასკვნების გაკეთება რთულია. ჩემი აზრით, ახალ ქვეშტამს სხვა შტამებისგან დიდი სხვაობა არ ექნება. ჯერ მაინც დავაკვირდეთ და ვნახოთ. რაც მთავარია, პირველადი მონაცემებით ამ ქვეშტამზეც ძალიან ეფექტიანია ვაქცინა.“

„დელტა შტამს აღმოაჩნდა უნარი, რომ უფრო ადვილად გავრცელებულიყო ბავშვებში. ჯერ არ არის ახალი ინფორმაცია როგორ მიმდინარეობს ბავშვებში ახალი ქვეშტამი. მეცნიერები ამბობენ, რომ ​ახალი ქვეშტამის გავრცელებაც და მიმდინარეობაც ბავშვებში არის იგივე, რაც დელტა შტამის დროს იყო. პანიკის საფუძველი ახალ ქვეშტამთან მიმართებაში არ არსებობს,“ - აღნიშნულ საკითხზე ალექსანდრე გოგინავამ ტელეკომპანია „რუსთავი 2“-ის გადაცემაში „დილა მშვიდობისა საქართველო“ ისაუბრა.

წყარო:​ „დილა მშვიდობისა საქართველო“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ყველაფერი ჯანმრთელობაზე

„წელს ზამთარი გვექნება უფრო მსუბუქი, ვიდრე გვქონდა შარშან,“ - ალექსანდრე გოგინავას დამაიმე...
​ინფექციონისტმა ალექსანდრე გოგინავამ იმედი გამოთქვა, რომ წელს ეპიდემიოლოგიური თვალსაზრისით უფრო მსუბუქი ზამთარი გველის, ვიდრე შარშან გვქონდა:„​ჩემი აზრით, ზამთარი გვექნება უფრო მსუბუქი, ვიდრე გვქონდა...

შეიძლება დაინტერესდეთ

​5 საუკეთესო პროდუქტი გრიპისა და გაციების წინააღმდეგ

​5 საუკეთესო პროდუქტი გრიპისა და გაციების წინააღმდეგ
მშობლები ძალიან ღელავენ, როდესაც შვილებს გრიპის ან გაციების არასასიამოვნო სიმპტომებს ​შენიშნავენ. ბავშვის იმუნური სისტემის გაძლიერებაზე ზრუნვა მსგავსი უსიამოვნებების თავიდან აცილებაში დაგეხმარებათ. აუცილებელია პატარებს ხშირად მიაწოდოთ ისეთი საკვები პროდუქტები ან სითხეები, რომლებიც მათ გრიპისა და გაციების დამარცხებაში შეუწყობს ხელს, გარდა ამისა სწორი კვებით სეზონური ვირუსებისა და გრიპების პრევენციაც არის შესაძლებელი.

სოლიდური ძილის რეჟიმი და ჯანსაღი კვება ძლიერი იმუნური სისტემის მთავარ ქვაკუთხედს წარმოადგენს. გთავაზობთ იმ საკვები პროდუქტების ჩამონათვალს, რომელთა მირთმევა ბავშვებს გრიპისა და გაციების სწრაფად დამარცხებაში დაეხმარება.

იოგურტი

ბავშვის ორგანიზმი პრობიოტიკებით რეგულარულად უნდა მოამარაგოთ. პრობიოტიკი სასარგებლო ბაქტერიაა, რომელიც იმუნურ სისტემას აძლიერებს. ის მავნე მიკროორგანიზმებსა და ვირუსებს ორგანიზმიდან გამოდევნის და ნაწლავური ფლორის სიჯანსაღეს იცავს. იოგურტი და კეფირი ბავშვებისთვის ძალიან სასარგებლო პროდუქტთა რიცხვს მიეკუთვნება. თუ თქვენი შვილი მათ მიღებაზე კატეგორიულ უარს გიცხადებთ, დახმარებისთვის პედიატრს მიმართეთ. ის პრობიოტიკების ალტერნატიულ წყაროს შემოგთავაზებთ.

ტკბილი კარტოფილი

ტკბილი კარტოფილი გარდა იმისა, რომ საკვებად გემრიელია, დიდი რაოდენობით ვიტამინ A-საც შეიცავს, რომელიც თავის მხრივ, პირის ღრუს, სასუნთქი გზებისა და კუჭ-ნაწლავის ტრაქტის ჯანმრთელობისთვის უმნიშვნელოვანესი ვიტამინია. ნახევარი ფინჯანი ტკბილი კარტოფილი ბავშვისთვის საჭირო ვიტამინ A-ს დღიურ დოზას შეიცავს. ვიტამინ A-ს მაღალი შემცველობით გამოირჩევა შემდეგი პროდუქტებიც: სტაფილო, წითელი წიწაკა, მანგო და ატმის ჩირი.

ღორის და საქონლის ხორცი

ხორცი დიდი რაოდენობით ცილას შეიცავს. პროტეინს იმუნური სისტემის სიჯანსაღეზე უდიდესი გავლენის მოხდენის უნარი აქვს. ღორისა და საქონლის ხორცი თუთიის საკმაოდ მაღალი შემცველობითაც გამოირჩევა. ეს უკანასკნელი კი ორგანიზმში ლიმფოციტების წარმოების პროცესს უწყობს ხელს, რომელიც თავის მხრივ იმუნური სისტემის გაჯანსაღებას უზრუნველყოფს. თუთიას დიდი რაოდენობით შეიცავს კეშიუ და თურქული ბარდაც.

ქათმის ბულიონი

ბებიები არ ცდებიან, როდესაც დაბეჯითებით ამბობენ, რომ ბულიონს დასუსტებული ორგანიზმის გაჯანსაღების საოცარი უნარი აქვს. კვლევებით დასტურდება, რომ ქათმის ბულიონის რესპირატორული ვირუსული ინფექციების დასამარცხებლად გამოყენება ძალიან ეფექტურია.

თბილი სითხეები

ადამიანთა უმრავლესობა ერთხმად აღნიშნავს, რომ გაციების ან ვირუსული ინფექციების დროს თბილი სითხეების მიღება მათი ორგანიზმის საერთო მდგომარეობას მნიშვნელოვნად აუმჯობესებს. სითხეების დახმარებით სურდოს, ყელის ტკივილის, სისუსტისა და თავბრუსხვევის დამარცხება შეგიძლიათ. პატარებისთვის სასარგებლო თბილი სითხის მოსამზადებლად უკოფეინო ჩაი და მცირედი თაფლი გამოიყენეთ. მალევე დარწმუნდებით, რომ ბავშვს ყელის ტკივილი და ხველება შეუმცირდება.


ზემოთ ჩამოთვლილი პროდუქტები ბავშვს არამხოლოდ გაციების ან გრიპის დროს, არამედ ჩვეულებრივ დღეებშიც უნდა მისცეთ, რათა იმუნური სისტემა გაუძლიეროთ. ძლიერი იმუნიტეტის დახმარებით გრიპისა და გაციების პრევენციას მარტივად შეძლებთ.

ავტორი: ია ნაროუშვილი
წაიკითხეთ სრულად