Baby Bag

რა მახასიათებლები აქვს ნამდვილ კარაქს და სავალდებულოა თუ არა მისი გამოყენება?

რა მახასიათებლები აქვს ნამდვილ კარაქს და სავალდებულოა თუ არა მისი გამოყენება?

რა მახასიათებლები აქვს ნამდვილ კარაქს? - ამ თემაზე ნუტრიციოლოგმა მარი მალაზონიამ ისაუბრა.

​„ძალიან ხშირად ე.წ. გამყარებული მცენარეული ცხიმები მოიხსენება, როგორც კარაქი. სინამდვილეში, ასე არ უნდა იყოს. კარაქი არის მხოლოდ რძისგან დამზადებული ცხიმი, რომელშიც რძის ცხიმისგან არის მიღებული ეს მასა, მისი გამკვრივებით და შესქელებით. ამიტომ ნატურალური კარაქი არის მთლიანად ცხოველური წარმოშობის ცხიმი, არანაირი მცენარეული კომპონენტი მასში არ უნდა იყოს. ის წვეთებიც კი, რომელიც მას გაუჩნდება, უნდა იყოს რძის შრატი და თუ მას მოვაცილებთ, წამოვადუღებთ, უნდა მივიღოთ სუფთა ერბო. ანუ რძის ცხიმი რძის შრატის გარეშე. აი, ეს არის კარაქი,“ -  აღნიშნა მარი მალაზონიამ.

კითხვას, სავალდებულოა თუ არა კარაქის გამოყენება, მარი მალაზონიამ შემდეგნაირად უპასუხა:

„სხვაგვარად დავსვამდი საკითხს. კარაქი 20-30 გრამის რაოდენობით ღვიძლის დაავადებების დროსაც კი, თუ ის კომპენსირებულია, დასაშვებია. მაგრამ ეს არ ნიშნავს იმას, რომ სავალდებულო უნდა იყოს მისი მოხმარება. მეორე საკითხია სჭირდება თუ არა ადამიანს ცხოველური ცხიმი ყოველდღიურად? - დიახ, მას გარკვეული რაოდენობით სჭირდება. თუ ვსაუბრობთ ბალანსირებულ კვებაზე, ჯანსაღი კვების მოდელზე, დღიური რაციონის დაახლოებით 30% უნდა იყოს ცხიმისათვის დათმობილი. აქედან 7-10% შეგვიძლია გამოვიყენოთ ცხოველური ცხიმი. საჭიროა საკუთრივ კარაქის სახით მივიღოთ? - არა, როდესაც ცხოველური წარმოშობის პროდუქტებს იღებთ, მასში არსებული ცხიმი უკვე წარმოადგენს ცხოველური ცხიმის წყაროს და სრულიად საკმარისია ჩვენი უჯრედებისათვის. მათ შორის გარედან შემოსული ქოლესტეროლი, იმისათვის, რომ უჯრედის მემბრანა, ჰორმონული ცვლა და ძალიან ბევრი საკითხი იყოს მოწესრიგებული. მივიღოთ კარაქი თუ ტექნოლოგიურად საკვებში ჩამატებული? - ამ საკითხთან ცოტა ფრთხილად ვიქნებოდი. კარაქის თბომედეგობა არ არის მაღალი, განსხვავებით, მაგალითად, ზეთისგან. ამიტომ კარაქის აშიშხინება ტაფაზე, თეთრი კვამლი რომ წარმოიშვება, ის უკვე არის აკროლეინი, რომელიც ონკოლოგიური რისკით გამორჩეული პროდუქტია,“ - ამის შესახებ მარი მალაზონიამ გადაცემაში „პირადი ექიმი მარი მალაზონია“ ისაუბრა.

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედე​ბის ჯგუფი“)

შეიძლება დაინტერესდეთ

„ხშირ შემთხვევაში ცხვირის გაჭედილობის მიზეზი ალერგიასთან ერთად სწორედ ეს ცხვირის წვეთებია,“ - ალერგოლოგ-იმუნოლოგი ნინო ლომიძე

„ხშირ შემთხვევაში ცხვირის გაჭედილობის მიზეზი ალერგიასთან ერთად სწორედ ეს ცხვირის წვეთებია,“ - ალერგოლოგ-იმუნოლოგი ნინო ლომიძე

ალერგოლოგ-იმუნოლოგმა ნინო ლომიძემ ცხვირის გაჭედვის დროს გამხსნელი წვეთების ხშირად გამოყენების შესახებ ისაუბრა და აღნიშნა, რომ ეს პრობლემას წარმოადგენს:

„თუ ცხვირის გაჭედილობა ან ცხვირიდან წყლისებური გამონადენი თვეები გრძელდება და არ სრულდება, უკვე ეჭვი უნდა მიიტანონ, ხომ არ გვაქვს საქმე ალერგიასთან. ხშირ შემთხვევაში როდესაც გაციება ან ალერგია იწყება, ერთ-ერთი ხშირი მედიკამენტი, რომელსაც იწყენებენ მშობლები, ზრდასრულები თუ პედიატრი, არის ცხვირის გამხსნელი. მინდა მათ მოვუწოდო, რომ ცხვირის გამხსენელების გამოყენება 3-5 დღეზე მეტხანს არ არის რეკომენდებული.“

ნინო ლომიძის თქმით, ცხვირის წვეთები ხშირად ალერგიასთან ერთად ცხვირის გაჭედვის მიზეზს წარმოადგენენ:

„ზოგჯერ სწორედ გახანგრძლივებული, კვირებისა და თვეების განმავლობაში გამოყენებული ცხვირის გამხსნელი საშუალებები ხდებიან ამ ცხვირის წვეთებზე დამოკიდებულების საგანი. ხშირ შემთხვევაში ცხვირის გაჭედილობის მიზეზი სწორედ ეს ცხვირის წვეთებია ალერგიასთან ერთად. მე ხშირად ვეუბნები პაციენტს, რომ თქვენ გაქვთ ალერგიული რინიტი, მაგრამ ის გართულებულია მედიკამენტური რინიტით.“

„ცხვირის წვეთებზე დამოკიდებულება ძალიან ხშირია. ამბობენ, რომ თვეები და წლები არიან ცხვირის გამხსნელ საშუალებებზე დამოკიდებულები. ეს ძალიან დროულად მისახედია. ნელ-ნელა ცხვირის ლორწოვანის დესტრუქცია ხდება და ზოგ შემთხვევაში ეს, შესაძლოა, ოპერაციული მკურნალობითაც დასრულდეს და სხვა გამოსავალი არ იყოს. მან, ვინც ცხვირის გაჭედილობის გამო ხანგრძლივად იყენებს ცხვირის ჩასაწვეთებელს, ალერგოლოგს დროულად უნდა მიმართოს, რათა მასთან ერთად მოხდეს ამ გამხსნელ საშუალებებზე დამოკიდებულებისგან გათავისუფლება,“ - აღნიშნულ საკითხზე ნინო ლომიძემ რადიო „ფორტუნას“ ეთერში ისაუბრა.

წყარო: ​რადიო „ფორტუნა“

წაიკითხეთ სრულად