Baby Bag

ამარცხებს თუ არა სოდა სიმსივნეს? - ონკოლოგი ალექსანდრე თავართქილაძე

ამარცხებს თუ არა სოდა სიმსივნეს? - ონკოლოგი ალექსანდრე თავართქილაძე

ონკოლოგმა ალექსანდრე თავართქილაძემ ტელეკომპანია „იმედის" გადაცემაში „იმედის დღე" საზოგადოებაში სოდის ჯადოსნურ თვისებებზე გავრცელებული მოსაზრებების შესახებ ისაუბრა. მან აღნიშნა, რომ სოდა ორგანიზმში ტუტოვანი გარემოს შექმნას უზრუნველყოფს, რაც სიმსივნით დაავადებულ ადამიანებს ნამდვილად სჭირდებათ, მაგრამ ამის გაკეთება საკვების დახმარებითაც არის შესაძლებელი:

„საზოგადოებაში გავრცელებული აზრი იმასთან დაკავშირებით, რომ ​სოდა გამოიყენება სიმსივნეების სამკურნალოდ, წამოვიდა იქიდან, რომ ონკოლოგიურ პაციენტთა უმრავლესობაში სისხლის მჟავა-ტუტოვანი წონასწორობა არის მჟავიანობისკენ მიდრეკილი. აქედან წამოვიდა ის, რომ რაც უფრო მეტ ტუტე გარემოს შევუქმნით ორგანიზმს, მით უფრო ნაკლებად იზრდება სიმსივნური ქსოვილი. უშუალოდ სოდით მოხდება ტუტე გარემოს შექმნა, თუ სხვა რომელიმე საკვები პროდუქტით, არ აქვს მნიშვნელობა. საკვებ პროდუქტებს თავისუფლად შეუძლია ორგანიზმის მჟავა-ტუტოვანი ბალანსი. სჯობს, რომ საკვები რაციონით მოხდეს მოწესრიგება.“

სოდის სასარგებლო თვისებებზე ისაუბრა ერთ-ერთმა მეცნიერმაც, რომელმაც ცხოველებსა და ადამიანებზე ჩაატარა კვლევა, თუ რამდენად ეფექტიანად მოქმედებს სოდის მიღება თირკმლებზე:

„ჩვენმა ცდებმა, რომელიც ცხოველებსა და შემდეგ ადამიანებზე ჩავატარეთ, გამოავლინა, რომ სოდის მიღება დადებითად მოქმედებს თირკმელებზე. კერძოდ, მას ჰიდროკარბონატი გამოაქვს ორგანიზმიდან. შედეგად, ზოგიერთი თირკმლის დაავადების გამწვავება ნელდება და ​მცირდება აუტოიმუნური რეაქციების ინტენსივობა. აღნიშნული საკითხი მაინც კვლევის პროცესშია და არავის ვურჩევთ სოდის თვითნებურად მიღებას. მით უფრო, რომ დიდი რაოდენობით სოდა ტოქსიკურია.“

წყარო:​ „იმედის დღე"

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ყველაფერი ჯანმრთელობაზე

​კანის კიბოსთან დაკავშირებული მითები, რომლებიც არ უნდა დავიჯეროთ
​კანის კიბოსთან დაკავშირებულ მითებზე ექიმი ზაზა თელია წერს. ​MomsEdu.ge გთავაზობთ მის პოსტს:მითი  N1 - მე არ მაქვს კანის კიბოს განვითარების მომატებული რისკი ზამთრის თვეებში ან ღრუბ...

შეიძლება დაინტერესდეთ

„იმ შემთხვევაში, თუ სკოლაში ინფექციის იდენტიფიცირება მოხდება, სკოლა ვალდებულია მიმართოს ადგილობრივი ჯანდაცვის ცენტრს,“ - ეკატერინე დგებუაძე

„იმ შემთხვევაში, თუ სკოლაში ინფექციის იდენტიფიცირება მოხდება, სკოლა ვალდებულია მიმართოს ადგილობრივი ჯანდაცვის ცენტრს,“ - ეკატერინე დგებუაძე

​​საქართველოს განათლების, მეცნიერების, კულტურისა და სპორტის მინისტრის პირველმა მოადგილემ ეკატერინე დგებუაძემ იმ რეკომენდაციების შესახებ ისაუბრა, რომელთა დაცვა სკოლებს ზოგადსაგანმანათლებლო დაწესებულებებში სასწავლო პროცესის დაწყების შემდეგ ევალებათ:

„სკოლებს ეძლევათ სრული თავისუფლება იმისთვის, რომ თავიანთი საჭიროებიდან, ინფრასტრუქტურიდან გამომდინარე დააორგანიზონ სასწავლო პროცესი. წესებთან დაკავშირებით მნიშვნელოვანი შესასრულებელი ღონისძიება არის ის, რომ მოსწავლეებს შორის ერთ მეტრიანი დისტანცია უნდა არსებობდეს. მერხები უკვე ისეა განთავსებული, რომ მოსწავლეები ერთი მეტრის რადიუსზე არიან ერთმანეთისგან დაშორებული. ​სასწავლო პროცესის დაწყებამდე უნდა მოხდეს სიცხის გაზომვა. იმ შემთხვევაში, თუ სიცხე დაუფიქსირდება მოსწავლეს, ის გადადის საიზოლაციო ოთახში, სადაც ხდება ტემპერატურის გადამოწმება. თუ მას რამდენჯერმე დაუფიქსირდა ტემპერატურა, ინფორმაციას აწვდიან მშობლებს. საჭიროების შემთხვევაში გადამისამართება ხდება 112-ში.“

ეკატერინე დგებუაძის თქმით, წესებისა და რეკომენდაციების დაცვა სკოლის ადმინისტრაციის პასუხისმგებლობაა:

„საინფორმაციო კამპანიის კუთხითაც გადაიდგა ნაბიჯები. დაიბეჭდა პოსტერები, რომლებიც გაკრულია სკოლებში. თვალსაჩინოა ყველა ის ნაბიჯი და აქტივობა, რომელიც მოსწავლემ მასწავლებელთან ერთად უნდა განახორციელოს. ეს არის უკვე ​სკოლის ადმინისტრაციის პასუხისმგებლობა, როგორ დაიცავს, როგორ მიჰყვება ამ წესებს. ამ ყველაფერს მოჰყვება მონიტორინგი. გარდა ამისა, ერთ-ერთი მნიშვნელოვანი საკითხი, რომელზეც მინდა მშობლებს ინფორმაცია მივაწოდო, ეს არის სერვისი, რომელიც განათლების სამინისტრომ შეიმუშავა. იმ მშობლებს, რომლებსაც ეშინიათ, აქვთ საშუალება განაცხადი გააკეთონ, დაწერონ წერილი ან მეილიდან სკოლის ადმინისტრაციას მესიჯი გაუგზავნონ. ამ მომენტიდან სკოლა დაიწყებს კონკრეტული მოსწავლისთვის დისტანციურ ფორმატში საგაკვეთილო პროცესის ორგანიზებას. თუ მშობელს უნდა, რომ მოსწავლე დარჩეს დისტანციური სწავლების ფორმატში, ის მოსწავლე დარჩება ამ ფორმატში.“

ეკატერინე დგებუაძემ აღნიშნა, რომ სკოლაში კოვიდ-19-ის იდენტიფიცირების შემთხვევაში, სკოლამ ადგილობრივი ჯანდაცვის ცენტრს უნდა მიმართოს:

„იმ შემთხვევაში, ​თუ სკოლაში ინფექციის იდენტიფიცირება მოხდება, სკოლა ვალდებულია მიმართოს ადგილობრივი ჯანდაცვის ცენტრს. სწორედ ცენტრის რეკომენდაციის საფუძველზე მიიღება გადაწყვეტილება, სკოლა გადავიდეს სრულად დისტანციურ სწავლებაზე, თუ კონკრეტული კლასი გადავა დისტანციური სწავლების ფორმატზე. რეკომენდაციაა, რომ თუ სკოლას დასჭირდა, შაბათი დღე გამოიყენოს სასწავლო დღედ. ამ შემთხვევაში ესეც დასაშვებია. მუნიციპალური ტრანსპორტი შეზღუდულია, შესაბამისად ჩვენი რეკომენდაცია იქნება, რომ შაბათის სასწავლო დღედ გამოყენების შემთხვევაში, დისტანციურ ფორმატში ჩაატარონ გაკვეთილები.“

„მნიშვნელოვანია, რომ როდესაც ბავშვები სკოლაში დაბრუნდებიან, მასწავლებელმა მოახდინოს მათი აკადემიური მიღწევების შეფასება საკლასო ოთახის დონეზე. უნდა მოხდეს მოსწავლის შეფასება, რადემნად ძლევს იმ მიზნებს, რომლებიც მასწავლებელს აქვს დასახული. თუ გამოწვევები არსებობს, სკოლა ვალდებულია მოსწავლისთვის შეიმუშავოს ინდივიდუალური გაკვეთილები. ამ შემთხვევაში ​მხარი უნდა დავუჭიროთ მოსწავლეს, დავეხმაროთ, რომ ის არ იყოს მოწყვეტილი სასწავლო პროცესისგან,“ - აღნიშნულ თემაზე ეკატერინე დგებუაძემ საქართველოს პირველი არხის გადაცემაში „ახალი დღე“ ისაუბრა.

წყარო:​ „ახალი დღე“

წაიკითხეთ სრულად