Baby Bag

„სითხე დედამ ბავშვს უნდა უანგარიშოს ასე: 40 მილილიტრი კილოგრამ წონაზე,“ - პედიატრი ქეთი ნემსაძე

„სითხე დედამ ბავშვს უნდა უანგარიშოს ასე: 40 მილილიტრი კილოგრამ წონაზე,“ - პედიატრი ქეთი ნემსაძე

​​პედიატრმა ქეთი ნემსაძემ მოზარდების ჯანმრთელობაზე ზრუნვისთვის მშობლებს საინტერესო რჩევები მისცა. მისი თქმით, ბავშვს წელიწადში ერთხელ სისხლის საერთო ანალიზი უნდა გაუკეთდეს:

„წელიწადში ერთხელ მოზარდ ბავშვს უნდა გაუკეთდეს სისხლის საერთო ანალიზი, შარდის საერთო ანალიზი, სასურველია C -რეაქტიული ცილა. ეს უნდა გაკეთდეს მიუხედავად ჩივილებისა. თუ ეს ყველაფერი ნორმაშია 37.5-მდე ტემპერატურის აწევა არ ითვლება პათოლოგიად. მნიშვნელობა აქვს ტემპერატურა იწვევს თუ არა რაიმე სიმპტომატიკას ბავშვში. მშობელმა ბავშვს მეტი სითხე უნდა მისცეს საღამოს და გაითვალისწინოს სწორ კვებასთან დაკავშირებული რჩევები.“

ქეთი ნემსაძის თქმით, მოზარდის კვებას ძალიან დიდი მნიშვნელობა აქვს:

„მოზარდის კვება არის ძალიან მნიშვნელოვანი. ბავშვმა უნდა მიიღოს ბევრი ესტროგენის შემცველი პროდუქტი. ეს ყველაფერი გათვალისწინებულია კვების პირამიდით, ​სადაც ბოლოში ადრე იყო პურეული, ახლა არის წყალი.“

„სითხე დედამ ბავშვს უნდა უანგარიშოს ასე: 40 მილილიტრი კილოგრამ წონაზე.​ ეს მან წყლის სახით უნდა დალიოს. არავითარ შემთხვევაში მოზარდებისთვის არ შეიძლება ენერგეტიკული სასმელი, რომელიც არის ხელოვნური კოფეინი, დიდი რაოდენობით შეიცავს შაქარს. მშობელმა უნდა გააკონტროლოს ბავშვის დღის რეჟიმი,“ - აღნიშნულ საკითხზე ქეთი ნემსაძემ საქართველოს პირველი არხის გადაცემაში „პირადი ექიმი - მარი მალაზონია“ ისაუბრა.

წყარო: ​„პირადი ექიმი - მარი მალაზონია“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ყველაფერი ჯანმრთელობაზე

„სწორად წყლის დალევის ფორმულა: თქვენი წონა გაყოფილი 9-ზე, იმდენი 250 გრამიანი ჭიქა დღეში,“...
​პედიატრმა რუსუდან ჯაშმა იმუნიტეტის გაძლიერების ყველაზე ეფექტიანი მეთოდების შესახებ ისაუბრა. მისი თქმით, წყლის დალევა, სწორი კვება და სწორი ძილი ამ მხრივ ყველაზე სასარგებლოა:„იმუნიტეტს ძირითადად აძლიე...

შეიძლება დაინტერესდეთ

კალციუმის დეფიციტის სიმპტომები და შედეგები

კალციუმის დეფიციტის სიმპტომები და შედეგები

მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. ამჯერად ენდოკრინოლოგი თინათინ კაჭარავა კალციუმის შესახებ მოგაწვდით კომპეტენტურ ინფორმაციას. რომელი საკვებია კალციუმით მდიდარი, დ ვიტამინის როლი კალციუმის ცვლის პროცესში, კალციუმის დეფიციტის სიმპტომები და შედეგები - სწორედ ამ საკითხებს შეიტყობთ დღევანდელი სტატიიდან.

კალციუმი არის საკვები ნივთიერება, რომელიც ყველა ცოცხალ ორგანიზმს სჭირდება. იგი არის მინერალი, რომელსაც სასიცოცხლო მნიშვნელობა აქვს ძვლების ჯანმრთელობისთვის და ასევე მონაწილეობს ორგანიზმისთვის ბევრ სხვა უმნიშვნელოვანეს პროცესში. 
კალციუმი აუცილებელია ტვინისა და სხეულის სხვა ნაწილებს შორის ჯანსაღი კომუნიკაციის შესანარჩუნებლად - ნერვული იმპულსების გადაცემა. ასევე მნიშვნელოვანია მისი როლი კუნთების მოძრაობაში, გულ-სისხლძარღვთა სისტემის ფუნქციონირებაში, სისხლის შედედების პროცესში. კალციუმის 99% ძვლებსა და კბილებშია მოთავსებული, 1% კი სისხლში ცირკულირებს
კალციუმის ცვლის პროცესზე ორგანიზმში პასუხისმგებელია ფარისბერი და ფარისებრახლო ჯირკვლები. ორგანიზმში კალციუმის რაოდენობის სათანადო დონეზე შესანარჩუნებლად სასურველია ვიკვებოთ კალციუმით მდიდარი საკვებით

ასეთი პროდუქტებია: 
  • რძის პროდუქტები
  • თევზი 
  • ხორცი
  • კვერცხი
  • მწვანე ბოსტნეული
  • თხილეული
  • მარცვლეული
  • ხილი. 

მინდა ხაზი გავუსვათ, რომ თუ ორგანიზმში არის დ ვიტამინის დეფიციტი, რომელიც პასუხისმგებელია ორგანიზმის მიერ კალციუმის ათვისებაზე, საკვებიდან მიღებული კალციუმის შეწოვა შეფერხებულია, ამიტომ მუდმივად ყურადღება უნდა მივაქციოთ და შევინარჩუნოთ დ ვიტამინის და კალციუმის ადეკვატური დონე ორგანიზმში (შემდგომ სტატიაში დ ვიტამინზე მოგაწვდით დეტალურ ინფორმაციას). 
განვიხილოთ, როგორია სიმპტომები კალციუმის დეფიციტის დროს. აქვე დავაფიქსიროთ, რომ თუ კალციუმის მცირედი დეფიციტი გვაქვს, შესაძლებელია, ჩივილი არც გამოვლინდეს. სისხლში კალციუმის გამოხატული დეფიციტის დროს კი ვლინდება ძვალსახსროვანი და ნერვული სისტემის ცვლილებები: ხდება კუნთების უნებლიე მტკივნეული შეკუმშვები, ხშირია კიდურების და სახის არეში დაბუჟების შეგრძნება, შესაძლოა, განვითარდეს კუნთების სპაზმი, მცირდება გულის წუთმოცულობა (გულის კუნთის კუმშვადობა, ასევე აღინიშნება ფსიქო-ემოციური სფეროს ცვლილებები (ემოციურობა, დეპრესიულობა). კალციუმის დეფიციტის ყველაზე გავრცელებული და ძირითადი ჩივილია ფრჩხილების მტვრევადობა, კანის სიმშრალე და თმის ცვენა, კარიესი, ოფლიანობა. კალციუმის დეფიციტის შედეგები ორგანიზმში შემდეგნაირია: ბავშვთა ასაკში - რაქიტი (ძვლების დეფორმაცია), მოზრდილთა ასაკში - ოსტეოპენია, ოსტეოპოროზი 
(ძვლის მინერალური სიმკვრივის დაქვეითება). გისურვებთ ჯანმრთელობას!
ენდოკრინოლოგ-ნუტრიციოლოგი თინათინ კაჭარავა

წაიკითხეთ სრულად