Baby Bag

„წელს ზამთარი გვექნება უფრო მსუბუქი, ვიდრე გვქონდა შარშან,“ - ალექსანდრე გოგინავას დამაიმედებელი პროგნოზი

„წელს ზამთარი გვექნება უფრო მსუბუქი, ვიდრე გვქონდა შარშან,“ - ალექსანდრე გოგინავას დამაიმედებელი პროგნოზი

ინფექციონისტმა ალექსანდრე გოგინავამ იმედი გამოთქვა, რომ წელს ეპიდემიოლოგიური თვალსაზრისით უფრო მსუბუქი ზამთარი გველის, ვიდრე შარშან გვქონდა:

​ჩემი აზრით, ზამთარი გვექნება უფრო მსუბუქი, ვიდრე გვქონდა შარშან. მოსახლეობის გარკვეული ნაწილი არის ვაქცინირებული, ნაწილმა უკვე გადაიტანა კორონავირუსული ინფექცია. აქ არის კიდევ ერთი კითხვის ნიშანი. შემოდგომაზე და ზამთარში აქტიურდებიან სხვა რესპირატორული ვირუსები, მათ შორის, გრიპის ვირუსი. თუ როგორი ზამთარი გვექნება ეპიდემიოლოგიური კუთხით, დაკავშირებულია გრიპის ვირუსთანაც.“

ალექსანდრე გოგინავას თქმით, ეპიდემიოლოგიური სიტუაციის გასაუმჯობესებლად მნიშვნელოვანია გრიპის ვაქცინის გაკეთებაც:

„იმედია, არ მოხდება გრიპის ეპიდსიტუაციის გაუარესება და არ მოხდება თანდართვა ამ ორი აგრესიული რესპირატორული ვირუსის. ამისთვისაც მნიშვნელოვანია, რომ ვაქცინაციაში ჩავერთოთ. მოგეხსენებათ, რომ ​არსებობს გრიპის საწინააღმდეგო საკმაოდ ეფექტიანი ვაქცინა. განსაკუთრები იმ ადამიანებს, რომლებიც რისკ-ჯგუფებს წარმოადგენენ, მოვუწოდებთ და ვთხოვ, რომ ჩაიტარონ ვაქცინაცია, დაიცვან რეკომენდაციები.“

„სამწუხაროდ, არსებობს განცდა, რომ პანდემია არასდროს დასრულდება. ნებისმიერ პანდემიას და ეპიდემიას აქვს დასასრული. ასე იქნება კოვიდ-19-ის შემთხვევაშიც. იმ ქვეყნებში, სადაც არის ვაქცინაციის მაღალი მაჩვენებელი, არის ბევრად ნაკლები რეგულაცია. ზოგიერთ ქვეყანაში თითქმის ყველა რეგულაცია მოხსნილია. რაც მთავარია, არის დაბალი სიკვდილიანობა და ​ჰოსპიტალიზაციის მაჩვენებელი ბევრად შემცირებულია. თეორიულად შეიძლება მაინც დაგვემართოს კორონავირუსი, მაგრამ 90 %-ში ვაქცინაციის შემთხვევაში ვირუსს გადავიტანთ მსუბუქად,“ - აღნიშნულ საკითხებზე ალექსანდრე გოგინავამ Euronews Georgia-ს ეთერში ისაუბრა.

წყარო:​ Euronews Georgia

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ყველაფერი ჯანმრთელობაზე

„ეს პრობლემა ყველაზე ხშირია ბავშვები, რადგან მათ წელიწადში 5-6-ჯერ ემართებათ ინფექციები,“...
​ინფექციონისტმა ალექსანდრე გოგინავამ ანტიბიოტიკების არარაციონალურად გამოყენების პრობლემაზე ისაუბრა და აღნიშნა, რომ საქართველოში ეს საკითხი აქტუალურია:„სამწუხაროდ, ეს პრობლემა ჩვენს ქვეყანაში საკმაოდ ს...

შეიძლება დაინტერესდეთ

,,მე ავიცერი და არ ვიცი, რა არის მასში ...არც ის ვიცი, რა არის იმ ვაქცინებში, ბავშვობაში რომ გამიკეთებია, ან რა არის ,,ბიგ მაკში", ,,ჰოთ დოგში" ან სხვა სამკურნალო საშუალებებში''

,,მე ავიცერი და არ ვიცი, რა არის მასში ...არც ის ვიცი, რა არის იმ ვაქცინებში, ბავშვობაში რომ გამიკეთებია, ან რა არის ,,ბიგ მაკში", ,,ჰოთ დოგში" ან სხვა სამკურნალო საშუალებებში''
პროფესორი გიორგი ფხაკაძე სოციალურ ქსელში ვაქცინაციის შესახებ პოსტს აქვეყნებს, რომელსაც  ​MomsEdu.ge უცვლელად გთავაზობთ: 

,,მე ავიცერი და არ ვიცი, რა არის მასში ...არც ის ვიცი, რა არის იმ ვაქცინებში, ბავშვობაში რომ გამიკეთებია, ან რა არის "ბიგ მაკში", "ჰოთ დოგში", ან სხვა სამკურნალო საშუალებებში - იქნება ეს კიბოს წამალი , შიდსის თუ პოლიართრიტის საწინააღმდეგო, ან ჩვილებისა და ბავშვების ვაქცინები. მე ვენდობი ჩემს ექიმს, როდესაც ის ამბობს, რომ ეს საჭიროა.

მე ასევე არ ვიცი, რა არის იბუპროფენში, ტილენოლში ან სხვა სამკურნალო საშუალებებში, ის მხოლოდ კურნავს ჩემს თავის ტკივილს და სხვა ტკივილებს ...

ასევე არ ვიცი, რა არის ტატუების მელანში, საპონში, შამპუნსა თუ დეზოდორანტებში.მე არ ვიცი მობილური ტელეფონის გამოყენების გრძელვადიანი ეფექტი... ან ის რესტორანი, რომელშიც მე ვჭამდი, ნამდვილად იყენებდა თუ არა სუფთა საჭმელს და იბანდნენ კი ხელებს?

Მოკლედ ...

აქ ბევრი რამ არის, რაც მე არ ვიცი...

მე მხოლოდ ერთი რამ ვიცი: ცხოვრება ხანმოკლეა, ძალიან ხანმოკლე და მე მსურს სხვა რამე, ვიდრე, უბრალოდ, სამსახურში ყოველდღე სიარული, ან სახლში ჩაკეტილი ყოფნაა. მე მინდა, ვიმოგზაურო და ხალხს შიშით კი არ ჩავეხუტო,არამედ ვიპოვო ცხოვრების პატარა გრძნობა ,,ადრე".

ბავშვობაში და ზრდასრულ ასაკში ავიცერი ყბაყურას, წითელას, წითურას, პოლიომელიტის, დიფტერიის, ტეტანუსის, გრიპის, ყივანახველას და სხვა ვაქცინებით; მე და ჩემი მშობლები ვენდობოდით მეცნიერებას და არასოდეს ვიყავით რაიმე დაავადების გადამტანი ან გადამცემი....

მე ვაქცინირებული ვარ არა მთავრობის მოსაწონებლად, არამედ:

* რომ არ მოვკვდე Covid-19– ისგან.

* რომ არ მოვხვდე საავადმყოფოში, თუ ავად გავხდები...

* ჩავეხუტო ჩემს ახლობლებს...

* იმისთვის, რომ არ მომიწიოს PCR ან ანტიგენ ტესტების გაკეთება საცეკვაოდ გასასვლელად, რესტორანში წასასვლელად, დასასვენებლად წასასვლელად და კიდევ ბევრი სხვა რამისთვის ...

* ვიცხოვრო ჩემი ცხოვრებით...

* რომ ბავშვები დაბრუნდნენ სკოლაში და ითამაშონ სპორტი...

* იმისთვის, რომ Covid-19 იყოს ძველი მეხსიერება...

* ჩვენს დასაცავად...

* თქვენს დასაცავად !!!!!!'' - აღნიშნა გიორგი ფხაკაძემ. 


წაიკითხეთ სრულად