Baby Bag

„ის, რომ გაიკეთოთ ფაიზერის ორი დოზა და ყველაფერი კარგად იქნება, ეს ტყუილია,“- გიორგი ფხაკაძე

„ის, რომ გაიკეთოთ ფაიზერის ორი დოზა და ყველაფერი კარგად იქნება, ეს ტყუილია,“- გიორგი ფხაკაძე

პროფესორმა გიორგი ფხაკაძემ იმ გამოწვევების შესახებ ისაუბრა, რომლის წინაშეც დელტა შტამმა დაგვაყენა. მისი თქმით, დელტა შტამის გამო კოვიდგადატანილთა ვაქცინაციის პროცესშიც გარკვეული ცვლილებები შეიტანეს:

„დელტა ვარიანტმა ისე შეცვალა ყველაფერი. როდესაც იყო ვუჰანური შტამი, მაშინ იყო საუბარი, რომ ვ​ირუსის გადატანიდან ხუთი თვის მერე გაიკეთებდით ერთ დოზა ფაიზერს და ეს იყო საკმარისი. სამწუხაროდ, მერე წამოვიდა ალფა ვარიანტი ბრიტანეთიდან, რომელიც 40-ჯერ უფრო ვერაგია, ვიდრე ვუჰანური შტამი. დელტა, რომელიც ყველგან არის მსოფლიოში და საქართველოში 100 %-ია, არის 60-ჯერ უფრო ვერაგი, ვიდრე ბრიტანული შტამი. წარმოგიდგენიათ, ახლა რასთან გვაქვს საქმე?!“

გიორგი ფხაკაძის თქმით, ვაქცინა ადამიანის სრულ დაცულობას არ უზრუნველყოფს, მაგრამ სიცოცხლის შენარჩუნებაში გვეხმარება:

„ვაქცინა არ ნიშნავს, რომ ადამიანი დაცულია. ესეც კარგად უნდა გახსოვდეთ. ​ვაქცინა არ დაგიცავთ 100 %-ით, რომ ვირუსი არ დაგემართებათ, მაგრამ დაგეხმარებათ, რომ რეანიმაციაში არ მოხვდეთ, დაგეხმარებათ, რომ სიცოცხლე შეინარჩუნოთ. ეს, რაც მართალია, მართალია. ის, რომ გაიკეთოთ ფაიზერის ორი დოზა და ყველაფერი კარგად იქნება, ეს ტყუილია. ფაიზერი არ არის უკვდავების ელექსირი.“

„ფაიზერი გეხმარებათ, მაგრამ ეს არ ნიშნავს, რომ 100 %-ით იქნებით დაცული. აცრის შემდეგაც უნდა გამოიყენოთ სამედიცინო პირბადე, სადაც არის საჭირო. ვინც გადაიტანა კოვიდი, იმან უკვე იცის, რა ვერაგია ეს ვირუსი. ვირუსის გადატანის შემდეგ დაინფიცირება შეიძლება იყოს 100-დან 30 ან 100-დან 1. ეს ბევრ რამეზეა დამოკიდებული, მაგ. რა რაოდენობის ვირუსი იყო ჰაერში, თუ თქვენ ერთ ოთახში ხართ ინფიცირებულთან ერთად, ყოველ 15 წუთში დახურულ ოთახში იზრდება დაინფიცირების რისკი. თუ თქვენ პირბადით ხართ, მაგრამ არ ნიავდება ოთახი, რისკი იზრდება ყოველ 15 წუთში. სწორედ ამიტომ, სკოლებშიც ყოველ 15 წუთში ოთახები უნდა განიავდეს. პირბადეშიც უნდა ვიყოთ და განიავებაც საჭიროა. ​თუ გექნებათ ვაქცინა, იქნებით პირბადეში და ოთახს გაანიავებთ, აქ უკვე 99 % ხართ დაცული,“ - აღნიშნა გიორგი ფხაკაძემ.

​წყარო

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

,,საქართველოში შემოტანილი ,,ფაიზერის” ვაქცინა არის...''
პროფესორი გიორგი ფხაკაძე ,,ფაიზერის'' ვაქცინის შესახებ სოციალურ ქსელში წერს: ,,ფაიზერის" კოვიდვაქცინის შენახვის ვადა დღესდღეობით არის 10 თვე.  საქართველოში შემოტანილი “ფაიზერის” ვაქცინა არის:...

შეიძლება დაინტერესდეთ

როგორია 2020 წელს ბაღებისა და სკოლების შემოწმების შედეგები? - სურსათის ეროვნული სააგენტო

როგორია 2020 წელს ბაღებისა და სკოლების შემოწმების შედეგები? - სურსათის ეროვნული სააგენტო

სურსათის ეროვნული სააგენტო სკოლამდელი აღზრდის დაწესებულებებისა და სკოლების კვების ბლოკების კონტროლს განაგრძობს. შემოწმების პროცესი მთელი ქვეყნის მასშტაბით მიმდინარეობს, მოწმდება როგორც საჯარო, ასევე კერძო ობიექტები.

2020 წელს საბავშვო ბაღების კვების ბლოკებში უკვე განხორციელდა 800-მდე, ხოლო სკოლების კვების ბლოკებში ჩატარებულია 70-მდე სახელმწიფო კონტროლი. შემოწმების შედეგად 24 სხვადასხვა დარღვევა აღინიშნა, თუმცა, არცერთი კრიტიკული შეუსაბამობა არ გამოვლენილა. სააგენტოს ინსპექტორებმა გაატარეს კანონით გათვალისწინებული ღონისძიებები და ბიზნესოპერატორებს მისცეს შესაბამისი რეკომენდაციები.

სურსათის ეროვნული სააგენტოს უფროსის მოადგილის, ვასილ ბასილაძის, განცხადებით, სკოლამდელი და სასკოლო დაწესებულებების კვების ბლოკების შემოწმება სააგენტოს პრიორიტეტია და ინსპექტირებების ინტენსივობა მიმდინარე წელს კიდევ გაიზრდება. „აღსანიშნავია, რომ სააგენტოს მიერ გაზრდილი კონტროლის და გაცემული რეკომენდაციების შედეგად, როგორც დედაქალაქში, ასევე რეგიონებში ვითარება ყოველწლიურად უმჯობესდება, რაც შესაბამის სახელმწიფო უწყებებთან კოორდინირებული მუშაობის შედეგია“ - აღნიშნა ვასილ ბასილაძემ.

შემოწმებისას ყურადღება ექცევა: კვების ბლოკების სანიტარიულ-ჰიგიენურ ნორმებს, რეცხვა/დეზინფიცირებას, მოწყობილობების, აღჭურვილობისა და ინვენტარის (ინფრასტრუქტურის) მდგომარეობას, სურსათის დამუშავებისა და შენახვის ტემპერატურულ რეჟიმებს, ეტიკეტირებას, სასმელი წყლის ტექნიკურ რეგლამენტთან შესაბამისობას.

წაიკითხეთ სრულად