Baby Bag

„კოვიდგადატანილ პაციენტებს გაცილებით მაღალი რისკი აქვთ ინსულტის განვითარების, ვიდრე მათ, ვისაც დაავადება არ გადაუტანია,“ - ნევროლოგი ალექსანდრე ცისკარიძე

„კოვიდგადატანილ პაციენტებს გაცილებით მაღალი რისკი აქვთ ინსულტის განვითარების, ვიდრე მათ, ვისაც დაავადება არ გადაუტანია,“ - ნევროლოგი ალექსანდრე ცისკარიძე

ნევროლოგმა ალექსანდრე ცისკარიძემ პოსტ-კოვიდურ ეტაპზე განვითარებული ყველაზე საშიში გართულებები დაასახელა, რომელიც სიცოცხლისთვის საფრთხის შემცველია:

„არის საშიში, სახიფათო გართულებები, რომელიც, შესაძლოა, იყოს​ პოსტ-კოვიდურ პერიოდში, ასევე მწვავე კოვიდის დროს. კორონავირუსული ინფექცია ზრდის თრომბების წარმოქმნის რისკს. შესაძლებელია, რომ ამ თრომბების წარმოქმნის რისკის ფონზე პაციენტს განუვითარდეს იშემიური ინსულტი, რაც ერთ-ერთი ყველაზე სახიფათო გართულებაა კოვიდ-19-ის. კოვიდგადატანილ პაციენტებს გაცილებით უფრო მაღალი რისკი აქვთ ინსულტის განვითარების, ვიდრე მათ, ვისაც დაავადება არ გადაუტანია. კოვიდგადატანილ პაციენტებს უფრო მეტი რისკი აქვთ იშემიური ინსულტის განვითარების, ვიდრე სხვა რესპირატორულ ვირუს გადატანილ ადამიანებს.“

ალექსანდრე ცისკარიძის თქმით, გართულებების გამოვლენის მაღალი რისკი აქვთ იმ ადამიანებსაც, ვინც კოვიდი მარტივად გადაიტანა:

​იმ პაციენტებში, ვინც ძალიან მშვიდობიანად გადაიტანა ინფექცია საკუთარ სახლში, ისე, რომ ჰოსპიტალში გადაყვანა არ დასჭირდა, მათ მაინც მაღალი რისკი აქვთ ასეთი გართულებების გამოვლენის. ეს უკვე შესწავლილი ფაქტია. კოვიდ-19 იწვევს ძალიან აგრესიულ იმუნურ პასუხს, რომელიც თავადვეა ძალიან ბევრი პრობლემის მიზეზი. ერთ-ერთი შედეგი ამისა, შესაძლოა, იყოს: ენცეფალოპათია, ენცეფალიტი, მიელიტი.“

ალექსანდრე ცისკარიძემ ის დაავადებები დაასახელა, რომელთა ქონის შემთხვევაში აცრა აუცილებელია:

„ჩვენ ხშირად გაგვიგონია, რომ პაციენტი დამძიმდა თანმხლები დაავადებების არსებობის გამო. ქრონიკული დაავადებების მქონე პაციენტებს გაცილებით მაღალი რისკი აქვთ ჰოსპიტალში მოხვედრის და სამწუხაროდ, სიკვდილობისაც. აცრა აუცილებელია შემდეგი პაციენტებისთვის: ინსულტგადატანილი ადამიანებისთვის, მათთვის, ვისაც ცერებრული ვენური თრომბოზი აქვს გადატანილი, დემენციის, პარკინსონის დაავადებების ან მსგავსი დაავადებების მქონე ადამიანებისთვის.“

„კოვიდის დროს კიდურების დაბუჟების შეგრძნება ხშირი ჩივილია. ​უხშირეს შემთხვევაში ეს გახლავთ ფუნქციური ჩივილი, რომელიც სტრესით არის გამოწვეული. ამას მარტივად ხსნის დამამშვიდებელი საშუალების მიღება. ექიმს უნდა მივმართოთ მაშინ, თუ ეს ჩივილი გაგრძელდა, ამ სიმპტომებმა არ გაიარა და პირიქით, პროგრესირება განიცადა,“- აღნიშნულ საკითხებზე ალექსანდრე ცისკარიძემ ტელეკომპანია „რუსთავი 2“- ის გადაცემაში „სხვა შუადღე“ ისაუბრა.

წყარო: ​„სხვა შუადღე“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„პოსტ-კოვიდურ პერიოდში ყველაზე ხშირი სიმპტომი და ჩივილი არის ქოშინი, რომელიც არ არის ყოველ...
​​პულმონოლოგი დავით ჭყონია კოვიდ-19-ით გამოწვეულ ჯანმრთელობის პრობლემებზე საუბრობს. მისი თქმით, პოსტ-კოვიდურ ეტაპზე გამოჯანმრთელებულ ადამიანებს გარკვეული სიმპტომები რამდენიმე თვის განმავლობაში აწ...

შეიძლება დაინტერესდეთ

თუ ამ სიმპტომებიდან რომელიმე გაწუხებთ... - COVID-19 -ის გახანგრძლივებული სიმპტომები

თუ ამ სიმპტომებიდან რომელიმე გაწუხებთ... - COVID-19 -ის გახანგრძლივებული სიმპტომები

COVID-19-ის გახანგრძლივებულ სიმპტომებზე ექიმი რეზიდენტი ნანა სხილაძე წერს:

,,COVID-19 სიმპტომები ზოგჯერ შეიძლება გაგრძელდეს თვეების განმავლობაში. ვირუსმა შეიძლება დააზიანოს ფილტვები, გული და ტვინი, რაც ზრდის ჯანმრთელობის გრძელვადიანი პრობლემების რისკს. ადამიანების უმეტესობა, რომლებსაც აქვთ კორონავირუსის დაავადება 2019 (COVID-19), სრულად აღდგება მათი ჯანმრთელობის მდგომარეობა რამდენიმე კვირის განმავლობაში. მაგრამ ზოგიერთ ადამიანს - მაშინაც კი, ვისაც დაავადების მსუბუქი მიმდინარეობა ჰქონდა - უგრძელდება სიმპტომების გამოვლენა თავდაპირველი გამოჯანმრთელების შემდეგ.

ყველაზე ხშირი გახანგრძლივებული სიმპტომებია:

  • კუნთების ტკივილი ან თავის ტკივილი
  • გულისცემა სწრაფი ან გამალებით
  • ​სუნი ან გემოვნების დაკარგვა
  • მეხსიერების, კონცენტრაციის ან ძილის პრობლემები
  • გამონაყარი ან თმის ცვენა
მიუხედავად იმისა, რომ COVID-19 განიხილება, როგორც დაავადება, რომელიც უპირველეს ყოვლისა აზიანებს ფილტვებს, მას შეუძლია დააზიანოს მრავალი სხვა ორგანოც. ამ ორგანოს დაზიანებამ შეიძლება გაზარდოს ჯანმრთელობის გრძელვადიანი პრობლემების რისკი.

ორგანოები, რომლებზეც შეიძლება იმოქმედოს COVID-19, მოიცავს:

გული. COVID-19– დან გამოჯანმრთელებით თვეების შემდეგ ჩატარებულმა გამოსახულების ტესტებმა აჩვენა გულის კუნთის ხანგრძლივი დაზიანება, იმ ადამიანებშიც კი, რომელიც -19 მხოლოდ მსუბუქი სიმპტომები ჰქონდათ. ამან შეიძლება მომავალში გაზარდოს გულის უკმარისობის ან გულის სხვა გართულებების რისკი.

ფილტვები. პნევმონიის ტიპმა, რომელიც ხშირად ასოცირდება COVID-19- ს, შეიძლება გამოიწვიოს ფილტვებში არსებული პატარა საჰაერო ტომრების (ალვეოლების) ხანგრძლივი დაზიანება. შედეგად მიღებული ნაწიბურების ქსოვილმა შეიძლება გამოიწვიოს სუნთქვის პრობლემები.

ახალგაზრდებში, COVID-19- მა შეიძლება გამოიწვიოს ინსულტი, კრუნჩხვები და გიილენ-ბარის სინდრომი - მდგომარეობა, რომელიც იწვევს დროებით პარალიზებას. COVID-19- მა შეიძლება გაზარდოს პარკინსონის დაავადების და ალცჰეიმერის დაავადების განვითარების რისკი.


COVID-19- მა შეიძლება, გამოიწვიოს სისხლის უჯრედების დაგროვება და თრომბების წარმოქმნა.

სხეულის სხვა ნაწილებში, რომლებშიც შეიძლება მოხდეს თრომბის წარმოქმნა არის ფილტვები, ფეხები, ღვიძლი და თირკმელები.

პრობლემები განწყობასთან და დაღლილობასთან

ადამიანები, რომლებსაც აქვთ COVID-19 მწვავე სიმპტომები, უმეტესად ხვდებიან საავადმყოფოს რეანიმაციულ განყოფილებაში, ფილტვების მექანიკური ვენტილაციის დახმარებით. შეიძლება ადამიანს უფრო მეტად განუვითაროს პოსტტრავმული სტრესის სინდრომი, დეპრესია და შფოთვა.

იმის გამო, რომ რთულია ახალი COVID-19 ვირუსის გრძელვადიანი შედეგების პროგნოზირება, მეცნიერები სწავლობენ გრძელვადიან ეფექტებს დაკავშირებული ვირუსებით.

ბევრმა ადამიანმა, ვინც SARS–ით გამოჯანმრთელდა, განუვითარდა ქრონიკული დაღლილობის სინდრომი, კომპლექსური აშლილობა, რომელსაც ახასიათებს უკიდურესი დაღლილობა, რომელიც ფიზიკური ან გონებრივი აქტივობით უარესდება, მაგრამ დასვენების დროს არ უმჯობესდება. იგივე შეიძლება ითქვას იმ ადამიანებისთვისაც, რომლებსაც აქვთ COVID-19.

ჯერ კიდევ ბევრია უცნობი, თუ როგორ იმოქმედებს COVID-19 ადამიანებზე დროთა განმავლობაში. ამასთან, მკვლევარები რეკომენდაციას უწევენ ექიმებს, რომ ყურადღებით დააკვირდნენ იმ ადამიანებს, ვისაც ჰქონდათ COVID-19, თუ როგორ მუშაობენ მათი ორგანოები გამოჯანმრთელების შემდეგ,'' - აღნიშნავს ექიმი. 

წაიკითხეთ სრულად