Baby Bag

„მომდევნო ორი კვირის განმავლობაში გარდაცვალების შემთხვევები, სამწუხაროდ, მაღალი იქნება,“ - ივანე ჩხაიძე

„მომდევნო ორი კვირის განმავლობაში გარდაცვალების შემთხვევები, სამწუხაროდ, მაღალი იქნება,“ - ივანე ჩხაიძე

პედიატრმა ივანე ჩხაიძემ იმ მოლოდინების შესახებ ისაუბრა, რომელიც ექიმებს პანდემიის მიმდინარეობასთან და ახალი ტალღის დაწყებასთან დაკავშირებით აქვთ:

​მეხუთე ტალღის სიმძიმის განმსაზღვრელი იქნება, თუ რა გამოიწვევს შემთხვევების მატებას. ყველაზე დიდი რისკი არის, როდესაც შემთხვევების მატება უკავშირდება ახალ ვარიანტს. კორონავირუსის ახალი ისეთი ვარიანტი, რომელსაც შეუძლია სერიოზული ცვლილებების გამოწვევა და შემთხვევების მკვეთრი მატება, დღეისთვის არ არის. ალფა და დელტა ვარიანტი არის კოვიდ-19-ის ყველაზე სერიოზული და სახიფათო ვარიანტები. ჩვენ მათი შედეგები უკვე ვიწვნიეთ. თუ ახალი მუტაცია გამოჩნდება, რომელსაც ისეთივე თვისებები ექნება გადაცემისა და ლეტალობის, როგორიც დელტა ვარიანტს, შესაძლებელია, ამან გამოიწვიოს შემთხვევების მატების ახალი ტალღა.“

ივანე ჩხაიძის თქმით, „მიუ“ მუტაცია არ მიეკუთვნება იმ მუტაციებს, რომელთაც ეპიდაფეთქებების გამოწვევა შეუძლიათ:

„ის მუტაცია, რომლის შესახებ ბოლო პერიოდის განმავლობაში აქტიურად საუბრობენ, ე.წ. „მიუ“ მუტაცია, რომელიც ჩვენს მეზობელ თურქეთშიც არის, არ მიეკუთვნება იმ მუტაციებს, რომელსაც შეუძლია შემთხვევების მატების, ეპიდაფეთქებების გამოწვევა. ​ჯანმო მას განიხილავს, როგორც ინტერესის ვარიანტს. დღეისთვის ის 50 ქვეყანაშია აღნიშნული. მნიშვნელოვანია, რომ ამ ქვეყნების აბსოლუტურ უმრავლესობაში მისი ერთეული შემთხვევები ფიქსირდება.“

„თუ ჩვენ ველოდებით მეხუთე ტალღას, ეს უკავშირდება სეზონურ მატებას შემთხვევების, რომელიც უკავშირდება საქართველოში პერიოდს ოქტომბრიდან მარტამდე. ამ პერიოდში ჩვენ გვაქვს სეზონური ვირუსების მატება. მათ შორის, შესაძლებელია იყოს ​კორონავირუსებით გამოწვეული შემთხვევების მატება. მეოთხე ტალღის პიკი ქვეყანაში იყო აგვისტოს 17-დან 24 რიცხვამდე. გარდაცვალების პიკი ინფიცირების პიკიდან 4-6 კვირის შემდეგ აღინიშნება. ახლანდელი კვირა და მომდევნო კვირა იქნება ამ მხრივ ძალიან მნიშვნელოვანი. მომდევნო ორი კვირის განმავლობაში გარდაცვალების შემთხვევები, სამწუხაროდ, მაღალი იქნება. ოქტომბრიდან დაწყებული იქნება გარდაცვალების მინიმალური რაოდენობა. ამავე პერიოდში ველოდებით ინფიცირების შემთხვევების კლებასაც,” - აღნიშნულ საკითხებზე ივანე ჩხაიძემ Euronews Georgia - ს ეთერში ისაუბრა.

წყარო:​ Euronews Georgia 

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„დელტა შტამის დროს უცებ ხდება დამძიმება და სიმპტომების მკვეთრი გაშლა,“ - თერაპევტი ხათუნა...
​თერაპევტმა ხათუნა ნუცუბიძემ დელტა შტამის თავისებურებების შესახებ ისაუბრა და აღნიშნა, რომ სხვა შტამებისგან განსხვავებით მას მოულოდნელი და სწრაფი დამძიმება ახასიათებს:„​ადრე დაავადება იწყებოდა მარტივი...

შეიძლება დაინტერესდეთ

პაატა იმნაძის ორსული შვილი „ფაიზერის“ ვაქცინით აიცრა

პაატა იმნაძის ორსული შვილი „ფაიზერის“ ვაქცინით აიცრა

დაავადებათა კონტროლის ეროვნული ცენტრის დირექტორის მოადგილის, პაატა იმნაძის ორსული შვილი „ფაიზერის“ ვაქცინით აიცრა. 

როგორც იმნაძემ აღნიშნა, ოჯახში ერთერთი მის ქალიშვილს არ ჰქონდა ვაქცინა გაკეთებილი, რადგან ამ ეტაპზე ორსულებში მხოლოდ ფაიზერით ვაქცინაციაა დაშვებული:

„ოჯახში ჩემი ქალიშვილი ერთადერთი იყო, რომელსაც ვაქცინა არ ჰქონდა გაკეთებული, რომელიც არის ფეხმძიმედ და ამიტომ ელოდებოდა იმ ვაქცინას,  რომელზეც არის დაშვებული ორსულებისთვის. ბედნიერი ვარ, რადგან ოჯახის ყველა წევრი აცრილი მყავს და ვიცი, რომ ამ დაავადების საწინააღმდეგოდ სხვას ვერაფერს ვიზამთ გარდა იმისა, რომ ყველანი ვიყოთ აცრილები, რათა ჩვენი და ჩვენი ახლობლების სიცოცხლე იყოს დაცული. ვიცი, რომ ორსულებში საკმაოდ აქტიურად დაიწყო აცრა. აცრამდე მომზადება და გამოკვლევა საჭირო არაა, მთავარია, აცრის შემდეგ მოქალაქე დარჩეს ასაცრელ სივრცეში, თუ განვითარდება რამე გართულება, უახლოეს წუთებში დროულად მოხდეს ჩართვა. ყველას გვეშინია ანაფილაქსიური შოკის, მაგრამ ნახევარ მილიონ აცრილებში გვაქვს ოთხი ანაფილაქსიური შემთხვევა“, - დასძინა პაატა იმნაძემ.

წყარო: ​1TV.GE

წაიკითხეთ სრულად