Baby Bag

„ექვს თვეზე მეტი ასაკის ბავშვი ღამის თორმეტიდან დილის 6-8 საათამდე არ უნდა იკვებებოდეს,“ - პედიატრი ივანე ჩხაიძე

„ექვს თვეზე მეტი ასაკის ბავშვი ღამის თორმეტიდან დილის 6-8 საათამდე არ უნდა იკვებებოდეს,“ - პედიატრი ივანე ჩხაიძე

პედიატრმა ივანე ჩხაიძემ წლამდე ასაკის ბავშვებში ჭარბწონიანობის პრობლემაზე ისაუბრა. მან აღნიშნა, რომ ხელოვნურ კვებაზე მყოფი ბავშვის რაციონის კონტროლი მნიშვნელოვანია:

„დედის რძის შემადგენლობის განსაზღვრა იყო ძალიან მოდაში. ეს დავივიწყეთ 20 წელზე მეტია. ​არცერთი დედის რძე ბავშვისთვის არ არის არასასურველი, არ არის მავნე. წლამდე ასაკის ბავშვი თუ ხელოვნურ კვებაზეა, უნდა იყოს განსაზღვრული ამ ხელოვნურ საკვებში რამდენია მოცულობა რძის. თუ ბავშვი დამატებით კვებას იღებს, უნდა განისაზღვროს რა არის კვების ძირითადი შემადგენელი: ბოსტნეულის პიურე თუ ფაფა? თუ ბავშვი დღეში 2-3-ჯერ იღებს ფაფებს და ჭარბი წონა აქვს, ეს ის წონაა, რომელსაც დედა უწყობს ხელს კვებით.“

ივანე ჩხაიძის თქმით, წლამდე ასაკში კვების ფიქსირებული რაოდენობა აუცილებელია:

„კვების ამოგდება არ შეიძლება. ​წლამდე ასაკში ჩვენ ფიქსირებული გვაქვს კვების რაოდენობა. იქ რაოდენობას ვერ ამოიღებ. ექვს თვემდე ბავშვმა საშუალოდ თვეში 800 გრამამდე უნდა მოიმატოს. 6 თვიდან 12 თვემდე ტემპი იკლებს და საშუალოდ 400 გრამია მატება თვეში. ერთი წლის შემდეგ ბავშვმა ყოველ წელს საშუალოდ უნდა მოიმატოს ორი კილოგრამი. წლამდე ასაკში ბავშვმა დღეში უნდა მიიღოს 1 ლიტრი საკვები.“

„ღამით კვება გასუქებისთვის სახიფათოა იმ შემთხვევაში თუ ბავშვს ხელოვნურ საკვებს აძლევთ, აძლევთ ფაფას ან მაწონს ღამით. თუ ძუძუთი კვებაზეა საუბარი, ეს სახიფათო არაა. ღამე არის პაუზის აუცილებლობა. ექვს თვეზე მეტი ასაკის ბავშვი ღამის თორმეტიდან დილის 6-8 საათამდე არ უნდა იკვებებოდეს. ამ პერიოდში უნდა იყოს პაუზა,“ - აღნიშნულ საკითხებზე ივანე ჩხაიძემ ტელეკომპანია „რუსთავი 2“-ის გადაცემაში „სხვა შუადღე“ ისაუბრა.

წყარო: ​„სხვა შუადღე“

qs-არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა-qe-

„აუცილებლად მიმაჩნია, რომ კვებებს შორის შუალედი დაცული იყოს,“ - პედიატრი ნინო თოთაძე
​​პედიატრმა ნინო თოთაძემ ბავშვის კვებისას რეჟიმის დაცვის მნიშვნელობაზე ისაუბრა და აღნიშნა, რომ კვებებს შორის შუალედის დაცვა მნიშვნელოვანია:„მას შემდეგ, რაც გადავდივართ დამატებით კვებაზე, საჭიროა...

შეიძლება დაინტერესდეთ

ორსულობის დროს მხედველობის პრობლემები ხშირია და ძირითადად მშობიარობის შემდგომ პერიოდში აღდგება, თუმცა გარკვეულ შემთხვევაში შეიძლება მიუთითებდეს სხვა ორგანოს დაავადებასაც

ორსულობის დროს მხედველობის პრობლემები ხშირია და ძირითადად მშობიარობის შემდგომ პერიოდში აღდგება, თუმცა გარკვეულ შემთხვევაში შეიძლება მიუთითებდეს სხვა ორგანოს დაავადებასაც

ექიმი-ოფთალმოლოგი ზურა ღლონტი ორსულობის დროს მხედველობის პრობლემების შესახებ საუბრობს. 

ქალის ცხოვრების ერთ-ერთი ყველაზე მნიშვნელოვანი პერიოდი არის ორსულობა და მშობიარობა. ამ დროს ორგანიზმში მიმდინარეობს ჰორმონალური ცვლილებები, რამაც შეიძლება გავლენა იქონიოს თვალსა და მხედველობაზე. ორსულობის დროს მხედველობის პრობლემები ხშირია და ძირითადად მშობიარობის შემდგომ პერიოდში აღდგება, თუმცა გარკვეულ შემთხვევაში შეიძლება მიუთითებდეს სხვა ორგანოს დაავადებასაც. აქედან გამომდინარე, ორსულობის პერიოდში ოფთალმოლოგიური გამოკვლევა არის ძალიან მნიშვნელოვანი. აქვე უნდა აღვნიშნოთ, რომ ის პრეპარატები, რომლებიც გამოიყენება გუგის გასაფართოებლად (ატროპინი ან ტროპიკამიდი) არ წარმოადგენს საფრთხეს ორსულისთვისა და ნაყოფისთვის.

სავარაუდო ცვლილებები, რომლებიც შეიძლება გამოვლინდეს ორსულობის დროს:

1. რქოვანა - თვალის გარეთა გამჭვირვალე ნაწილი. ჰორმონალურმა ცვლილებებმა შეიძლება გამოიწვიოს რქოვანა გარსის გარდამტეხი ძალის ცვლილება ან მისი შეშუპება. ასევე ხშირია მშრალი თვალის სინდრომი. ამ დროს ორსული პაციენტები უჩივიან მხედველობის დაქვეითებას და დისკომფორტის შეგრძნებას თვალის არეში. ამ დროს არ არის რეკომენდებული კონტაქტური ლინზის ხმარება. დამატენიანებელი წვეთები უნდა შეირჩეს ოფთალმოლოგის მიერ.

2. მხედველობის დაქვეითება - შეიძლება უფრო სერიოზულ დაავადებას მიუთითებდეს, როგორიცაა მაგ: ცენტრალური სეროზული რეტინოპათია, პრე-ეკლამფსიით ან ეკლამფსიით გამოწვეული რეტინოპათია, მაკულის შეშუპება და მწვავე იშემიური ოპტიკური ნევრიტი. ამიტომ ყველა ორსული აუცილებლად უნდა იყოს გამოკლვეული ოფთალმოლოგის მიერ.

3. საშუალო და მაღალი ხარისხის მიოპია / ახლომხედველობა - ხშირად მიოპი ორსულების სურვილია მშობიარობა ჩატარდეს საკეისრო კვეთით იმის შიშით, რომ არ მოხდეს ბადურა გარსის ჩამოცლა და მხედველობის დაქვეითება. ბადურის პერიფერია უნდა დათვალიერდეს ოფთალმოლოგის მიერ. ნახეთქის, გათხელების ან დეგენერაციული უბნის არსებობის შემთხვევაში რეკომენდებულია ლაზერით გამაგრება მშობიარობამდე. ეს პროცედურაც აბსოლიტურად უსაფრთხოა პაციენტისა და ნაყოფისთვის. წარმატებულად ჩატარებული პროცედურის შემდეგ ორსულს შეუძლია ბუნებრივად იმშობიაროს. განსაკუთრებულ ყურადღებას და ოფთალმოლოგის მეთვალყურეობის ქვეშ ყოფნას საჭიროებენ ორსული პაციენტები, ვისაც აქვს დიაბეტი, ჰიპერტენზია, გლაუკომა ან ჰიპოფიზის ადენომა.

რჩევები თვალის წვეთებთან დაკავშირებით:

ანტი გლაუკომური წვეთები, განსაკუთრებით ბეტა ბლოკატორები მაქსიმალურად მცირე დოზით უნდა დაინიშნოს პირველი ტრიმესტრის განმავლობაში, ხოლო მშობიარობამდე 2-3 დღით ადრე სრულად უნდა მოიხსნას. 

ადგილობრივი და სისტემური კარბონული ანჰიდრაზას ინჰიბიტორები კი ორსულობისას და ლაქტაციის პერიოდში არ არის რეკომენდებული. პრეპარატები, რომელიც გამოიყენება ოფთალმოლოგიური გამოკვლევის დროს (მაგ: ატროპინი, ტროპიკამიდი, ტეტრაკაინი) ორსულობის და ლაქტაციის პერიოდში უსაფრთხოა და არ არის უკუნაჩვენები.

არ არის რეკომენდებული სტეროიდისა და ანტიბიოტიკის შემცვლელი თვალის წვეთების გამოყენება ოფთალმოლოგის კონსულტაციის გარეშე.

წაიკითხეთ სრულად