Baby Bag

„ჩვენ გვჭირდება როგორც ვაქცინა, ასევე აუცილებლად ეფექტიანი ანტივირუსული მედიკამენტი," - თენგიზ ცერცვაძე

„ჩვენ გვჭირდება როგორც ვაქცინა, ასევე აუცილებლად ეფექტიანი ანტივირუსული მედიკამენტი," - თენგიზ ცერცვაძე

ტელეკომპანია „იმედის“ ეთერში დაავადებათა კონტროლის ცენტრის დირექტორმა ამირან გამყრელიძემ და ინფექციური საავადმყოფოს დირექტორმა თენგიზ ცერცვაძემ კოვიდ-19-ის ვირუსის საწინააღმდეგო ანტივირუსული მედიკამენტის გამოშვების მნიშვნელობასა და სავარაუდო თარიღებზე ისაუბრეს. ამირან გამყრელიძის თქმით, რამდენიმე მედიკამენტი ამჟამად კვლევის ფაზაშია:

„ბევრი კომპანია მუშაობს და არის ბევრი სხვადასხვა ტიპის მედიკამენტი კვლევის სხვადასხვა ფაზაში. როდის იქნება, ეს არავინ არ იცის. თვითონ კომპანიებს აქვთ თავიანთი მოლოდინი, რომ წლის ბოლოს, მომავალი წლის დასაწყისში,​ გარკვეული მედიკამენტები შეიძლება იყოს ავტორიზირებული სხვადასხვა მარეგულირებლის მიერ.“

თენგიზ ცერცვაძემ აღნიშნა, რომ ვაქცინა ყველა ადამიანში მყარ და გარანტირებულ იმუნიტეტს არ ტოვებს:

​ვაქცინირება ყველა ავადმყოფში არ ტოვებს გარანტირებულ, მყარ იმუნიტეტს. არის მოლოდინი, რომ სხვადასხვა ვაქცინით, მათ შორის ფაიზერით, აცრილ ადამიანებში იმუნიტეტი არ იქნება მუდმივი, არ იქნება მყარი და გარკვეული დროის შემდეგ (ასახელებენ ექვს თვეს ან ერთ წელიწადს, ეს იმუნიტეტი თანდათან სუსტდება.“

„ჩვენ გვჭირდება როგორც ვაქცინა, ასევე აუცილებლად ეფექტიანი ანტივირუსული მედიკამენტი, ვინაიდან იმ პირებისთვის, ვისთანაც ვაქცინა არ იმუშავებს, ჩვენ რეზერვში გვქონდეს მედიკამენტი, რომ ჩავუტაროთ მედიკამენტოზური მკურნალობა, რაც გარანტირებულად მოგვცემს საშუალებას, რომ პაციენტი განიკურნოს,“- აღნიშნა თენგიზ ცერცვაძემ.

წყარო: ​ტელეკომპანია „იმედი“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

,,მინდა, მშობლები დავამშვიდო, დელტა შტამი განსაკუთრებული სიმძიმით ბავშვებში არ მიმდინარეობ...
ბავშვებში გახშირებულ კორონავირუსზე პედიატრი თემურ მიქელაძე საუბრობს. ,,მინდა მშობლები დავამშვიდო, დელტა შტამი განსაკუთრებული სიმძიმით ბავშვებში არ მიმიდინარეობს,'' - აღნიშნავს პედიატრი. სიმპ...

შეიძლება დაინტერესდეთ

მეცნიერების მტკიცებით, ბუნებასთან ურთიერთობა ბავშვებს აბედნიერებს

მეცნიერების მტკიცებით, ბუნებასთან ურთიერთობა ბავშვებს აბედნიერებს

მშობლები ბავშვებთან ერთად ბუნებაში სეირნობისას შვილების გუნება-განწყობის გამოკეთებას მარტივად ამჩნევენ. სიარული ერთგვარი ვარჯიშია, რომელიც ადამიანს თავს ბედნიერად აგრძნობინებს. საყვარელ ადამიანებთან ერთად ყოფნა ნებისმიერი ბავშვისთვის უდიდესი სიხარულის მიმნიჭებელია, ხოლო ბუნებაში ყოფნა პატარების განწყობაზე ძალიან დადებითად აისახება. შაბათ-კვირას ოჯახური გასეირნების მოწყობა მშობლებსა და შვილებზე პოზიტიურად ზემოქმედებს. შესაძლოა, გარეთ ცუდი ამინდი იყოს, წვიმდეს, ბავშვებს კი სიარული ეზარებოდეთ, მაგრამ საბოლოო ჯამში, ყველაფერი ძალიან კარგად ჩაივლის. თავგადასავლები, ახალი აღმოჩენები, უნიკალური შეგრძნებები და ბუნების სილამაზით ტკბობა ნებისმიერ უსიამოვნებას მარტივად გადაფარავს.

მკვლევარები პატარების ბუნებასთან ურთიერთობებს რეგულარულად აკვირდებოდნენ, რის შედეგადაც დაადგინეს, რომ ბუნება ბავშვებს ნამდვილად აბედნიერებს. ადამიანები ბუნებასთან ურთიერთობისას მასთან ძლიერ ემოციურ კავშირს ამყარებენ, რაც მათ უდიდეს ბედნიერებას ანიჭებს. მექსიკის ერთ-ერთ სკოლაში 9-12 წლის ასაკის 300-მდე ბავშვმა მკვლევარების მიერ შედგენილი სპეციალური კითხვარი შეავსო. კითხვები მათ გუნება-განწყობას, ბუნებასთან ურთიერთობას და ხასიათის თავისებურებებს შეეხებოდა.

მეცნიერებმა დაადგინეს, რომ ბავშვები, რომლებიც ბუნებასთან ხშირად ურთიერთობდნენ, ველური ყვავილებისა და ცხოველების დანახვაზე ბედნიერდებოდნენ. მათ ფრინველების ხმის გაგონებაც საოცრად სიამოვნებდათ. პატარები, რომლებსაც ბუნებაში ყოფნა უყვართ, სხვა ადამიანებისადმი მეტ თანაგრძნობას და მათი დახმარების სურვილს რეგულარულად ავლენენ. ისინი სიფრთხილით მოიხმარენ წყალს და საყოფაცხოვრებო ნივთებს. ბუნებასთან ურთიერთობის მოყვარული ბავშვები გენდერულ, სოციალურ და რასობრივ თანასწორობასაც უჭერენ მხარს. მათ ბედნიერების სკალაზე უმაღლესი მაჩვენებლებიც უფიქსირდებათ. კვლევებით ასევე დადასტურდა, რომ ბუნების მოყვარული ბავშვები გლობალური ეკოლოგიური კრიზისის ფონზე გარემოს აქტიურ დამცველებად გვევლინებიან.

„ბავშვები მომავალი ლიდერები, საქმოსნები, მუშები და მასწავლებლები არიან. მათი განათლება, გარემოსადმი პატივისცემა და გარემოს მნიშვნელობის გაცნობიერება სამომავლოდ ბუნების გადარჩენას შეუწყობს ხელს,“ - ნათქვამია კვლევის ორგანიზატორთა ოფიციალურ განცხადებაში.

ამერიკის შეერთებულ შტატებში ე.წ. „ტყის საბავშვო ბაღები“ ფუნქციონირებს. მსგავსი ტიპის სკოლამდელი აღზრდის დაწესებულებებში ბავშვებს ბუნებაში ყოველდღიურად სეირნობას აჩვევენ, ასწავლიან ბაღის მოვლას და გარემოს პატივისცემას.

ბუნებასთან ურთიერთობა დადებითად არამხოლოდ ბავშვებზე, არამედ უფროსებზეც ზემოქმედებს. 2015 წელს ჩატარებულმა კვლევამ აჩვენა, რომ ადამიანები, რომლებიც ხშირად სეირნობენ, ნეგატიური აზრებისგან თავისუფლდებიან. შოტლანდიელი ექიმები მაღალი არტერიული წნევის, სტრესისა და დეპრესიისგან გასათავისუფლებლად ადამიანებს ბუნებაში ხშირად გასვლას ურჩევენ. ერთ-ერთმა უახლესმა კვლევამ აჩვენა, რომ ბუნების მოყვარული ბავშვები უკეთ იკვებებიან, ბევრს ვარჯიშობენ და კარგი ხასიათითაც გამოირჩევიან.

XIX საუკუნეში მოღვაწე ამერიკელი ფილოსოფოსი ჰენრი დევიდ თორო, რომელიც ტრანსცენდენტალისტი იყო, თვლიდა, რომ ბუნებას სპირიტუალური დანიშნულება აქვს. მისი ნაშრომი „უოლდენი ანუ ტყეში ცხოვრება“ ბუნებაზე ზრუნვის და მისკენ მიბრუნებისკენ მოწოდებაა. თორო თვლიდა, რომ ბუნებას ადამიანის სულის განკურნების უნარი აქვს. ადამიანის სული კი ბუნების დიადი სულის ნაწილად მიაჩნდა.

ამერიკელების ნაწილს დღემდე მტკიცედ სწამს, რომ ბუნებას უდიდესი ძალა აქვს. ისინი მისი სიღრმისეული მნიშვნელობის გაგებას და წვდომას აქტიურად ცდილობენ. თოროს მოძღვრების თაყვანისმცემლები თვლიან, რომ ადამიანური ყოფიერების ყველა ფუნდამენტურ კითხვაზე პასუხი სწორედ ბუნებაში უნდა ვეძებოთ.

მომზადებულია ​cnn.com-ის მიხედვით

თარგმნა ია ნაროუშვილმა

არ დაგავიწყდეთ !!!

Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)

წაიკითხეთ სრულად