„ჩვენ გვჭირდება როგორც ვაქცინა, ასევე აუცილებლად ეფექტიანი ანტივირუსული მედიკამენტი," - თენგიზ ცერცვაძე

,,​ჩვილის დაბანის პროცესი უნდა იყოს ყოველდღიური და ამას ვწყვეტთ ბავშვის თვისებების მიხედვით - ბანაობის პერიოდი ჩავსვათ დღის პირველ - თუ მეორე ნახევარში. არიან პატარები, რომლებიც ბანაობის შემდგომ გადადიან რელაქსაციის ფაზაში, მშვიდდებიან, იძინებენ - შესაბამისად, მათთან ბანაობა იგეგმება დღის მეორე ნახევარში, საღამოს, ძილის წინ. ეს განსაკუთრებით ისეთ ბავშვებთან, რომლებსაც აწუხებთ კოლიკა. ბავშვები, რომლებიც უფრო აქტიურები ხდებიან ბანაობის შემდეგ, დღის პირველ ნახევარში უნდა დავბანოთ", - ამის შესახებ პედიატრმა, ანა მაღრაძემ ,,იმედის დილაში" ისაუბრა. 

,,ახალშობილობის ასაკში, როდესაც ბავშვი ახლადგამოყვანილია სამშობიარო სახლიდან, პირველ დღეებში არ ვხმარობთ ხოლმე დასაბან გელს - ვიყენებთ მხოლოდ თბილი წყლის აბაზანებს ან გვირილას, ორკბილას. აუცილებელია, აყვანის დროს დაფიქსირებული გვქონდეს კისრის მიდამო, ხოლო ბანაობის მომენტში სასურველია პირიქით - ბავშვი იყოს გულ-მკერდით ქვემოთ, როდესაც მას უკანა მხარეს ვბანთ - მხრები უნდა უფარებოდეს წინ. ცერა თითით ვაფიქსირებთ თავს, ხოლო დანარჩენი თითით - ზურგის მიდამოს, რათა ბავშვი არ ჩავარდეს წყალში. 

ვიყენებთ მხოლოდ ხელს ან ძალიან რბილ ღრუბელს, რათა არ დაზიანდეს ბავშვი კანი. წყალი უნდა იყოს ბავშვის მხრებამდე. ბოლოს ამოგვყვანს წყლიდან და გადადუღებულ, 37 გრადუს ტემპერატურაზე გაგრილებულ წყალს ვავლებთ მთლიანად ახალშობილს. როგორც ვიცით, თუ ყოველდღიურ რეჟიმში ოთახის ტემპერატურა შეიძლება, იყოს 19-დან 24 გრადუსამდე, ბანაობის დროს, განსაკუთრებით პირველ დღეებში, სასურველია, იყოს 22-24 გრადუსი. წყლიდან ამოყვანისას ახალშობილი სწრაფად გადაგვყავს გასამშრალებლად, რადგან მასში სხეულის ტემპერატურა ძალიან არის დამოკიდებული გარემოს ტემპერატურის ცვალებადობაზე. ჩაცმაც უნდა მოხდეს მინიმალურ დროში.

რატომღაც, ყიფლიბანდი მშობლებისთვის არის საშიში უბანი. რეალურად, ასე არ არის, თუ არ მოხდა უხეში ტრავმატიზირება. სხვა შემთხვევაში, ყიფლიბანდის დაზიანებას ასე მარტივად, გამშრალების პროცედურის დროს ვერანაირად ვერ მოახდენთ. ჯობს, პირსახოცი დაბლა დააფინოთ და შეფუთოთ ახალშობილი. სასურველია, პირსახოციც იყოს თბილი. მნიშვნელოვანია ნაოჭების კარგად გამშრალება", - გვირჩევს ანა მაღრაძე.

წყარო: ​,,იმედის დილა"