Baby Bag

„რაც უფრო გვიან დაეწყებათ ბავშვებს სქესობრივი მომწიფება, მით უფრო მაღლები იქნებიან,“ - ენდოკრინოლოგი ნინო ხელაძე

„რაც უფრო გვიან დაეწყებათ ბავშვებს სქესობრივი მომწიფება, მით უფრო მაღლები იქნებიან,“ - ენდოკრინოლოგი ნინო ხელაძე

ენდოკრინოლოგმა ნინო ხელაძემ ბავშვის სიმაღლეში ზრდის პერსპექტივებსა და ხელშემწყობ ფაქტორებზე ისაუბრა. მან მშობლებს სპეციალური ფორმულა გააცნო, რომლის დახმარებითაც შვილის მოსალოდნელ სიმაღლეს გამოვითვლით:

„ჩვენ, ექიმებს გვაქვს ფორმულა,​ ვითვლით მოსალოდნელ სიმაღლეს. დედის და მამის სიმაღლე უნდა მივუმატოთ ერთმანეთს, გავყოთ ორზე. თუ გოგონაზე ვითვლით, კიდევ უნდა გამოვაკლოთ ექვს-ნახევარი სანტიმეტრი, თუ ვაჟზე ვითვლით, უნდა მივუმატოთ ექვს-ნახევარი სანტიმეტრი. ეს არის დიაპაზონი პლუს-მინუს ხუთი სანტიმეტრი, ანუ სინამდვილეში ათსანტიმეტრიანი დიაპაზონია. თუ მივიღებთ 165 სანტიმეტრს, გოგონას შემთხვევაში მოსალოდნელი სიმაღლე არის 160-დან 170 სანტიმეტრამდე. ზუსტად აქ უნდა იყოჩაღოს მშობელმა. ჯანმრთელობა, ჯანსაღი კვება, ფიზიკური აქტივობა და სხვა მნიშვნელოვანი ფაქტორები უნდა გავითვალისწინოთ, რომლებიც ზრდას უწყობენ ხელს.“

ნინო ხელაძის თქმით, ყველა ბავშვისთვის უმნიშვნელოვანესია კარგი კვება და ცილოვანი საკვების მიღება:

​ყველა ბავშვის ჯანმრთელობისთვის მთავარი და მნიშვნელოვანი არის კარგი კვება, განსაკუთრებით აუცილებელია ცილოვანი საკვები, რომელიც ასტიმულირებს ზრდის ჰორმონის გამოყოფას. რძის პროდუქტი 2-3 ულუფა უნდა მიიღოს ყველა ბავშვმა დღეში. აუცილებელია D ვიტამინიც, რომელიც ზამთარში არავის არ აქვს საკმარისი. ჩვენს ქვეყანაში საკვებშიც მისი შემადგენლობა პრაქტიკულად არ არის და დანამატის სახით უნდა მივიღოთ ყველამ. აუცილებელია კარგი ძილი. სკოლის ასაკის ბავშვს 9-10 საათი კარგად, გადაბმულად უნდა ეძინოს. ჩვენი ბავშვების თაობას, რომელიც კომპიუტერში ან ტელეფონშია თავჩარგული, ძილის პრობლემა აქვს.“

„ყველა მშობელმა წლიდან წლამდე თავისი შვილი აუცილებლად უნდა გაზომოს. ეს ძალიან სწორია. მეორე პრინციპი არის, როგორ ტანსაცმელს ვურჩევთ. ​რატომ ეპარებათ მშობლებს, რომ ბავშვი კარგად არ იზრდება?! რატომ ვერ ხვდებიან, რომ თავისი ასაკის შესაბამისი ტანსაცმელი ბავშვს ძალიან დიდი აქვს?! მშობლებმა ბავშვი უნდა ნახონ კლასში, სხვებთან შედარებით არის თუ არა პატარა. ძალიან მნიშვნელოვანია, როდის დაეწყებათ ბავშვებს გარდატეხის ასაკი. რაც უფრო გვიან დაეწყებათ ბავშვებს სქესობრივი მომწიფება, მით უფრო მაღლები იქნებიან,“ - აღნიშნულ საკითხებზე ნინო ხელაძემ ტელეკომპანია „რუსთავი 2“ -ის გადაცემაში „სხვა შუადღე“ ისაუბრა.

წყარო:​ „სხვა შუადღე“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

რომელია ბავშვის სიმაღლეში ზრდისთვის საუკეთესო პროდუქტები? - პედიატრ ნინო თოთაძის რეკომენდა...
​პედიატრმა ნინო თოთაძემ იმ პროდუქტების შესახებ ისაუბრა, რომლებიც ბავშვი სიმაღლეში ზრდას ყველაზე მეტად უწყობს ხელს. მისი თქმით, არსებობს რამოდენიმე განსაკუთრებული პროდუქტი, რომელიც უშუალო ზეგავლენას ახ...

შეიძლება დაინტერესდეთ

„არ არის ასე, რომ 3-4 წლის ბავშვებს დღისით ყველას უნდა ეძინებოდეს... ძალით ვერ დააძინებ ბავშვს,“ - თამარ გაგოშიძე

„არ არის ასე, რომ 3-4 წლის ბავშვებს დღისით ყველას უნდა ეძინებოდეს... ძალით ვერ დააძინებ ბავშვს,“ - თამარ გაგოშიძე

ნეიროფსიქოლოგმა თამარ გაგოშიძემ ბავშვის ძილის რეჟიმის მნიშვნელობაზე ისაუბრა. მისი თქმით, არიან ბავშვები, რომლებიც დღისით არ იძინებენ და ეს პრობლემას არ წარმოადგენს:

„დღისით ვიღაც ბავშვები არ იძინებენ. არ არის ასე, რომ 3-4 წლის ბავშვებს ყველას უნდა ეძინებოდეს, ან არ ეძინებოდეს. ძალით ვერ დააძინებ და ვერ გააღვიძებ. თუ ხედავთ, რომ ბავშვი ხვანცალებს, არ უნდა და არ იძინებს, ვანებებთ თავს. თუ გაძლო 10 საათამდე, არ არის პრობლემა.“

თამარ გაგოშიძის თქმით, ბავშვმა ძილის თვითშებრუნება უნდა ისწავლოს:

„ბავშვმა ძილის თვითშებრუნება უნდა ისწავლოს. როგორც წესი, ბავშვები იღვიძებენ წყალზე. ვიღაცას ჩვევა აქვს, რომ მაწონი უნდა შეჭამოს ან რძე უნდა დალიოს. სხვანაირად ვერ იძინებს ბავშვი. ეს იმიტომ ხდება, რომ​ უსაფრთხოების განცდა არ აქვს ბავშვს. ისევ მივდივართ შფოთვასთან. რაც უფრო მაღალი აქვს ბავშვს შფოთვა, ეს კავშირშია ძილის პრობლემასთან.“

„ბავშვი ჩვენი ოთახიდან გარეთ გაგდებული არ უნდა გვყავდეს. ის ჯერ ჩვენს ოთახში უნდა იყოს და მერე ნელ-ნელა გადავიდეს თავის ოთახში,“ - აღნიშნა თამარ გაგოშიძემ.

წყარო:​ „მშობლები განათლებისთვის“

წაიკითხეთ სრულად