Baby Bag

„ფუმფულა და ნაკეცებიანი ბავშვები ყველას უყვარს, თუმცა ეს არ არის კარგი მომავალში მათი ჯანმრთელობისთვის,“ - ნინო ხელაძე

„ფუმფულა და ნაკეცებიანი ბავშვები ყველას უყვარს, თუმცა  ეს არ არის კარგი მომავალში მათი ჯანმრთელობისთვის,“ - ნინო ხელაძე

ენდოკრინოლოგმა ნინო ხელაძემ ბავშვებში ჭარბწონიანობის გამომწვევ მიზეზებსა და ბავშვის ჯანმრთელობაზე მისი ნეგატიური გავლენის შესახებ ისაუბრა:

„ყველა მშობელს ჰგონია, რომ თუ ბავშვი არის ფუმფულა მცირე ასაკიდან, ეს ნიშნავს, რომ ჯანმრთელია. ეს ასე არ არის. ერთ-ერთი რისკ-ფაქტორი არის, თუ რამდენად მოიმატებს ბავშვი წლამდე ასაკში წონას. ფუმფულა და ნაკეცებიანი ბავშვები ყველას უყვარს, თუმცა მათი ჯანმრთელობისთვის მომავალში ეს კარგი არ არის.“

​ნინო ხელაძის თქმით, ბავშვისთვის ტკბილეულის მიღება აუცილებელი არ არის და მის ჯანმრთელობას ზიანი არ ადგება, თუ ბავშვი ტკბილეულს არ იღებს:

„ზოგიერთ ბებია-ბაბუას და მშობელს ჰგონია, რომ შეუძლებელია ბავშვი ტკბილეულის გარეშე იყოს. ისინი ფიქრობენ, რომ ბავშვს რაღაც დაუშავდება, რომ მისი ჯანმრთელობისთვის ეს აუცილებელია. ეს ასე არ არის. ტკბილი ყველასთვის სასიამოვნო მისაღებია, თუმცა სწორი არჩევანის გაკეთება უნდა იცოდეს მშობელმა და ბავშვმაც. რა თქმა უნდა, ჯანსაღი არჩევანი არ არის ტკბილეული კარამელის ან შოკოლადის სახით. ​ჯანსაღი არჩევანია, რომ ბავშვმა ტკბილეული მიიღოს ხილის, ჩირის, თხილეულის სახით.“

„რომ წარმოვიდგინოთ 8-9 წლის ასაკის ბავშვი, ფიზიკურად საშუალოდ დატვირთული. ამ ასაკის ბავშვს დღიურად ეკუთვნის 1400 კალორიამდე დღეში. შოკოლადის ბატონში 550 კალორიამდე შედის. ეს ბავშვის დღიური კალორაჟის 40 %-მდეა. აქ მარტო კალორაჟშიც არ არის საქმე. ეს არის ცარიელი კალორიები. მასში გემოვნებითი თვისებების გარდა სასარგებლო ძალიან ცოტა რამ არის,“ - აღნიშნულ საკითხზე ​ნინო ხელაძემ ტელეკომპანია „რუსთავი 2“- ის გადაცემაში „სხვა შუადღე“ ისაუბრა.

წყარო:​ „სხვა შუადღე“

არ დაგავიწყდეთ !!!

Momsedu.ge-მ თქვენთვის შექმნა ახალი სივრცე. გაწევრიანდით ჯგუფში ჯანმრთელობა

„კვებებს შორის ინტერვალი უნდა იყოს დაახლოებით სამსაათ-ნახევარი. ძალიან არ უნდა მოშივდეს ბა...
​ბავშვთა ენდოკრინოლოგმა ნინო ხელაძემ ბავშვებში ჭარბი წონის პრობლემის შესახებ ისაუბრა. მან აღნიშნა, რომ ყველა ბავშვი ყოველდღიურად ერთი საათით მაინც უნდა იყოს დაკავებული სპორტით:„ყოველდღე, ​ყველა ბ...

შეიძლება დაინტერესდეთ

„თუ ყელი გვეტკინა, ეს ყოველთვის არ ნიშნავს, რომ სუსტი ყელი გვაქვს“

„თუ ყელი გვეტკინა, ეს ყოველთვის არ ნიშნავს, რომ სუსტი ყელი გვაქვს“
როგორ ვუშველოთ ყელის ტკივილს და სეზონური ვირუსების გართულებებს? - თემაზე მედიცინის დოქტორი, პროფესორი, ოტორინოლარინგოლოგი ქეთი გოცაძე საუბრობს. 

„ყველა რესპირატორული დაავადება მოქმედებს ყელზე, ამიტომ ის, რომ ბევრი ვირუსი იწყება ყელის ტკივილით საგანგაშო არ არის.

რა არის ყელის სიწითლე? - მნიშვნელოვანია დიფერენცირება, რამდენად საშიშია და რატომ არის ყელი წითელი. როდესაც ხახის ლორწოვან ზონას ჩავხედავთ, უნდა იყოს ვარდისფერი, მაგრამ თუ პაციენტი მწეველია, მავნე გარემოში მუშაობს და კუჭ-ნაწლავის პრობლემები აწუხებს, მათ უმრავლესობას ყელში აქვს ქრონიკული სიწითლე. ამიტომ, თქვენთვის რთული გასარჩევია ეს ავადობაა, თუ ქრონიკულადაა შეწითლებული. თუ ავადობაა, უნდა დაერთოს ყელის ტკივილი, ყლაპვის გაძნელება და თუ ვირუსთან გვაქვს საქმე - ეს ყველაფერი ერთად არის. ხშირად, პაციენტი მოდის და მეუბნება, რომ ჩირქი აქვს ყელში. ეს არის ფიბრიდული ნადები, რომელიც შეიძლება გამოიწვიოს ვირუსმა და თეთრი ნადები, რომელსაც ყველა ხედავს - ექიმთან უნდა გაირკვეს, ჩირქია თუ ვირუსული ნადები,'' - აღნიშნა ქეთი გოცაძემ.

თუ მშობელმა ბავშვის ყელში დაინახა სიწითლე, თეთრი ნადები... და ამას დაერთო ყლაპვის გაძნელება, ტემპერატურის მატება, უმჯობესია, მალე მიიყვანოს ექიმთან. ხოლო, თუ შეინიშნება ზოგადი სისუსტე და ხშირი ავადობა, მაშინ მივდივართ გეგმიურად, რათა გავარკვიოთ „სუსტი ყელი“ აქვს თუ სხვა პრობლემასთან გვაქვს საქმე.

ოტორინოლარინგოლოგმა აღნიშნა, რომ არ არის მიზანშეწონილი თვითმკურნალობა:

,,აუცილებელია ექიმთან შედგეს სატელეფონო კომუნიკაცია და ის, როცა საჭირო იქნება, გადაგამისამართებთ ოტოლარინგოლოგთან. როდესაც მწვავე ინფექციაა, ვღებულობთ სითხეს (თბილს), ჩასაწუწნ აბებს, გამოსავლებს. თუმცა, თუ ვირუსულმა ინფექციამ 5-7 დღის შემდეგ არ ჩაიარა და ტემპერატურა ისევ აღინიშნება, მაშინ მივდივართ ექიმთან.

თუ ადამიანს ყელში მორეციდივე სტრეფტოკოკული ინფექცია აქვს, მიკრობი ცივ გარემოში აქტიურდება და ამას მოყვება ყელის ტკივილი. ამიტომ, მაქსიმალურად უნდა ვეცადოთ, როდესაც ბავშვს ექნება იმუნიტეტი, მაშინ დავიწყოთ გაკაჟება და უცებ არ მივცეთ ნაყინი, ნელ-ნელა შევაჩვიოთ. სუსტი ყელი გადაილახება, თუ ჩვენ პორციულად მივაწვდით ცივ სითხეს ან ნაყინს. სუსტი ყელის ძირითადი მიზეზი არის იქ ჩაბუდებული სტრეფტოკოკული ინფექცია. ვირუსულ ინფექციას ვერსად ვერ გავექცევით და თუ ყელი გვეტკინა, ეს ყოველთვის არ ნიშნავს რომ სუსტი ყელი გვაქვს.

დიაგნოზის დასმა არის ყველაზე მთავარი. თუ გავარკვიეთ რომ პაციენტს აქვს ვირუსული ტონზილიტი და ფარინგიტი - ამას ანტიბიოტიკი საერთოდ არ სჭირდება. ხოლო, თუ სპეციფიკურ ვირუსთან გვაქვს საქმე (გრიპის ვირუსი) აქ შეგვიძლია ჩავრთოთ ანტივირუსული მკურნალობა. აღმოჩნდა, რომ მწვავედ მიმდინარე ყელის ტკივილი, რომელიც მოითხოვს ანტიბიოტიკს, არის ძალიან პატარა სეგმენტში. დიაგნოზს სჭირდება სისხლის ტესტი, სწრაფი ტესტი ყელიდან. მიუხედავად იმისა, რომ სიცხე და ჩირქი გვაქვს, თუ დიაგნოზის შედეგად გამოირიცხა ანტიბიოტიკის საჭიროება, მისი ზედმეტად მიღება ქმნის ბაქტერიორეზისტენტობას და შემდეგ, არსებულ ინფექციასთან ანტიბიოტიკებით ბრძოლა აღარ იქნება ეფექტური,“ - დასძინა ქეთი გოცაძემ.

წყარო: ,,დილა ფორმულაზე''

წაიკითხეთ სრულად