Baby Bag

,,დღეში 4 ულუფა ბოსტნეული და 3 ულუფა ხილი უნდა მიიღოს ბავშვმა. ჩვენს პაციენტებს კი კვირაშიც არ გამოსდით 4 ულუფა ბოსტნეული'' - ენდოკრინოლოგი სიმაღლეში ზრდის თემაზე

,,დღეში 4 ულუფა ბოსტნეული და 3 ულუფა ხილი უნდა მიიღოს ბავშვმა. ჩვენს პაციენტებს კი კვირაშიც არ გამოსდით 4 ულუფა ბოსტნეული'' - ენდოკრინოლოგი სიმაღლეში ზრდის თემაზე

სიმაღლეში ზრდის თემაზე ენდოკრინოლოგი, მედიცინის დოქტორი ეკატერინე კვარაცხელია საუბრობს. 

მისი თქმით, ბავშვის სიმაღლეში ზრდას გენეტიკასთან ერთად კვებაც განაპირობებს:

,,მნიშვნელოვანია რამდენად დაბალანსებულად, სწორად იკვებება ბავშვი. ლაპარაკია არა მარტო კალორაჟზე, არამედ იმ კალორაჟში როგორია ცილის, ბოსტნეულის და ა.შ წილი. ჩვენი შვილების, პაციენტების, უმრავლესობის პრობლემა არის ბოსტნეულის მირთმევა. ევროპაში არის 4+3-ზე, ანუ დღეში 4 ულუფა ბოსტნეული და 3 ულუფა ხილი უნდა მიიღოს ბავშვმა. ჩვენს პაციენტებს კი კვირაშიც არ გამოსდით 4 ულუფა ბოსტნეული. ჩვენთან ოღონდ რამე ჭამოს ბავშვმა და მისთვის საყვარელ და სასურველ საკვებს ვაწვდით. ხანდახან მშობელს მოჰყავს ბავშვი და ამბობს, რომ მიირთმევს მხოლოდ ლობიოს, ან მხოლოდ ყველს, ან კარტოფილს. ამ დროს მკვეთრად არის სხეულის მასის პრობლემები,'' - აღნიშნავს ენდოკრინოლოგი. 

ნახეთ ვიდეო☝️

წყარო: ,,დილა ფორმულაზე''

არ დაგავიწყდეთ !!!

დაემატეთ ჯგუფში საბავშვო რეცეპტები

​სიმაღლეში ზრდის კოქტეილი - „მშობლებო, მოიმარჯვეთ კალმები და ჩაიწერეთ...“
სიმაღლეში ზრდის კოქტეილი - „მშობლებო, მოიმარჯვეთ კალმები და ჩაიწერეთ...''რეცეპტი:3 კგ. ჭარხალს დავასხათ 3 ლ. წყალი და ვადუღოთ დაბალ ცეცხლზე, სანამ არ დადუღდება 3 ღვინის ჭიქამდე. ვამატებთ 1 ღვინის...
რომელია ბავშვის სიმაღლეში ზრდისთვის საუკეთესო პროდუქტები? - პედიატრ ნინო თოთაძის რეკომენდა...
​პედიატრმა ნინო თოთაძემ იმ პროდუქტების შესახებ ისაუბრა, რომლებიც ბავშვი სიმაღლეში ზრდას ყველაზე მეტად უწყობს ხელს. მისი თქმით, არსებობს რამოდენიმე განსაკუთრებული პროდუქტი, რომელიც უშუალო ზეგავლენას ახ...
რომელი ​პროდუქტები უწყობენ ხელს სიმაღლეში ზრდას?
მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. რომელი პროდუქტები ეხმარება ადამიანს სიმაღლეში ზრდაში? - ამ თემაზე ენდოკრინოლოგ-ნუტრიციოლოგი თინათინ...

შეიძლება დაინტერესდეთ

1 წლამდე ასაკის ჩვილს ზურგზე უნდა ეძინოს - უსაფრთხო ძილის წესები ყველაზე პატარებისთვის

1 წლამდე ასაკის ჩვილს ზურგზე უნდა ეძინოს - უსაფრთხო ძილის წესები ყველაზე პატარებისთვის

ჩვილების უსაფრთხო ძილის წესებზე პედიატრი თამარ ობგაიძე წერს. გთავაზობთ მის ნათქვამს სიტყვა-სიტყვით:

„გასული საუკუნის 80-იან წლებში აშშ-ის პედიატრიის აკადემიის რეკომენდაციის თანახმად, ჩვილებისათვის ძილის საუკეთესო ფორმა მუცელზე ნებივრობა და ძილი იყო, მაგრამ მოხდა გაუთვალისწინებელი და აუხსნელი რამ - სწორედ ამ რეკომენდაციის შემდეგ მკვეთრად იმატა ჩვილთა უეცარი სიკვდილის სიხშირემ ამერიკასა და ევროპის ქვეყნებში. რეკომენდაციის შეცვლის შემდეგ სიკვდილობა შემცირდა.

აი, უსაფრთხო ძილის წესები ჩვილებისათვის:

1 წლამდე ასაკის ჩვილს უნდა ეძინოს ზურგზე, როგორც დღის ძილის, ისე ღამის განმავლობაში. განსაკუთრებული ყურადღება მიაქციეთ 4 თვემდე ასაკის ბავშვებს, რადგან ჩვილთა უეცარი სიკვდილიანობა სწორედ ამ ასაკშია უფრო ხშირი.

რატომ არა გვერდზე? იმიტომ, რომ გვერდიდან მუცელზე ის გაცილებით იოლად ტრიალდება.

კვებეთ ჩვილი ძუძუთი. დადგენილია, რომ ძუძუთი კვება ამცირებს ჩვილთა უეცარი სიკვდილის რისკს.

თუ პატარას მგზავრობისას ჩაეძინა მანქანის სავარძელში, სლინგში, სამგზავრო კალათაში ან ეტლში, ის, რაც შეიძლება სწრაფად გადაიყვანეთ საწოლში.

1 წლამდე ასაკის ბავშვის საწოლში ნუ დატოვებთ რბილ სათამაშოებს, არ არის საჭირო ბალიში, საწოლის რბილი ბამპერები.

უმჯობესია, თუ ტრადიციული საბნის ნაცვლად ე.წ. ჩასაცმელ საბანს გამოიყენებთ. მისი შემთხვევით თავზე წამოხურება და სასუნთქი გზების დახშობა გამორიცხულია.

თუ მაინც იყენებთ გადასაფარებელს, მისი გვერდები კარგად დააფიქსირეთ მატრასის ქვეშ, რათა პატარამ მისი გადახურება და სასუნთქი გზების ბლოკირება ვერ შესძლოს.

საწოლის ზედაპირი უნდა იყოს მყარი.

სიცოცხლის პირველი წლის მანძილზე ბავშვს უნდა ეძინოს თქვენს ოთახში, მაგრამ არა თქვენს საწოლში. აღმოჩნდა, რომ ასეთი ძილი 50%-ით ამცირებს ჩვილთა უეცარი სიკვდილის რისკს განსაკუთრებით 4 თვემდე ასაკში.

ერთ ოთახში ძილი საშუალებას გაძლევთ, უფრო ფხიზლად იყოთ და ჩვილს მეტი ყურადღება მიაქციოთ. თქვენს საწოლში ჩვილი შეიძლება კვების დროს გადაიყვანოთ. კვების დასრულების შემდეგ კი ის თავის საწოლში უნდა დააბრუნოთ.

არ დატოვთ ჩაძინებული ბავშვი დივანზე, ტახტზე ან სოფაზე.

განსაკუთრებული ყურადღება გმართებთ, თუ თქვენი პატარა დაბადებულია დღენაკლი ან მცირე წონით.

უმჯობესია, თუ მოწევას თავს დაანებებთ. მწეველობა ზრდის ჩვილთა უეცარი სიკვდილის რისკს, თუნდაც საწოლ ოთახში არ ეწეოდეთ.

თუ იღებთ საძილე საშუალებას ექიმის დანიშნულებით და ამის გამო ღრმად გძინავთ, ღამით პატარას მეთვალყურეობისათვის სჯობს, სხვა მომვლელს უხმოთ.

ჩაძინებისას რეკომენდებულია მატყუარა საწოვრის გამოყენება, თუ, რათქმაუნდა, ბავშვი მას იღებს. დადგენილია, რომ ძილის დროს საწოვარის გამოყენება ამცირებს ჩვილთა უეცარი სიკვდილის რისკს. ჩაძინების შემდეგ პირიდან გადმოვარდნილი საწოვარის ძალით მიცემა არ არის რეკომენდებული.

საძინებელი ოთახი ხშირად გაანიავეთ. გახსოვდეთ, რომ ოთახში ჰაერის მაღალი ტემპერატურა კიდევ ერთი საფრხთისშემცველი ფაქტორია.

ყოველთვის, როცა ძილისათვიოს საჭირო საბავშო პროდუქტს ყიდულობთ, გაითვალსწინეთ ექიმის რჩევები.
სანამ შეიძენთ, გაარკვიეთ, არის თუ არა ის ეფექტური ჩვილთა უეცარი სიკვდილის პრევენციისათვის.
მაგალითად, თუ გადაწყვიტეთ ძილის პოზიციონერის ყიდვა, გახსოვდეთ, რომ ის არ ამცირებს უეცარი სიკვდილის რისკს, პირიქით, თუ პატარას უკვე შეუძლია გადაბრუნება, პოზიციონერის ამობურცულმა გვერდებმა შესაძლებელია ადვილად დაახშოს მისი სასუნთქი გზები.

ძალიან მოსახერხებელია დედის საწოლთან მისადგმელი საბავშო საწოლები, რომელიც ჩვილის ახლოსყოფნის საშუალებას იძლევა, შეგიძილიათ კვებისათვის მარტივად გადაიყვანოთ ის თქვენს საწოლში და დააბრუნოთ უკან ადგომის გარეშე. ამავდროულად ადვილია ღამის განმავლობაში მასზე მეთვალყურეობა. თუმცა ამ ეტაპზე არ არის კვლევები, რომელბიც დაადასტურებენ ამ სა წოლების გავლენას ჩვილთა უეცარი სიკვდილის სიხშირეზე.

საწოლის ყიდვისას მიაქციეთ ყურადღება საწოლის დამცავი კედლების ხარიხებს. მათ შორის არ უნდა იყოს ფართო მანძლი, სადაც პატარას თავი გამოეტევა . ასეთ შემთხვევაში შესაძლებელია მისი მოხრჩობა.
ასევე დააკვირდით, რომ არ იყოს დიდი მანძილი მატრასსა და საწოლის გვერდებს შორის. მატრასი ახლოს უნდა იყოს გვერდებთან.
დაბოლოს, გახსოვდეთ, მშვიდი ძილი ყველა საკში აუცილებელია!“

წაიკითხეთ სრულად