Baby Bag

,,მოვიშოროთ მითი იმის შესახებ, რომ კოკა-კოლა კლავს! პირიქით, ის გამოიყენება როგორც სადეზინტოქსიკაციო და მასტიმულირებელი საშუალება'' - პედიატრი ინგა მამუჩიშვილი

,,მოვიშოროთ მითი იმის შესახებ, რომ კოკა-კოლა კლავს! პირიქით, ის გამოიყენება როგორც სადეზინტოქსიკაციო და მასტიმულირებელი საშუალება'' - პედიატრი ინგა მამუჩიშვილი

ცნობილი პედიატრი, მედიცინის მეცნიერებათა დოქტორი ინგა მამუჩიშვილი სოციალურ ქსელში კოკა-კოლის შესახებ წერს. გთავაზობთ მის პოსტს სიტყვა-სიტყვით:

„ექიმო, Coca-Cola-ს ვასმევ ბავშვს, მაგრამ ჰელმინტები (ჭიები) მაინც ჰყავს. სრული სერიზულობით მეკითხება ერთი ძალიან საყვარელი დედიკო. პროპაგანდას არ ვუწევ ამ ჩემთვის საყვარელ სასმელს, მაგრამ ვერც მის წინააღმდეგ წავალ ვერავითარ შემთხვევაში, ვერც იმას გეტყვით, რომ გახეხეთ უნიტაზები, კაფელი, მეტლახი, მოაცილებს ჟანგს, განკურნავს ნებისმიერ დაავადებას, დაგვიბრუნებს აფხაზეთს და ოსეთს... მაგრამ მოვიშოროთ მითი იმის შესახებ, რომ კოკა-კოლა კლავს!!! პირიქით, ის გამოიყენება როგორც სადეზინტოქსიკაციო და მასტიმულირებელი საშუალება!!! უბრალოდ შეიცავს დიდი რაოდენობით შაქარს, კოკა-კოლას 0,33 ლ ბოთლი, შეიცავს 35 გრ. შაქარს, რაც დღე-ღამიური ნორმის 70%-ს შეადგენს, მსოფლიო ჯანდაცვის ორგანიზაციის მოთხოვნით შაქრის ეს რაოდენობა უახლოეს მომავალში 2-ჯერ უნდა შემცირდეს, რადგან სარისკოა სიმსუქნის განვითარებისთვის და შაქრიანი დიაბეტის განვითარების რისკს წარმოადგენს. კოკა-კოლას ისეთივე აკრძალვები აქვს, როგორც ზოგადად სხვა გაზიან სასელებს და არ არის მისი დიდი რაოდენობით მოხმარება რეკომენდებული კუჭ-ნაწლავის ტრაქტის პათოლოგიების დროს (კუჭის და თორმეტგოჯა ნაწლავის წყლულოვანი დაავადებები, ქრ ქოლეცისტიტი და ა.შ.) ისე, რომ ზომიერების დაცვა აქაც ძალიან მნიშვნელოვანია! ბავშვებს ნუ დაალევინებთ 3 წლამდე ასაკადე!! თქვენ კი დაიცავით ზომიერება ჩემო ძვირფასებო! კოკა-კოლა წარმოებულია The Coca-Cola Company-ის მიერ, წარმოშობა---აშშ,იწარმოება 1886 წლიდან!! 2005-2015 წლებში Interbrend-ის რეიტინგის მიხედვით მიჩნეული იყო, ყველაზე ძვირადღირებულ ბრენდად!!! კოკა-კოლა არ კლავს, მაგრამ არც სიცოცხლეს ახანგრძლივებს!!! ვისაც გიყვართ მიირთვით, ზომიერების დაცვით,“ - აღნიშნავს ინგა მამუჩიშვილი. 



არ დაგავიწყდეთ !!!

დაემატეთ ჯგუფში საბ​ა​ვშვო რეცეპტები

„2 წლამდე ასაკის ბავშვს ნუ მისცემთ თაფლს! არც ცხელ წყალში და არც ცხელ რძეში არ გაუხსნათ თა...
ცნობილი პედიატრი, მედიცინის მეცნიერებათა დოქტორი ინგა მამუჩიშვილი სოციალურ ქსელში მშობლებისთვის ყურადსაღებ ინფორმაციას ავრცელებს. გთავაზობთ მის პოსტს:„ძვირფასო მშობლებო, უნდა იცოდეთ აუცილებლად, ა...
,,ძალადობა არ გვინდა, თუ ბავშვი არ იცვამს ფეხზე, ეს არანაირ პრობლემას არ წარმოადგენს, იარო...
არის თუ არა პრობლემა, როდესაც ბავშვები უარს ამბობენ ოთახის ჩუსტების ჩაცმაზე? - Momsedu.ge-ს აღნიშნულ კითხვას ცნობილმა პედიატრმა, მედიცინის მეცნიერებათა დოქტორმა ინგა მამუჩიშვილმა უ...
,,პურით, კარტოფილით და მაკარონით კუჭის ამოვსება სულაც არ ნიშნავს იმას, რომ ბავშვის ორგანიზ...
,,შიმშილობენ ბავშვებიც და მოზრდილებიც!!!ნამდვილად შიმშილობენ!!! პურით,კარტოფილით და მაკარონით კუჭის ამოვსება სულაც არ ნიშნავს იმას,რომ ბავშვის ორგანიზმმა მისთვის საჭირო ძირითადი ინგრედიენტები,ვიტამინე...

შეიძლება დაინტერესდეთ

„თუ წნევა არ არის 130:80-ზე ზემოთ, წნევის დამაქვეითებელი საშუალებების მიღება კატეგორიულად დაუშვებელია,“- ნინო კიკნაძე

„თუ წნევა არ არის 130:80-ზე ზემოთ, წნევის დამაქვეითებელი საშუალებების მიღება კატეგორიულად დაუშვებელია,“- ნინო კიკნაძე

თერაპევტმა ნინო კიკნაძემ არტერიულ წნევაზე ამინდის ზეგავლენის შესახებ ისაუბრა. მან აღნიშნა, რომ წნევის ცვალებადობა მხოლოდ მეტეოროლოგიურ ფაქტორებზე არ არის დამოკიდებული:

„რატომ მწვავდება გაზაფხულზე პრობლემა? მხოლოდ მეტეოროლოგიური ფაქტორების გამო კი არ არის. თუ ადამიანი ჯანსაღი ცხოვრების წესით ცხოვრობს, მას არ ეშინია არც გაზაფხულის და არც სხვა სეზონის. ზამთარში უფრო უმოძრაოდ ვართ. ზამთარში არ გვაქვს იმის საშუალება, რომ მივიღოთ ბევრი ხილი-ბოსტნეული. ​ვიკვებებით ნაჯერი ცხიმებით, ნახშირწყლებით. ამინდის ცვალებადობა გაზაფხულზე, რა თქმა უნდა, ახდენს გავლენას. ჯანმრთელ ადამიანს ეს პრობლემა დიდად არ ეკარება, იმიტომ, რომ ადამიანის ორგანიზმს აქვს ადაპტაციის ძალიან კარგი უნარი.“

ნინო კიკნაძის თქმით, არტერიული წნევის მატების ერთ-ერთი რისკი ასაკის მატებაა:

„ასაკის მატება არის რისკი არტერიული წნევის მატების. ირღვევა ის მექანიზმები, რომლებიც მონაწილეობს არტერიული წნევის რეგულირებაში. უკვე 18 წლის ასაკიდან ადამიანმა უნდა დაიწყოს წნევის გასინჯვა. წელიწადში ერთხელ მაინც უნდა გაიზომოთ წნევა. თუ თანმხლები პათოლოგიებია, უფრო ხშირადაც კი. ძალიან  დიდი მნიშვნელობა აქვს მედიკამენტებს, რას იღებს ადამიანი. შეიძლება, რომ ტკივილგამაყუჩებლებს იღებდეს. წნევის გაზომვის ტექნიკასაც აქვს მნიშვნელობა. თუ არასწორად იზომავთ წნევას, ამან შეიძლება ცრუ მაღალი წნევა გიჩვენოთ. ადამიანი უნდა იყოს მოსვენებულ მდგომარეობაში. მანამდე აღელვებული თუ არის, ჩვენ ცოცხალი ორგანიზმები ვართ და ჩვენი წნევაც მერყევია. ადამიანს არ უნდა ჰქონდეს სიგარეტი მოწეული, საკვები არ უნდა ჰქონდეს ახლად მიღებული. მოსვენებულ მდგომარეობაში უნდა იჯდეს როგორც მინიმუმ 5 წუთი. იდაყვის ქვეშ ხელის ამოდება არ არის სწორი.“

„არტერიულ ჰიპერტენზიას სიმპტომები არ ახასიათებს, თუ არ არის 180:120-ზე ზემოთ. არტერიულ ჰიპერტენზიას თავის ტკივილთან აიგივებენ, რაც ნამდვილად არ შეესაბამება სიმართლეს. ერთ-ერთ კვლევაში შეადარეს ​თავის ტკივილის სიხშირე არტერიული ჰიპერტენზიისა და ნორმალური წნევის მქონე პაციენტებში. აღმოჩნდა, რომ არანაირი განსხვავება არ იყო. მყოლია პაციენტები, რომლებსაც 200 აქვთ წნევა და საერთოდ ვერ გრძნობენ. შესაძლებელია იყოს რაღაც დისკომფორტი გულის არეში, გულის ფრიალი, კეფის არეში ტკივილი, მაგრამ ეს არ არის სპეციფიკური სიმპტომი და ამის მიხედვით არ უნდა მივიღოთ წნევის დამწევი.ხშირ შემთხვევაში ადამიანი ემოციურად გაღიზიანებულია, ამიტომ სტკივა თავი და არა იმიტომ, რომ წნევა აქვს. როდესაც წნევას იზომავს, მატება ფიქსირდება. წნევა არის შედეგი და არა მიზეზი თავის ტკივილის. თუ წნევა არ არის 130:80-ზე ზემოთ, ​წნევის დამაქვეითებელი საშუალებების მიღება კატეგორიულად დაუშვებელია. მით უმეტეს, თუ ამას ხელს უწყობს ის, რომ ეს სტრესის გამოა ან ზედმეტი კოფეინი მიიღო,“- აღნიშნულ საკითხებზე ნინო კიკნაძემ ტელეკომპანია „ფორმულას“ გადაცემაში „დილა ფორმულაზე“ ისაუბრა.

წყარო: ​„დილა ფორმულაზე“


წაიკითხეთ სრულად