Baby Bag

„პანდემიის და ზოგადი სტრესის პირობებში შეიძლება ჯანმრთელ ადამიანსაც ჰქონდეს ასეთი ჩივილები,“ - კარდიოქირურგი ზვიად ბახუტაშვილი

„პანდემიის და ზოგადი სტრესის პირობებში შეიძლება ჯანმრთელ ადამიანსაც ჰქონდეს ასეთი ჩივილები,“ - კარდიოქირურგი ზვიად ბახუტაშვილი

კარდიოქირურგი ზვიად ბახუტაშვილი საქართველოს პირველი არხის გადაცემაში „პირადი ექიმი-მარი მალაზონია" პანდემიის პირობებში აქტუალურ კითხვებს პასუხობს. მისი თქმით, ადამიანებს პანდემიის დროს მომატებული სტრესის გამო ხშირად აღენიშნებათ ჰაერის უკმარისობა, გულის არეში ტკივილები, თუმცა ეს ყოველთვის გულის პრობლემებზე არ მიგვანიშნებს:

„ერთი რამ უნდა გაითვალისწინოთ, რომ პანდემიის და ზოგადი სტრესის პირობებში ​შეიძლება ჯანმრთელ ადამიანსაც ჰქონდეს ასეთი ჩივილები, გულის არეში ტკივილი და ჰაერის უკმარისობა, ეს არ ნიშნავს აუცილებლად იმას, რომ მისი გული დაავადებულია. პრობლემების გამოსარიცხად კარგი იქნებოდა, კვალიფიციური ექოკარდიოგრაფიის ჩატარება. თუ იქ ანატომიურად არანაირი ცვლილება არ არის, მაშინ ​სიმპტომურად შეიძლება რაიმე დაენიშნოს პაციენტს. ეს ნიშნავს იმას, რომ შეძენილი პათოლოგია არ გაქვთ.“

ზვიად ბახუტაშვილის თქმით, ჭარბი ალკოჰოლის მიღება საზიანოა, როგორც ჯანმრთელი გულის მქონე ადამიანებისთვის, ასევე მათთვისაც, ვისაც ამ მხრივ პრობლემები აქვს:

„დალევის ამბავი იქნება კარგად, უბრალოდ რაოდენობის ამბავი ვერ იქნება კარგად. რა თქმა უნდა, ​ერთი ჭიქა ღვინის დალევა პრობლემა არ იქნება. ჩვენ ვიცით, რომ ღვინოში უამრავი ბიოაქტიური ნივთიერება შედის და ძალიან სასარგებლოა. ძველი, ტრადიციული სმა, რომელიც ცოტა დამახინჯებულად ვიცოდით საქართველოში, სასარგებლო ვერ იქნება ვერც აბსოლუტურად ჯანმრთელი და ვერც სტენტირებიანი ადამიანისთვის.“

„ჩივილების 90 %, როდესაც პაციენტები აღნიშნავენ ჩხვლეტას, უფრო არის ოსტეოქონდროზით გამოწვეული და არ არის გულისმიერი. ასე კატეგორიულად მაინც ვერაფერს ვიტყვით. ​ეს ჩივილები დაკავშირებული არის მოძრაობასთან, მოსვენებასთან, ამით შეიძლება დიფერენცირება. თუ ჩხვლეტა დაკავშირებულია ფიზიკურ აქტივობასთან, აუცილებლად მიმართეთ კარდიოლოგს. თუ მოსვენების დროს არის ჩხვლეტა და პოზიციურად გადის, მაშინ ეს არის ოსტეოქონდროზი,“ - აღნიშნავს ზვიად ბახუტაშვილი.

წყარო: ​პირადი ექიმი - მარი მალაზონია

არ დაგავიწყდეთ !!!

დაემატეთ ჯგუფში საბავშვო რეცეპტები

„პოსტ-კოვიდურ პერიოდში ყველაზე ხშირი სიმპტომი და ჩივილი არის ქოშინი, რომელიც არ არის ყოველ...
​​პულმონოლოგი დავით ჭყონია კოვიდ-19-ით გამოწვეულ ჯანმრთელობის პრობლემებზე საუბრობს. მისი თქმით, პოსტ-კოვიდურ ეტაპზე გამოჯანმრთელებულ ადამიანებს გარკვეული სიმპტომები რამდენიმე თვის განმავლობაში აწ...

შეიძლება დაინტერესდეთ

,,ვირუსული ინფექცია უკან არ იწევს, ჯერ არაა ვაქცინა... გავიჭირვოთ კიდევ დაახლოებით ერთი წელიწადი''

,,ვირუსული ინფექცია უკან არ იწევს, ჯერ არაა ვაქცინა, ერთადერთ იარაღად პრევენციული ღონისძიებები რჩება. გავიჭირვოთ კიდევ დაახლოებით ერთი წელიწადი,'' - აღნიშნულის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ განაცხადა.

მისი თქმით, მოსახლეობა განსაკუთრებით ყურადღებით უნდა იყოს, რომ ყველგან, უკვე არა მარტო დახურულ, არამედ ღია სივრცეებშიც და ეს 5 რეკომენდაცია გაითვალისწინოს:

„მოსახლეობა განსაკუთრებით ყურადღებით უნდა იყოს, რომ ყველგან, უკვე არა მარტო დახურულ, არამედ ღია სივრცეებშიც.სადაც დისტანციის დაცვა ვერ ხდება, ​ვატაროთ პირბადე. 

მეორე პრევენციული ღონისძიებაა დისტანცია, საუკეთესოა, 1.5-2 მეტრიანი დისტანციის დაცვა. 

მესამე, მთავარი რეკომენდაცია - ეს არის ხელების ხშირი დაბანა და ზოგადი სანიტარული წესების დაცვა, ​ხელების ხშირი დამუშავება სადეზინფექციო ხსნარით ყველგან, სადაც ამის საშუალება არის.  

მეოთხე - ყველა შეკრება უნდა იყოს შეზღუდული, მაქსიმუმ 6-10 ადამიანი და უფრო ხშირად ღია სივრცეში. 

მეხუთე და ერთ-ერთი მთავარი რეკომენდაციაა, თავის არიდება ყოველგვარი დიდი თავშეყრებისგან, იქნება ეს სადღესასწაულო, სარიტუალო თუ სხვა, რადგან ეპიდაფეთქებების წყარო სწორედ ის გახლავთ, რომ დიდ თავშეყრებზე არ ხდება პრევენციული ღონისძიებების დაცვა.

ყველა ეპიდაფეთქება, რაც გვქონდა, დიდი შეკრებებისა თუ დღესასწაულების გამოძახილი იყო, რომელიც გვქონდა საქართველოს სხვადასხვა რეგიონში. უმორჩილესად გთხოვთ, ვირუსული ინფექცია უკან არ იწევს, ჯერ არაა ვაქცინა, ერთადერთ იარაღად ეს 5 პრევენციული ღონისძიება რჩება. გავიჭირვოთ კიდევ დაახლოებით ერთი წელიწადი“, - დასძინა ამირან გამყრელიძემ. 

👉„სინამდვილეში, კოვიდინფიცირებულებს მკურნალობა ან არ სჭირდებათ, ან თუ სჭირდებათ, რეანიმატოლოგების კვალიფიკაციაზე და სიყოჩაღეზე ვართ დამოკიდებულები“ - ინფექციონისტი მაია ბუწაშვილი

👉,,დიაგნოზის დასმის შემდეგ ზოგს მაინც არ სჯერა კორონავირუსის არსებობის, ეს არის საოცრება''

წაიკითხეთ სრულად