Baby Bag

„ტრაგედია არ არის, რომ ბავშვმა ხორცი არ ჭამოს, მაგრამ მაინც სასურველია მისი ზომიერად მიღება,“ - პედიატრი ყარამან ფაღავა

პედიატრი ყარამან ფაღავა გადაცემაში „პირადი ექიმი“ მცირეწლოვანი ბავშვებისა და მოზარდებისთვის ხორცისა და შოკოლადის მნიშვნელობის შესახებ საუბრობს. ის აღნიშნავს, რომ წითელი ხორცი და შოკოლადი წარმატებით ებრძვის დეპრესიას, თუმცა ეს უკანასკნელი სამ წლამდე ასაკის ბავშვებს არ უნდა მივცეთ:

„წითელ ხორცს თავისი პლიუსები აქვს, იგივე დეპრესიის საწინააღმდეგოდ. სხვათა შორის, სიტყვამ მოიტანა და მე არ ვარ მომხრე შოკოლადის გამოყენების. შოკოლადი ძირითადად ალპინისტებმა უნდა გამოიყენონ. მაღლა ადიან, კალორაჟი სჭირდებათ და მძიმე წონაც არ უნდა იყოს. ცნობილია, რომ შავი შოკოლადი, მცირე დოზით, ანტიდეპრესანტის როლსაც ასრულებს. ცხადია, შოკოლადი ბავშვს არ უნდა მივცეთ სამ წლამდე. რაც შეეხება ხორცს, პატარას წავიხუმრებ. ბიჭი მოჰყავთ ხოლმე ჩემთან. ვეკითხები ხოლმე დიეტას, რას მიირთმევს, მე საერთოდ მიყვარს საყოველთაო, სრული გამოკვლევა. ზოგიერთი მეუბნება, შოკოლადი უყვარს და კანფეტი უყვარსო, დაიბადა თუ არა შოკოლადი უნდოდაო. მე ვეუბნები, თქვენ შეაჩვიეთ-მეთქი და ეს ზედმეტია.“

ყარამან ფაღავა აღნიშნავს, რომ ხორცის მიღების აუცილებლობა ზაფხულში არ დგას, თუმცა სასურველია, რომ ბავშვები ხორცს იღებდნენ:

„მე ყოველთვის ვამბობ ხოლმე, რომ ბიჭმა უნდა ჭამოს კაცის საჭმელი. უკვირთ ხოლმე, ვერ იგებენ რას ვგულისხმობ. ეს იმას ნიშნავს, რომ ბიჭმა უნდა ჭამოს ხორცი, ვაშლი და ხაჭაპური. ხაჭაპური თავისთავად, ვაშლი იმიტომ, რომ ხილი აუცილებელია. რაც შეეხება ხორცს, ისევ ვიმეორებ, რომ პრინციპში შეიძლება უხორცოდ. ზაფხულში, მაგალითად, ხორცის ისეთი დიდი აუცილებლობა არ არის. მაინც სასურველია, რომ ბავშვმა ხორცი მიიღოს თანდათანობით.“

„ძალიან მნიშვნელოვანია მამის როლი. ბავშვი მამასთან ერთად როცა ჭამს, ძალიან კარგია. დღეში ერთხელაც რომ ჭამოს მამასთან ერთად, ეს მნიშვნელოვანია. განსაკუთრებით კარგია ეს ვაჟებისთვის. პატარა ბიჭს დედა რომ გაუშლის მაგიდას, ეტყვის: „ჩემი კაცები ახლა შეჭამენ.“ ტრაგედია არ არის, რომ ბავშვმა ხორცი არ ჭამოს, მაგრამ მაინც სასურველია მისი ზომიერად მიღება,“ - აცხადებს ყარამან ფაღავა.

წყარო: ​პირადი ექიმი - მარი მალაზონია 

არ დაგავიწყდეთ !!!

დაემატეთ ჯგუფში საბავშვო რეცეპტები

„თუ ბავშვი იტყვის „დავიღალე“, შეიძლება, კატასტროფულ მდგომარეობასთან გვაქვს საქმე...“
სეზონური სისუსტე ბავშვებში - აღნიშნულ თემაზე პედიატრი, თსსუ-ს პროფესორი ყარამან ფაღავა საუბრობს

შეიძლება დაინტერესდეთ

„კოვიდ-19-ის გადატანის შემდეგ ანტისხეულები თუ არ დაფიქსირდება, მაინც გაქვთ გარანტია, რომ ვირუსი მინიმუმ 6-8 თვე არ დაგემართებათ,“ - ბიძინა კულუმბეგოვი

„კოვიდ-19-ის გადატანის შემდეგ  ანტისხეულები თუ არ დაფიქსირდება, მაინც გაქვთ გარანტია, რომ ვირუსი მინიმუმ 6-8 თვე არ დაგემართებათ,“ - ბიძინა კულუმბეგოვი

​​ალერგოლოგ-იმუნოლოგი ბიძინა კულუმბეგოვი ტელეკომპანია იმედის გადაცემაში „დილის შოუ“ კოვიდ-19-ის დამარცხების შემდეგ ორგანიზმში ანტისხეულების დარჩენის საკითხზე საუბრობს. მისი თქმით, თუ ტესტირებამ კოვიდის გადატანის შემდეგ ადამიანის ორგანიზმში კორონავირუსის საწინააღმდეგო ანტისხეულები ვერ გამოავლინა, ეს არ ნიშნავს იმას, რომ ამ ადამიანს ვირუსის წინააღმდეგ იმუნიტეტი არ აქვს ჩამოყალიბებული:

„ჩემდა გასაკვირად, ​კოვიდის გადატანის შემდეგ ბევრ ადამიანს არ უფიქსირდება ანტისხეულები ორგანიზმში. რამოდენიმე დღის წინ ახალ ზელანდიაში კვლევა გამოქვეყნდა, სადაც შეაფასეს ადამიანების ანტისხეულები. როდესაც ორგანიზმში ვირუსი შემოდის, მას ძალიან ბევრი კომპონენტი აქვს, გარედან გვირგვინები, ათასი კაფსიდი და ა.შ. ადამიანის ორგანიზმი თითოეული კომპონენტის მიმართ ცალ-ცალკე ანტისხეულებს გამოიმუშავებს. ბევრი სახეობის ანტისხეული ყალიბდებდა. ამ ანტისხეულებს შორის რომელი გაქრება, რომელი დარჩება, ეს საკითხი ახლა არის დახვეწის პროცესში. მთელ მსოფლიოში გაურკვეველია ჯერ ეს საკითხი. როდესაც ახალ ზელანდიაში კვლევა ჩაატარეს, აღმოჩნდა, რომ ცალკეული ანტისხეულები უფრო მალე გაქრა, ზოგი კი დიდხანს შენარჩუნდა. ზოგიერთი ანტისხეული უფრო გამძლე აღმოჩნდა და რვა თვე დარჩა.“

ბიძინა კულუმბეგოვის თქმით, თუ ტესტი ანტისხეულებს არ აჩვენებს, შესაძლოა, ეს უჯრედული იმუნიტეტის ჩამოყალიბებაზე მიგვანიშნებდეს:

„ადამიანებს ფრუსტრაციაში აგდებს ის, რომ არ რჩებათ ანტისხეულები. ეს იმას ნიშნავს, რომ ანტისხეულები გაქვს, მაგრამ ვერ აღმოაჩინა ტესტმა, ან ჩამოგიყალიბდა უჯრედული იმუნიტეტი, რომელიც უფრო ძლიერია, ვიდრე ანტისხეულებით იმუნიტეტი, რაც არ ნიშნავს იმას, რომ ​ინფექცია მალე დაემართება ადამიანს. თუ ანტისხეულები არ დაფიქსირდება, მაინც გაქვთ გარანტია, რომ ვირუსი მინიმუმ 6-8 თვე არ დაგემართებათ.“

„მსოფლიოში რამდენიმე შემთხვევა არის რეინფიცირების, მაგრამ არ არის ეს მასობრივი. ვირუსი მუტაციებს განიცდის. იმის ალბათობა, რომ ადამიანს ვირუსი განსხვავებული შტამით დაემართოს, რა თქმა უნდა, არსებობს. საბედნიეროდ, ​ვირუსს კარდინალური და აგრესიული მუტაცია ჯერ არ განუცდია, ამიტომაც მასობრივი რეინფიცირება არ არის. პაციენტებში, რომლებმაც მსუბუქად გადაიტანეს ვირუსი, მანეიტრალიზებელი ანტისხეულები ნაკლებადაა, რაც იმას გულისხმობს, რომ მათი პლაზმა სხვა ადამიანს არ გამოადგება. ეს იმას არ ნიშნავს, რომ ადამიანს, რომელსაც კოვიდი მსუბუქად ჰქონდა, იმუნური დაცვა არ აქვს,“ - აცხადებს ბიძინა კულუმბეგოვი.

წყარო: ​დილის შოუ

წაიკითხეთ სრულად