Baby Bag

„არის თუ არა საშიში ვაქცინა? ეს მნიშვნელოვანი კითხვაა,“ - პროფესორი ივანე ჩხაიძე

პროფესორი ივანე ჩხაიძე „პოსტ ალიონში“ ბავშვებისთვის გრიპის ვაქცინაციის აუცილებლობაზე საუბრობს და აღნიშნავს, რომ გრიპი პატარების ჯანმრთელობისთვის გაცილებით სახიფათოა, ვიდრე კორონავირუსი:

„კორონავირუსი გრიპისგან იმით განსხვავდება, რომ მისი ლეტალობის მაჩვენებელი გაცილებით მეტია. ჩვენთვის, პედიატრებისთვის მნიშვნელოვანია ისიც, რომ გრიპი და კორონავირუსი სრულიად ურთიერთსაწინააღმდეგოა ბავშვებთან მიმართებაში. თუ ბავშვებისთვის კორონავირუსი მართლა ნაკლებად საშიშია, როგორც გავრცელების სიხშირით, ისე ლეტალობის მიხედვით, გრიპი სრულიად საწინააღმდეგოა. ის უფრო ხშირია ბავშვებში. ასევე ბევრია გართულებით მიმდინარე შემთხვევები: ფილტვების ანთება, საავადმყოფოში მოთავსების აუცილებლობა. შესაბამისად, როდესაც ვიწყებთ მზადებას სეზონური მატებისთვის, საქართველოში ეს სეზონი იწყება ნოემბრიდან, ოთხი თვე არის მაღალი მაჩვენებელი. ბავშვები უნდა იყვნენ განსაკუთრებით ფრთხილად. ჯანდაცვის მსოფლიო ორგანიზაციის რეკომენდაციას ჩვენ უკვე წლებია ვითვალისწინებთ, რაც გულისხმობს რისკ-ჯგუფების გამოყოფას და ვაქცინაციას. პირველი რისკ ჯგუფი არის ექვსი თვიდან თვრამეტ წლამდე ასაკის ბავშვები. ეს რეკომენდაცია ყოველ წელს ახლდება. კორონავირუსის გამო ვამბობთ, რომ ეს ვაქცინა ოქტომბერშივე უნდა გაიკეთოთ, რომ მოემზადოთ სეზონისთვის. ეს არის ერთადერთი შესაძლებლობა გრიპის თავიდან აცილების. კორონავირუსის ვაქცინასაც, დიდი ალბათობით, წლის ბოლომდე მსოფლიო მიიღებს. გრიპის ვაქცინა აპრობირებულია და დიდი ხნის განმავლობაში არის მოხმარებაში. 1944 წლიდან იყენებენ გრიპის ვაქცინას. ჩემი რჩევაა ყველა მშობლისთვის, რომ თუ შვილი გყავთ ექვსი თვიდან თვრამეტ წლამდე ასაკის აუცილებალად ჩაუტარეთ ვაქცინაცია.“

ივანე ჩხაიძის თქმით, ექვსი თვის ასაკიდან ბავშვებს გარესამყაროსთან მეტი კონტაქტი აქვთ, რის გამოც მათი ვაქცინაცია აუცილებელია:

„ექვს თვემდე კონტაქტები მინიმალურია. ექვსი თვის შემდეგ ბავშვი უფრო მეტად გაჰყავთ გარეთ, უფრო მეტად არის საზოგადოებაში. ეს ასაკობრივი ჯგუფი, განსაკუთრებით ბაღის ფაქტორიდან გამომდინარე არის განსაკუთრებით მნიშვნელოვანი. ეს ვაქცინა არ არის ერთჯერადი. ამ ვაქცინას ყოველ წელს ვცვლით, მისი შემადგენლობა იცვლება. მხოლოდ ექვსი-შვიდი თვე მუშაობს ეს ვაქცინა. წელს თუ გაიკეთებთ, გაისადაც დაგჭირდებათ.“

ივანე ჩხაიძე აღნიშნავს, რომ ვაქცინა ბავშვის ჯანრმთელობისთვის საფრთხეს არ შეიცავს:

„არის თუ არა საშიში ვაქცინა? ეს მნიშვნელოვანი კითხვაა. ჩვენ სულ ვაფრთხილებთ დედებს, რომ ყველა ვაქცინას აქვს თავისი გვერდითი ეფექტი და უკუჩვენება. იმის გათვალისწინებით, რომ ეს ვაქცინა არის მკვდარი ვირუსის ბაზაზე შექმნილი, მას არ შეუძლია დაავადების გამოწვევა. არცერთი კლინიკური ნიშანი ამ ვაქცინის გაკეთების შემდეგ არ შეიძლება გამოვლინდეს. ეს ვაქცინა უბრალოდ ხელს უწყობს ორგანიზმში იმუნიტეტის გამომუშავებას. მისი ერთადერთი გვერდითი მოვლენა შეიძლება იყოს ვაქცინაციის ადგილზე შეწითლება, მტკივნეულობა. არანაირი სისტემური გვერდითი მოვლენა ამ ვაქცინას არ აქვს. წელს ვაქცინის გაკეთების რეკომენდაცია არის მკაფიო და მკაცრი.“

ივანე ჩხაიძის თქმით, საქართველომ ვაქცინაციის კუთხით მნიშვნელოვან წინსვლას და წარმატებას მიაღწია:

„საქართველო რეგიონში გამორჩეული ქვეყანაა. ჩვენ გვაქვს ერთ-ერთი ყველაზე მდიდარი ვაქცინაციის კალენდარი. ამერიკის შეერთებულ შტატებს შეუძლია 17 დაავადების საწინააღმდეგო ვაქცინა შესთავაზოს უფასოდ მოსახლეობას. ევროპის ქვეყნებში ეს რიცხვი არის 15-16. ჩვენ დღეს შეგვიძლია 13 დაავადების წინააღმდეგ დავიცვათ ჩვენი შვილები. ეს ვაქცინები ძალიან კომფორტულია. კომფორტულში იმას ვგულისხმობ, რომ ბოლო ხუთი წლის განმავლობაში ჩვენ სამი ახალი ვაქცინა შემოვიტანეთ: ფილტვების ანთების და თავის ტვინის ბაქტერიული დაზიანების საწინააღმდეგო, რომელიც ადრე არ იყო. შემოვიღეთ როტავირუსი, რომელიც ვირუსული დიარეების საწინააღმდეგოა. ეს ძალიან კარგი და ძალიან მნიშვნელოვანია ქვეყნისთვის. ასევე დავიწყეთ ექვს კომპონენტიანი ვაქცინაცია. ევროკავშირის ბევრი ქვეყანა ამ ვაქცინებს არ იყენებს, იმიტომ, რომ ძვირია. ერთი ნემსით ექვსი დაავადების წინააღმდეგ არის დაცული ბავშვი. კიდევ ერთი მნიშვნელოვანი ვაქცინაა პაპილომა ვირუსის საწინააღმდეგო აცრა. ეს არის ქალის საშვილოსნოს კიბოს საწინააღმდეგო ვაქცინა, რომელიც გარკვეული ასაკობრივი ჯგუფის გოგონებისთვის არის შემოღებული. ყველაფერი ასაკობრივად არის დალაგებული. როგორც კი დაიბადება ბავშვი, მაშინვე იღებს ორ ვაქცინას, ტუბერკულიოზისა და ჰეპატიტის საწინააღმდეგოს. ეს ყველა დედისთვის ცნობილია.“

ივანე ჩხაიძე აცხადებს, რომ ვაქცინის გვერდითი ეფექტები მინიმალურია:

„ექიმი ვაქცინაციის დროს აუცილებლად ამბობს, რომ ორი მოსალოდნელი რეაქცია არსებობს: სიწითლე ვაქცინაციის ადგილას და ტემპერატურა, რომელიც თავისით გაივლის. ამ დროს შეგიძლიათ გამოიყენოთ სიცხის დამწევი.“

„რამდენიმე დღის წინ დავიწყეთ ვაქცინაციის ინოვაციური მეთოდის გამოყენება. ბავშვს ვაძლევთ სპეციალურ ვირტუალურ სათვალეს, რომელსაც ის იკეთებს, უყურებს მულტფილმებს, შესაბამისად ვაქცინაციის პროცესი მისთვის არის უმტკივნეულო და კომფორტული,“ - აღნიშნავს ივანე ჩხაიძე.

წყარო: ​პოსტ ალიონი 

არ დაგავიწყდეთ !!!

დაემატეთ ჯგუფში საბავშვო რეცეპტები

„ყველა ვაქცინა, რომელიც შემოვა, არის კარგი, ამიტომ, რაც იქნება, იმით ავიცრათ,“ - ინფექციონ...
​ინფექციონისტი მაია ბუწაშვილი „სხვა შუადღეში“ კორონავირუსის შემთხვევების მატებას ეხმიანება და აცხადებს, რომ, შესაძლოა, მოვლენები სხვადასხვაგვარად განვითარდეს:„კორონავირუსის შემთხვევების გააქტიურება ორ...

შეიძლება დაინტერესდეთ

„განსაკუთრებით მინდა გამოვყო მორიელი და კირჩხიბი, რაც უნდა ხდებოდეს, ერთმანეთისგან შორს ვერ მიდიან,“ - სოფია ბზეკელავა ზოდიაქოს ნიშნებს შორის შეთავსებაზე

„განსაკუთრებით მინდა გამოვყო მორიელი და კირჩხიბი, რაც უნდა ხდებოდეს, ერთმანეთისგან შორს ვერ მიდიან,“ - სოფია ბზეკელავა ზოდიაქოს ნიშნებს შორის შეთავსებაზე

ასტროლოგმა სოფია ბზეკელავამ ზოდიაქოს ნიშნებს შორის შეთავსების შესახებ ისაუბრა და აღნიშნა, რომ ერთი სტიქიის ქვეშ გაერთიანებული ადამიანები ერთმანეთს უკეთ ეწყობიან:

„პირველ რიგში, აუცილებლად უნდა გავითვალისწინოთ სტიქია. ასტროლოგიაში არის მიწის, წყლის, ცეცხლისა და ჰაერის სტიქიები. ადამიანები, რომლებიც ერთი სტიქიის წარმომადგენლები არიან, ერთ ტალღაზე არიან. მაგ. თხის რქა, კურო და ქალწული არიან მიწის სტიქიის წარმომადგენლები. მათ ბევრი ისეთი შეხედულება აქვთ, რის გამოც ადვილად თავსდებიან ერთად. ​მიწის ნიშნები უფრო ოჯახის ადამიანები არიან. ცეცხლის სტიქიის ადამიანებს პირიქით, უყვართ მოძრაობა, საზოგადოებაში ყოფნა. ცეცხლის ნიშნები კარგად უგებენ ერმანეთს, მაგრამ მათი ოჯახი ხმაურიანი იქნება და შეიძლება თეფშები დაფრინავდეს. ეს არის ხალხი, რომელიც აალდება, იჩხუბებს, აფეთქდება და მერე ისევ შერიგდება. მათი რომანები ფეიერვერკულია.“

სოფია ბზეკელავას თქმით, მიწის ნიშნები მშვიდად თანაცხოვრობენ და ხმაურიანი ცხოვრება არ იზიდავთ:

„თხის რქა და კურო შეიძლება წყნარად ცხოვრობდნენ თავისთვის და არავის შეაწუხებენ თავიანთი ურთიერთობით. ვერძი და ლომი აუცილებლად მოახერხებენ, რომ მეზობლებს გააგებინონ, როგორ უყვართ ერთმანეთი. წყლის ნიშნები ღრმა ადამიანები არიან და მათთვის მნიშვნელოვანია ემოციური ბმა პარტნიორთან. შესაძლოა, მთელი დღის მანძილზე ისინი ერთმანეთთან არც ლაპარაკობდნენ, მაგრამ ძალიან კარგად ესმით ერთმანეთის. განსაკუთრებით მინდა გამოვყო მორიელი და კირჩხიბი. ერთი არის მაზოხისტი, მეორე კი სადისტი. ეს არის პრინციპი მელას უყვარს თავისი მახრჩობელა. რაც უნდა ხდებოდეს მათ ურთიერთობაში და რაც უნდა აწყენინონ ერთმანეთს, ერთმანეთისგან შორს მაინც ვერ მიდიან. ​ჰაერის სტიქიის წარმომადგენლებს შორის ურთიერთობა არის ძალიან მსუბუქი. ეს ნიშნები არ გამოირჩევიან განსაკუთრებული ეჭვიანობით. მათთვის მნიშვნელოვანია სოციალური იმიჯი. ისინი ლოიალურები არიან პარტნიორების მიმართ. ისინი კარგად ახერხებენ, რომ პარტნიორს სივრცე დაუტოვონ განვითარებისთვის და თავადაც განვითარდნენ. მათთვის ურთიერთობაში ყველაზე მთავარია ინტელექტუალური კავშირი.“

„მიწის სტიქია კარგად უგებს წყლის სტიქიას. მათი ხასიათის თვისებები რაღაცით მსგავსია. ისინი უფრო პრივატულები, ოჯახზე, სიმშვიდეზე ორიენტირებულები არიან. ცეცხლი და ჰაერი კაგრად ეწყობა ერთმანეთს. ​ვერძი და ტყუპები იდეალურად შეიძლება შეეწყონ ერთმანეთს, მერწყული და მშვილდოსანი ძალიან კარგი წყვილია. არ არსებობს ნიშანი, რომელზეც შეგიძლიათ თქვათ, რომ მე ამ ნიშნით ვარ დაბადებული, შენ ვერ გეწყობი და კარგად იყავი,” - აღნიშნულ საკითხებზე სოფიო ბზეკელავამ ტელეკომპანია „მთავარის“ გადაცემაში „შენი დილა“ ისაუბრა.

წყარო:​ „შენი დილა“

წაიკითხეთ სრულად