ფილტვი ერთ-ერთი ყველაზე მნიშვნელოვანი ორგანოა, რომელიც ადამიანის ორგანიზმს სასიცოცხლო ფუნქციის შენარჩუნებაში ეხმარება. ჰაერის დაბინძურება, მოწევა და სხვა მავნე ჩვევები ისეთი სერიოზული გართულებებისა და დაავადებების განვითარებას უწყობს ხელს, როგორებიცაა: პნევმონია, ბრონქიტი, ასთმა და ა.შ. ფილტვის ჯანმრთელობაზე ზრუნვა ნებისმიერი ადამიანისთვის აუცილებელია. დღეს, როდესაც ახალი ტიპის კორონავირუსის მასობრივი გავრცელების პრობლემის წინაშე აღმოვჩნდით, სასუნთქი გზების სიჯანსაღეზე ზრუნვამ კიდევ უფრო დიდი დატვირთვა და მნიშვნელობა შეიძინა.
Covid-19-ის ვირუსი ორგანიზმში შეღწევისას პნევმონიის განვითარებას უწყობს ხელს, რის გამოც დაინფიცირებულებს სუნთქვა საგრძნობლად უჭირთ. სუსტი ჯანმრთელობის მქონე ადამიანებისთვის კორონავირუსი სერიოზულ საფრთხეს წარმოადგენს, სწორედ ამიტომ, მის წინააღმდეგ ბრძოლაში პრევენციული ღონისძიებების გატარებას უდიდესი მნიშვნელობა ენიჭება. ფილტვების გაძლიერებაზე თუ ზრუნავთ, თქვენს ყოველდღიურ რაციონში ისეთი პროდუქტები უნდა ჩართოთ, რომლებიც სასუნთქი გზების გაჯანსაღებისთვის ძალიან სასარგებლოა.
ნიგოზი
ნიგოზი დიდი რაოდენობით შეიცავს Omega 3-ის ჯანსაღ ცხიმებს, რის გამოც ორგანიზმში ანთებითი პროცესების გავრცელებას მნიშვნელოვნად უშლის ხელს. ნიგოზი მდიდარია E ვიტამინითაც. დილის საათებში რამდენიმე ნიგვზის მირთმევა თქვენს იმუნიტეტს საგრძნობლად გააძლიერებს. ნიგოზი ხელს უწყობს ჯანსაღი სისხლის წითელი უჯრედების წარმოქმნას და ზრდის ფილტვის ტევადობას.
მწვანე ჩაი
ანტიოქსიდანტებით მდიდარი მწვანე ჩაი ორგანიზმში ანთებითი პროცესების გავრცელებას უშლის ხელს. თუ თქვენ ჯანმრთელობის პრობლემები გაწუხებთ, მწვანე ჩაის მირთმევა ორგანიზმის საერთო მდგომარეობის გაუმჯობესებაში ძალიან დაგეხმარებათ. მასში დიდი რაოდენობით გვხვდება პოლიფენოლი - ეპიგალოკატეხინის გალატი, რომელიც ფილტვში სიმსივნური უჯრედების გამრავლებას მნიშვნელოვნად უშლის ხელს. მწვანე ჩაი ძლიერ ნაერთს, თეოფილინსაც შეიცავს, რომელიც ბრონქოლიზური მოქმედებით გამოირჩევა და შევიწროვებულ ბრონქებს აფართოვებს.
ნიორი
ნიორი უხვად შეიცავს ანტიოქსიდანტებსა და ანთების საწინააღმდეგო ნაერთებს, რის გამოც ის ფილტვში ოქსიდაციური სტრესის განვითარებისგან გიცავთ. ჩინეთში ჩატარებულმა ერთ-ერთმა კვლევამ აჩვენა, რომ კვირის განმავლობაში 2-ჯერ უმი ნივრის მირთმევა ფილტვის სიმსივნის განვითარებას მნიშვნელოვნად უშლის ხელს.
მომზადებულია india.com-ის მიხედვით
თარგმნა ია ნაროუშვილმა
არ დაგავიწყდეთ !!!
Momsedu.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. Მოიწონეთ გვერდი Momsedu.ge - მცოდნე დედებისთვის
