Baby Bag

„კორონავირუსი ბავშვებისთვის ნაკლებად სახიფათოა“ - ვანკუვერის რეგიონული ჯანდაცვის ცენტრის განცხადება

„კორონავირუსი ბავშვებისთვის ნაკლებად სახიფათოა“ - ვანკუვერის რეგიონული ჯანდაცვის ცენტრის განცხადება

კორონავირუსის სწრაფი გავრცელების გამო მსოფლიო მასშტაბით დაავადებისადმი შიშები მძაფრდება. აღნიშნული ვირუსით უკვე ათასობით ადამიანი დაავადდა და 100-ზე მეტი გარდაიცვალა. მიუხედავად იმისა, რომ კორონავირუსი ხშირად ფატალურ შედეგებს იწვევს და სწრაფად ვრცელდება, კანადის საგანმანათლებლო სფეროს წარმომადგენლები მშობლებს სიმშვიდისკენ მოუწოდებენ. ვანკუვერის საგანმანათლებლო საბჭოს ინფორმაციით, აღნიშნული ვირუსი ბავშვებისთვის ნაკლებად სახიფათოა.

კანადაში კორონავირუსის არცერთი შემთხვევა ოფიციალურად არ დადასტურებულა, თუმცა მის ჩრდილოეთ ნაწილში რამდენიმე შეუძლოდ მყოფ ადამიანს უსაფრთხოების მიზნით სამედიცინო შემოწმება ჩაუტარდა. ვანკუვერის რეგიონული ჯანდაცვის ცენტრმა მშობლებს სპეციალური განცხადებით მიმართა და მათ სიმშვიდისკენ მოუწოდა. ჯანდაცვის სფეროს წარმომადგენლების თქმით, ბავშვებს დაინფიცირების საფრთხე ნაკლებად ემუქრებათ.

მართალია, კორონავირუსი ბავშვებისთვის ნაკლებ საფრთხეს წარმოადგენს, მაგრამ მიუხედავად ამისა, ვანკუვერის დაავადებათა კონტროლის ცენტრმა მშობლებს ბავშვების უსაფრთხოებაზე ზრუნვისკენ მოუწოდა. მათი თქმით, ვირუსის თავიდან აცილების მიზნით ჰიგიენის გარკვეული წესების დაცვა აუცილებელია. ბავშვებმა ხელები რეგულარულად უნდა დაიბანონ, გაციების ან გრიპის შემთხვევაში პატარები სახლში უნდა დარჩნენ, დაცემინების ან დახველების შემთხვევაში ადამიანებმა სახეზე ხელები უნდა აიფარონ, რათა ნებისმიერი სახის ვირუსული დაავადების გავრცელების თავიდან აცილება შეძლონ.

ვანკუვერის რეგიონალური ჯანდაცვის ორგანიზაცია მოსახლეობას აფრთხილებს, რომ კორონავირუსის გავრცელება ხველებით და ცემინებით ხდება, სწორედ ამიტომ, ნებისმიერი შეუძლოდ მყოფი ადამიანი, გრიპის ან გაციების მსუბუქი სიმპტომების გამოვლენის შემთხვევაშიც კი აუცილებლად სახლში უნდა დარჩეს.


კანადის სამედიცინო სფეროს წარმომადგენლების თქმით, მიუხედავად კორონავირუსის მასშტაბურად გავრცელების დაბალი ალბათობისა, ისინი დაავადების წინააღმდეგ ბრძოლისთვის მზად არიან.

მომზადებულია ​bc.ctvnews.ca-ის მიხედვით

თარგმნა ია ნაროუშვილმა

შეიძლება დაინტერესდეთ

კორონავირუსით დაინფიცირებულმა ქალმა ჯანმრთელი ბავშვი გააჩინა

კორონავირუსით დაინფიცირებულმა ქალმა ჯანმრთელი ბავშვი გააჩინა

ჩინეთში კორონავირუსით დაინფიცირებულმა ქალმა საკეისრო კვეთით ჯანმრთელი ბავშვი გააჩინა. ექიმებმა საკეისრო კვეთის გადაწყვეტილება მას შემდეგ მიიღეს, რაც დედის მდგომარება დამძიმა. 

ახალდაბადებული ბავშვი 3.05 კილოგრამს იწონის. ექიმებმა ჩვილის ჯანმრთელობის მდგომარეობა აპგარის 10 ქულიან სკალაზე 10 ქულით შეაფასეს.

დედისა და ბავშვის მდგომარეობა ამ ეტაპზე სტაბილურია და ისინი ექიმების მუდმივი ზედამხედველობის ქვეშ არიან. 

შეგახსენებთ, რომ ამჟამად ახალი კორონავირუსით ინფიცირებულთა რიცხვი 17 485-ს შეადგენს, გარდაცვლილთა რაოდენობა 362-ს აღწევს, განკურნებულია 493 ადამიანი. 

მომზადებულია ​ecns.cn​-ის მიხედვით

არ დაგავიწყდეთ !!!

Moms.ge-მ თქვენთვის, ქალებისთვის შექმნა ახალი სივრცე, სადაც ყველაზე მცოდნე დედები იყრიან თავს. ჯგუფის დასახელებაც სწორედ ასეა - „მცოდნე დედების ჯგუფი“, რომლის საშუალებით დედები ერთმანეთს საკუთარ გამოცდილებას გაუზიარებენ. (ჯგუფში გასაწევრიანებლად ნახეთ ბმული - „მცოდნე დედების ჯგუფი“)


წაიკითხეთ სრულად