ახალი წლის დადგომას მყუდრო და საოჯახო გარემოში თუ ამჯობინებთ, დროის სასიამოვნოდ გასატარებლად საახალწლო ფილმების ყურებას გირჩევთ. კინოს სადღესასწაულო განწყობის შექმნის საოცარი უნარი აქვს. თუ 31 დეკემბრის ღამეს სახლში დარჩებით, შეგიძლიათ საყვარელი ტკბილეული მოიმარაგოთ და ჩვენ მიერ შემოთავაზებული ფილმების ნუსხიდან თქვენთვის სასურველი ფილმი შეარჩიოთ...
• შვებულება
ნენსი მეიერსის რომანტიკული კომედია საახალწლო განწყობის შესაქმნელად ერთ-ერთი საუკეთესო არჩევანია. ფილმი საოცრად ლამაზად არის გადაღებული. კამერონ დიასისა და ქეით უინსლეტის საოცარი შესრულება რომანტიკულ განწყობაზე დაგაყენებთ. ფილმის ორივე მთავარი გმირი სიყვარულს სწორედ მაშინ პოულობს, როდესაც ამას საერთოდ არ ელის. მართალია, ახალი წელი მხოლოდ ფილმის დასასრულს დგება და საახალწლო სცენები ფილმში უხვად არ გვხვდება, მაგრამ მიუხედავად ამისა, „შვებულება“ თავისუფლად შეგვიძლია ჩავთვალოთ ერთ-ერთ საუკეთესო საახალწლო ფილმად.
• ახალ წელს გილოცავ, ჩარლი ბრაუნ!
სახლში პატარები თუ გყავთ, მათთან ერთად ჩარლი ბრაუნის საახალწლო თავგადასავლის ყურება უდიდეს სიამოვნებას მოგანიჭებთ. ფილმის მთავარი გმირი ძალიან აღელვებულია, რადგან, შესაძლოა, საახალწლო წვეულებაზე მისვლა დააგვიანდეს.
• ვიღაც შენი მსგავსი
შეყვარებულისგან უამრავი გულისტკენისა და ღალატის გადატანის შემდეგ (ახალი წლის სევდიანად გატარების ჩათვლით) ეშლი ჯადის გმირი საკუთარი ცხოვრების მართვას თავად იწყებს. მას თავდაჯერება ემატება და აღნიშნული ცვლილება მთავარი გმირის ცხოვრებას მთლიანად ცვლის.
• ქირა
დაუვიწყარი საახალწლო თავგადასავლის მოწყობა თუ გსურთ, ყველა დროის ერთ-ერთი საუკეთესო მიუზიკლის საყურებლად მოემზადეთ. ფილმის პირველი ნაწილი ახალი წლის დღესასწაულზე განვითარებული მოვლენების შესახებ გვიყვება.
• ტოსკანის მზის ქვეშ
მართალია, აღნიშნულ ფილმში ერთ საახალწლო სცენასაც ვერ შეხვდებით, მაგრამ ის მთავარი გმირის ცხოვრებაში სრულიად ახალი ეტაპის შესახებ მოგვითხრობს. ფილმი განახლების, ახალი შესაძლებლობების აღმოჩენის და ხელახლა დაბადების რწმენას შთაგინერგავთ, რაც ახალი იმედებით და მოლოდინებით აგავსებთ. თუ თქვენთან ძალიან ცივა, ტოსკანის მზიანი პეიზაჟების დანახვა ზამთრის სუსხს გადაგავიწყებთ და განწყობის ამაღლებაში დაგეხმარებათ. ძველ წელს აუცილებლად დადებითი განწყობით უნდა დაემშვიდობოთ.
• უძინარნი სიეტლში
ფილმი დაქვრივებული მთავარი გმირის ისტორიას მოგვითხრობს, რომელიც ყოფილ მეუღლესთან განშორებას ძალიან განიცდის. ის საახალწლოდ გარდაცვლილ მეუღლესთან საუბარზე ოცნებობს. მართალია თომ ჰენქსის გმირს უდიდეს ტრაგედიასთან უხდება გამკლავება, მაგრამ ის სიყვარულს კვლავ პოულობს, როდესაც ჟურნალისტ ენის გაიცნობს.
• 200 სიგარეტი
ფილმი 80-იანი წლების საახალწლო წვეულებაზე განვითარებული მოვლენების შესახებ მოგვითხრობს. მასში 90-იანი წლების ისეთი კინოვარსკვლავები მონაწილეობენ, როგორებიც არიან: ქეით ჰადსონი, დეივ ჩეპელი და პაულ რუდი.
• როზმარის ბავშვი
აუცილებელი სულაც არ არის, რომ ახალ წელს მხოლოდ კომედიების ყურებით დაკავდეთ. თუ საშინელებათა ჟანრს ანიჭებთ უპირატესობას, „როზმარის ბავშვი“ საახალწლოდ აუცილებლად ნახეთ. ფილმის ერთ-ერთი სცენა სწორედ ახალი წლის დღესასწაულზე განვითარებულ მოვლენებს ასახავს.
• მარტოხელა დედა
„მარტოხელა დედა“ კლასიკური რომანტიკული კომედიაა, რომელშიც მთავარ როლს ჯინჯერ როჯერსი ასრულებს. ფილმი მაღაზიის მფლობელის ვაჟისა და გამყიდველი ქალის სასიყვარულო თავგადასავალზე მოგვითხრობს.
• ბიჭის შესახებ
ამ არაჩვეულებრივ ფილმში მთავარ როლს ჰიუ გრანტი ასრულებს, მოვლენები კი ახალი წლის დღესასწაულზე ვითარდება.
• სანამ შენ გეძინა
ფილმი სანდრა ბულოკის გმირის რომანტიკული თავგადასავლების შესახებ მოგვითხრობს. მოვლენები კი ახალი წლისა და შობის დღესასწაულებზე ვითარდება.
• როცა ჰარი შეხვდა სალის
ბილი კრისტალისა და მეგ რაიანის სასიყვარულო ისტორიის ყურებისას ცრემლების შეკავება გაგიჭირდებათ. მათი თავგადასავალი კულმინაციას საახალწლო წვეულებაზე აღწევს.
• სადღესასწაულო სასტუმრო
მიუზიკლები თუ გხიბლავთ ეს საახალწლო ფილმი სწორედ თქვენთვის არის. მასში ლეგენდარული ფრედ ასტერი და მარჯორი რეინოლდსი მონაწილეობენ.
• ბრიჯიტ ჯონსის დღიური
მომხიბლავი ბრიტანული რომანტიკული კომედია ბრიჯიტ ჯონსის საოცარი თავგადასავლების შესახებ მოგვითხრობს. ფილმის მოქმედება ახალ წელს იწყება და მომდევნო ახალი წლის დღესასწაულზე დაუვიწყარი კოცნით სრულდება,
• დაუვიწყარი რომანი
დებორა კერისა და კერი გრანტის რომანტიკული ისტორია იდეალური ახალი წლის შესახებ თქვენს წარმოდგენებს უფრო გაამძაფრებს.
• ნათლია (მეორე ნაწილი)
მაფიოზური კლანების შესახებ ფილმების ყურება თუ მოგწონთ, შეგიძლიათ არჩევანი „ნათლიაზე“ შეაჩეროთ. რომანტიკული ისტორიებით ტკბობის ნაცვლად, მძაფრსიუჟეტიანი ფილმის ყურებით ისიამოვნეთ. თუ, რა თქმა უნდა, აღნიშნული ჟანრი მოგწონთ.
• გამხდარი ადამიანის შემდეგ
აღნიშნული ფილმი დეტექტივების მოყვარულებს ნამდვილ თავგადასავალს პირდება. მთავარი გმირები მისტიკურ მკვლელობას იძიებენ, მოვლენები კი ახალი წლის დღესასწაულზე ვითარდება.
• ადგილთა გაცვლა
ახალი წლის მხიარულად დაწყება თუ გსურთ, „ადგილთა გაცვლა“ აუცილებლად ნახეთ. ედი მერფის საოცარი შესრულება და კომიკური სიუჟეტებით სავსე ფილმი სასიამოვნო განწყობის ჩამოყალიბებაში დაგეხმარებათ.
• მოჩვენებებზე მონადირენი 2
სამი მკვლევარი ადამიანებისა და სახლების ავი სულებისგან გადარჩენაზე ზრუნავენ. ფილმი ზღაპარში გამოგზაურებთ და მხიარულებასაც გპირდებათ.
• ოუშენის 11 მეგობარი
მძარცველთა წამოუდგენელი თავგადასავლის ხილვა თუ გსურთ, „ოუშენის 11 მეგობარს“ ჩაუჯექით. ფილმში მოვლენები საოცრად საინტერესოდ ვითარდება და მაყურებლის გაოცებას იწვევს.
• პოსეიდონის თავგადასავალი
გემის ჩაძირვის შემდეგ ადამიანები თვითგადარჩენისთვის ყველაფერს აკეთებენ. თუ მძაფრსიუჟეტიანი ფილმები გიზიდავთ, 1979 წელს გადაღებული „პოსეიდონის თავგადასავალთან“ ერთად 2006 წელს გამოსული „პოსეიდონიც“ ნახეთ.
• სექსი დიდ ქალაქში (ფილმი)
ფილმი ოთხი მეგობრის ისტორიებს მოგვითხრობს. მისი ნახვის შემდეგ მიხვდებით, რომ დღესასწაულზე არამხოლოდ რომანტიკული განწყობა გვჭირდება, არამედ ნამდვილი მეგობრების თანადგომაც.
• ბინა
1960 წელს ფილმმა საუკეთესო სურათისთვის ოსკარი მიიღო. შირლი მაკლეინისა და ჯეკ ლემონის საოცარი შესრულების ნახვა თუ გსურთ, ამ ფილმს აუცილებლად უყურეთ.
• ახალი წლის ღამე
„ნამდვილი სიყვარულის“ მსგავსად აღნიშნული ფილმიც სადღესასწაულო განწყობის შექმნაზეა ორიენტირებული. ის საოცარ სასიყვარულო თავგადასავლებზე გიყვებათ და რომანტიკულ განწყობაზე გაყენებთ.
• სანსეტ ბულვარი
„სანსეტ ბულვარი“ ბედნიერ ახალ წელზე ნამდვილად არ მოგითხრობთ, მაგრამ ამერიკული ნუარის ჟანრის მწვერვალის ხილვა თუ გსურთ, მის ნახვაზე უარი არ უნდა თქვათ.
მომზადებულია countryliving.com-ის მიხედვით
თარგმნა ია ნაროუშვილმა
წაიკითხეთ სრულად
