Baby Bag

„დარიჩინს სუპერ სანელებელს უწოდებენ, რადგან ის ერთ-ერთ პირველ ადგილზეა თავისი სასარგებლო თვისებებით,“- ლევან რატიანი

„დარიჩინს სუპერ სანელებელს უწოდებენ, რადგან ის ერთ-ერთ პირველ ადგილზეა თავისი სასარგებლო თვისებებით,“- ლევან რატიანი

პირველი საუნივერსიტეტო კლინიკის დირექტორმა ლევან რატიანმა პასკაში შემავალი ინგრედიენტების სასარგებლო თვისებებზე ისაუბრა:

„დარიჩინის ჩხირი მიიღება დარიჩინის ხისგან. შემდეგ ამ ჩხირს ფქვავენ და წარმოიქმნება დარიჩინის ფქვილი. დარიჩინის ფქვილი გამოიყენება საკვებ პროდუქტებში როგორც სანელებელი. ის შეიცავს ისეთ ნივთიერებებს, როგორიცაა ანტიოქსიდანტები. სწორედ ანტიოქსიდანტური თვისების გამო ის მონელების პროცესს უწყობს ხელს. ის ერთ-ერთ პირველ ადგილზეა თავისი სასარგებლო თვისებებით. ამიტომაც უწოდებენ მას სუპერ სანელებელს.

მუსკატის კაკალი შეიცავს B ჯგუფის ვიტამინებს, რკინას, მაგნიუმს, კალციუმს. მუსკატს ახასიათებს ანტისპაზმური, ანტიდეპრესიული და შფოთვის საწინააღმდეგო მოქმედება. ძველ ინდოეთში ვისაც ჰქონდა უძილობა და შფოთვა, მუსკატის ფხვნილს მოუფრქვევდნენ ხოლმე ბალიშზე.

ქიშმიში შეიცავს მიკროელემენტებს, განსაკუთრებით დიდი რაოდენობით რკინას, B ჯგუფის ვიტამინებსა და E ვიტამინს,“- აღნიშნულ თემაზე ლევან რატიანმა ტელეკომპანია „რუსთავი 2“-ის გადაცემაში „ექიმები“ ისაუბრა.

წყარო: ​„ექიმები“

შეიძლება დაინტერესდეთ

საქართველოში პირველად, მარცხენა წინაგულის ყურის დახურვის თანამედროვე პროცედურა „ნიუ ჰოსპიტალსში“ ჩატარდა

საქართველოში პირველად, მარცხენა წინაგულის ყურის დახურვის თანამედროვე პროცედურა „ნიუ ჰოსპიტალსში“ ჩატარდა

„ნიუ ჰოსპიტალსში“ მოციმციმე არითმიის ქრონიკული ფორმის მქონე პაციენტს ინსულტის რისკის შემცირების თანამედროვე ჩარევა ჩაუტარდა. მარცხენა წინაგულის ყურის დახურვის პროცედურა საქართველოში პირველად „ნიუ ჰოსპიტალსის“ ინტერვენციული კარდიოლოგიის სამსახურის ხელმძღვანელმა, ​ლაშა მოსიაშვილმა წარმატებით შეასრულა.

თემის ირგვლივ ​MOMSEDU.GE -ს მკითხველს თავად ლაშა მოსიაშვილი ესაუბრება:

„პროცედურის საშუალებით შესაძლებელია კათეტერიზაციის ლაბორატორიაში, გულმკერდზე განაკვეთის გარეშე მოხდეს გულის მარცხენა წინაგულის ყურის დახურვა. პროცედურის დროს ხდება მარცხენა წინაგულის ყურში იმპლანტის განთავსება, რომელიც ავსებს რა წინაგულს, ხელს უშლის გულის ამ სივრცეში სისხლის შედინებას. შედეგად, მცირდება ინსულტის რისკი, რადგანაც სწორედ მარცხენა წინაგულის ყური წარმოადგენს გულის იმ სივრცეს, სადაც როგორც წესი, მდორე დინების გამო შესაძლებელია მოხდეს სისხლის შედედება, თრომბული მასების ფორმირება და შემდგომ სისხლის ნაკადით ამ მასების სხვადასხვა ორგანოებში მოხვედრა, რაც იწვევს ინსულტს და სხვა ორგანოების თრომბოზებს.“

მოციმციმე არითმია, როგორც წესი, 60 წელს გადაცილებულ პაციენტებს აღენიშნებათ. დაავადების დროს ხდება წინაგულების არასინქრონიზებული შეკუმშვა, ჩვეული რიტმიდან გადახვევა. დაავადებას ჩვეულებრივ მედიკამენტოზურად ან ტრანსკათეტერული გზით მკურნალობენ, თუმცა, არაერთი შემთხვევაა, როდესაც სხვადასხვა ანატომიური თავისებურებისა თუ დაავადებების გამო მოციმციმე არითმია ქრონიკულ ფორმაში გადაჰყავთ. ასეთ დროს, ემბოლიების წარმოქმნის ასარიდებლად, პაციენტებს სხვადასხვა ჯგუფის ანტიკოაგულანტს ანუ სისხლის გამათხელებლებს უნიშნავენ, რომლის გამოყენება სხვადასხვა სისხლდენის გამოწვევის მაღალი რისკფაქტორია, მაღალ ასაკში კი მდგომარეობა სიცოცხლისთვის საშიში შეიძლება აღმოჩნდეს.

- რა ჩვენებების მქონე პაციენტებს უტარდებათ თანამედროვე პროცედურა?

ლაშა მოსიაშვილი: „პაციენტების შერჩევას ორი მაჩვენებელი აქვს, ესენი არიან პაციენტები მოციმციმე არითმიის მუდმივი ფორმით, რომლებსაც აქვთ თავის ტვინში სისხლის მიმოქცევის დარღვევის, ანუ ინსულტის განვითარების მაღალი რისკი და პაციენტები, რომლებსაც მოციმციმე არითმიის ფონზე ვერ ენიშნებათ ანტიკოაგულაციური თერაპია.“

აღნიშნული პროცედურა მსოფლიოში რამდენიმე წელია დაინერგა და ახლა უკვე საქართველოშიც წარმატებით ტარდება. მიდგომა მნიშვნელოვან მიღწევას წარმოადგენს ინტერვენციულ კარდიოლოგიაში და პაციენტების სიცოცხლის გადარჩენის შესაძლებლობას ქმნის. პროცედურა მინიმალურად ინვაზიურია, შესაბამისად, რეაბილიტაციის პროცესიც სწრაფად და მარტივად მიმდინარეობს.

შეგახსენებთ, რომ „ნიუ ჰოსპიტალსი“ ევროპული სტანდარტების დაცვით აშენებული, ულტრათანამედროვე ტექნოლოგიებით აღჭურვილი, მრავალპროფილური კლინიკაა, რომელიც 2011 წლიდან უმაღლესი ხარისხის სტაციონარულ და ამბულატორიულ სერვისებს სთავაზობს პაციენტებს. კარდიოლოგიური დეპარტამენტის მაღალკვალიფიციური გუნდი უახლესი აპარატურის გამოყენებით, თანამედროვე სტანდარტების შესაბამისად უზრუნველყოფს გულის დაავადებათა სრული სპექტრის დიაგნოსტირებასა და მკურნალობას.

R.

წაიკითხეთ სრულად