Baby Bag

„რატომ არ შეიძლება ბავშვისთვის თავში ხელის წამორტყმა?“- გიორგი ღოღობერიძის რეკომენდაცია

„რატომ არ შეიძლება ბავშვისთვის თავში ხელის წამორტყმა?“- გიორგი ღოღობერიძის რეკომენდაცია

​ექიმმა გიორგი ღოღობერიძემ ბავშვისთვის თავის არეში ხელის წამორტყმის საფრთხეებსა და მოსალოდნელ მძიმე შედეგებზე ისაუბრა:

„მინდა მოგიყვეთ, რა შეიძლება მოჰყვეს, როდესაც ვიღაც ბავშვს თავის არეში წამოარტყამს ხელს. საქართველოში ზოგიერთი ადამიანი მაინც გამოირჩევა უხეშობით და ბავშვზე ხელს იღებს. როდესაც ბავშვს ურტყამს ვინმე თავის არეში, ამას შეიძლება მოჰყვეს გარკვეული გართულებები. სერიოზული გართულება, რომელიც ამას მოჰყვება, შეიძლება იყოს სისხლჩაქცევა თავის ტვინში. შეიძლება ადამიანს სისხლჩაქცევა ჰქონდეს მსუბუქი, მაგრამ მისი გართულება შემდგომში იყოს მძიმე. ერთ-ერთი მდგომარეობა არის უშაქრო დიაბეტი.“

„როდესაც ბავშვს თავის არეში ხელს წამოარტყამენ, ამას შეიძლება მოჰყვეს სისხლჩაქცევა ჰიპოთალამუსში. შესაძლოა ამ დროს დაზიანდეს ბირთვები და ჰიპოთალამუსმა აღარ გამოყოს ანტიდიურეზული ჰორმონი და განვითარდეს ცენტრალური გენეზის უშაქრო დიაბეტი. ამ დროს თირკმელები ვეღარ ახერხებს შარდში არსებული წყლის სხეულში დაბრუნებას. მე წყალს ორგანიზმიდან ვკარგავ, რადგან ის რჩება მხოლოდ შარდში. ამ მდგომარეობის დროს ადამიანმა, შესაძლოა, დღე-ღამეში 20 ლიტრიც კი მოშარდოს. საბოლოო ჯამში გამოშრები. შენი სხეულიდან წყალი დაიკარგება და გექნება გაძლიერებული წყურვილის შეგრძნება. შესაძლოა, გამოშრობის ეპიზოდებს მოჰყვეს კრუნჩხვები. ამ დროს ორგანიზმიდან იკარგება დიდი რაოდენობით კალიუმი, რაც იწვევს კუნთების დადამბლავებას, ადამიანის გულისცემა გაიშვიათდება, შეიძლება გული გაჩერდეს კიდეც. თავის მიდამოში უბრალო ხელის წამორტყმას, ბავშვში შეიძლება მოჰყვეს უშაქრო დიაბეტის განვითარება და გულის გაჩერებაც კი. უშაქრო დიაბეტის შემთხვევათა 16% ბავშვებში სწორედ ამ ტრავმებით არის გამოწვეული. ბევრმა უნდა იცოდეს, რა შეიძლება მოჰყვებს ბავშვისთვის თავში უბრალო ხელის წამორტყმას, რაც დაუშვებელია,“- აღნიშნა გიორგი ღოღობერიძემ.

წყარო: ​Usmle მოსამზადებელი ცენტრი

შეიძლება დაინტერესდეთ

რომელი სახეობის ხორცია უფრო სასარგებლო ორგანიზმისთვის და რა სიხშირით უნდა მივიღოთ?

რომელი სახეობის ხორცია უფრო სასარგებლო ორგანიზმისთვის და რა სიხშირით უნდა მივიღოთ?

დღეს სამშაბათიადა მედიაპორტალი MomsEdu.ge ტრადიციულ რუბრიკას - ენდოკრინოლოგის რეკომენდაციებს წარმოგიდგენთ. რა დადებითი თვისებები გააჩნია ხორცს ორგანიზმისთვის, რომელი სახეობის ხორცია უფრო სასარგებლო და რა სიხშირით უნდა მივიღოთ? - ენდოკრინოლოგ-ნუტრიციოლოგი თინათინ კაჭარავა ამჯერად ამ თემაზე მოგაწვდით კომპეტენტურ ინფორმაციას. 

განვიხილოთ ორგანიზმისთვის ძალიან მნიშვნელოვანი პროდუქტი - ხორცი. ჩვენს ქვეყანაში ხორცეულიდან უფრო ხშირად გამოიყენება საქონლის (კონკრეტულად ძროხის), ქათმის და ღორის ხორცი. ხორცი არის ცილების საბადო, რომელთა როლი შეუცვლელია ჩვენი ორგანიზმისთვის, განსაკუთებით კი მოზარდთა ასაკისთვის, რადგან ამ დროს ხდება ორგანიზმის განვითარება და კუნთური მასის ჩამოყალიბება. ცილების შემცველობის მხრივ მეტად მდიდარია ფრინველის ხორცი, ვიდრე საქონლის. 

​ხორცი არის რკინის, ბ ჯგუფის ვიტამინების და ასევე სხვა მიკრო- მაკრო ელემენტების საბადო. აქვე გამოვყოთ, რომ საქონლის ხორცში რკინის შემცველობა ბევრად მეტია, ვიდრე ქათმის ხორცში. რაც შეეხება ღორის ხორცს, მასში დიდი რაოდენობთ ცხიმის არსებობის გამო ორგანიზმისთვის ნაკლებად სასარგებლო პროდუქტია და უნდა ვეცადოთ, მისი მოხმარება მინიმუმამდე 
იყოს დაყვანილი. ხორცის მირთმევის დროს ყოველთვის უპირატესობა უნდა მივანიჭოთ მოხარშულ ხორცს. შემწვარი ხორცი კარგავს სასარგებლო თვისებებს, ამიტომ ვეცადოთ, რაციონში გვქონდეს მოხარშული საქონლის და ქათმის ხორცი (ხორცის ამ ორ სახეობას გამოვყოფ, რადგან ხორცის სხვა სახეობებთან შედარებით მათ ორგანიზმი უფრო იოლად ინელებს და არ ხდება კუჭ-ნაწლავის ტრაქტის გაღიზიანება).
ყველას აინტერესებს, რა სიხშირით არის რეკომენდებული ხორცის მიღება ორგანიზმისთვის. ხორცეულის, შეუძლიათ მოხარშული ხორცი თითქმის ყოველდღიურად ჰქონდეთ რაციონში 150-200 გრ. ოდენობით (ვსაუბრობთ პრაქტიკულად ჯანმრთელ მოსახლეობაზე, რომელთაც არ აქვთ რაიმე კონკრეტული შეზღუდვები), ხოლო მათ, ვინც არ არიან ხორცეულის მოყვარული, რეკონედებულია კვირაში სამჯერ მიირთვან ხორცით მდიდარი საკვები.
აქვე მინდა შევეხო, რომ ორ დღეში ჩვენს ქვეყანაში ხსნილდება შობის მარხვა, ასეთ დროს სასურველია, რომ მცირე ულუფით მოხარშული, უცხიმო ხორცი მივირთვათ და შემწვარი, ცხიმიანი ხორცით არ გავაღიზიანოთ კუჭ-ნაწლავი, რადგან შესაძლოა, ამით სერიოზული დისკომფორტი მივაყენოთ საჭმლის მომნელებელ სისტემას.

გისურვებთ ჯანმრთელობას!

წაიკითხეთ სრულად