Baby Bag

„რატომ არ შეიძლება ბავშვისთვის თავში ხელის წამორტყმა?“- გიორგი ღოღობერიძის რეკომენდაცია

„რატომ არ შეიძლება ბავშვისთვის თავში ხელის წამორტყმა?“- გიორგი ღოღობერიძის რეკომენდაცია

​ექიმმა გიორგი ღოღობერიძემ ბავშვისთვის თავის არეში ხელის წამორტყმის საფრთხეებსა და მოსალოდნელ მძიმე შედეგებზე ისაუბრა:

„მინდა მოგიყვეთ, რა შეიძლება მოჰყვეს, როდესაც ვიღაც ბავშვს თავის არეში წამოარტყამს ხელს. საქართველოში ზოგიერთი ადამიანი მაინც გამოირჩევა უხეშობით და ბავშვზე ხელს იღებს. როდესაც ბავშვს ურტყამს ვინმე თავის არეში, ამას შეიძლება მოჰყვეს გარკვეული გართულებები. სერიოზული გართულება, რომელიც ამას მოჰყვება, შეიძლება იყოს სისხლჩაქცევა თავის ტვინში. შეიძლება ადამიანს სისხლჩაქცევა ჰქონდეს მსუბუქი, მაგრამ მისი გართულება შემდგომში იყოს მძიმე. ერთ-ერთი მდგომარეობა არის უშაქრო დიაბეტი.“

„როდესაც ბავშვს თავის არეში ხელს წამოარტყამენ, ამას შეიძლება მოჰყვეს სისხლჩაქცევა ჰიპოთალამუსში. შესაძლოა ამ დროს დაზიანდეს ბირთვები და ჰიპოთალამუსმა აღარ გამოყოს ანტიდიურეზული ჰორმონი და განვითარდეს ცენტრალური გენეზის უშაქრო დიაბეტი. ამ დროს თირკმელები ვეღარ ახერხებს შარდში არსებული წყლის სხეულში დაბრუნებას. მე წყალს ორგანიზმიდან ვკარგავ, რადგან ის რჩება მხოლოდ შარდში. ამ მდგომარეობის დროს ადამიანმა, შესაძლოა, დღე-ღამეში 20 ლიტრიც კი მოშარდოს. საბოლოო ჯამში გამოშრები. შენი სხეულიდან წყალი დაიკარგება და გექნება გაძლიერებული წყურვილის შეგრძნება. შესაძლოა, გამოშრობის ეპიზოდებს მოჰყვეს კრუნჩხვები. ამ დროს ორგანიზმიდან იკარგება დიდი რაოდენობით კალიუმი, რაც იწვევს კუნთების დადამბლავებას, ადამიანის გულისცემა გაიშვიათდება, შეიძლება გული გაჩერდეს კიდეც. თავის მიდამოში უბრალო ხელის წამორტყმას, ბავშვში შეიძლება მოჰყვეს უშაქრო დიაბეტის განვითარება და გულის გაჩერებაც კი. უშაქრო დიაბეტის შემთხვევათა 16% ბავშვებში სწორედ ამ ტრავმებით არის გამოწვეული. ბევრმა უნდა იცოდეს, რა შეიძლება მოჰყვებს ბავშვისთვის თავში უბრალო ხელის წამორტყმას, რაც დაუშვებელია,“- აღნიშნა გიორგი ღოღობერიძემ.

წყარო: ​Usmle მოსამზადებელი ცენტრი

შეიძლება დაინტერესდეთ

თუ მეუღლეებიდან ერთ-ერთი კოვიდდადებითია და მეორე არა - აღნიშნულ შემთხვევას გიორგი ღოღობერიძე განიხილავს

თუ მეუღლეებიდან ერთ-ერთი კოვიდდადებითია და მეორე არა - აღნიშნულ შემთხვევას გიორგი ღოღობერიძე განიხილავს

თუ მეუღლეებიდან ერთ-ერთი კოვიდდადებითია და მეორე არა - აღნიშნულ შემთხვევას გიორგი ღოღობერიძე განიხილავს.

მისი თქმით, ცოლ-ქმარი არ არიან გენეტიკურად ნათესავი ადამიანები, თუ გენეტიკა სხვადასხვა აქვთ, სხვადასხვა აქვთ რეცეპტორებიც, რომლებიც სჭირდება ვირუსს, რომ ორგანიზმში გავრცელდეს:

,,რეცეპტორი ეს არის სპეციალურ კარი, ყველა კარი სხვადასხვანაირია, ვირუსს კი აქვს ერთი გასაღები, რომელიც ზოგიერთ ერგება, ზოგიერთს კი არა. მე შეიძლება დამემართოს, ჩემს მეუღლეს კი არა, იმიტომ რომ მას სხვა კარი აქვს. ამიტომ შეიძლება ადამიანები იყვნენ ერთად, მაგრამ მეორეს არ დაემართოს. ასევე კორონა დაემართება თუ არა ადამიანს, დამოკიდებულია იმუნიტეტზე. ჩვენ ყველას თავიდანვე გვაქვს რაღაც რაოდენობის იმუნიტეტი, რომელიც ცხოვრების განმავლობაში იცვლება. ადამიანს, რომელიც მწეველია, აქვს შაქრიანი დიაბეტი, ნაკლებადაა ფიზიკური აქტიური და ა.შ უქვეითდება იმუნიტეტი და ემართება ვირუსი, მეორეს კი არა,'' - აღნიშნავს გიორგი ღოღობერიძე. 

ნახეთ ვიდეო ☝️

წყარო: ​,,სხვა რაკურსი გია ჯაჯანიძესთან ერთად''

წაიკითხეთ სრულად