Baby Bag

რა სჭირდება ბავშვის სხეულს ნორმალური ზრდა-განვითარებისთვის? - გიორგი ღოღობერიძე

რა სჭირდება ბავშვის სხეულს ნორმალური ზრდა-განვითარებისთვის? - გიორგი ღოღობერიძე

ექიმმა გიორგი ღოღობერიძებ ბავშვის სხეულის ნორმალური ზრდა-განვითარებისთვის საჭირო რესურსების შესახებ ისაუბრა და მშობლებს დეტალური ინფორმაცია მიაწოდა იმ  ვიტამინების, ამინომჟავებისა და ელემენტების შესახებ, რომლებიც მზარდი ორგანიზმისთვის უმნიშვნელოვანეს როლს ასრულებს:

„დღეს უნდა განვიხილოთ, თუ რა სჭირდება ბავშვის სხეულს ნორმალური ზრდა-განვითარებისთვის. სხეული ზრდის პროცესში საჭიროებს უამრავ რესურსს. ეს შეიძლება იყოს ამინომჟავები, გლუკოზა, ვიტამინები, ელემენტები და ა.შ. ძალიან მარტივად ვთქვათ, თუ რომელი ელემენტი რას შვრება ბავშვის სხეულში და როგორ შეიძლება, რომ თუ ბავშვს სრულყოფილად საკვებს ვერ აძლევ, მოაგვარო თითოეული მათგანის პრობლემა? ვთქვათ ძალიან ცნობილი ფაქტები და ამით შემოვიფარგლოთ.“

ბავშვის სხეულის ზრდა-განვითარებისთვის საჭირო აუცილებელი ვიტამინების, ამინომჟავებისა და ელემენტების შესახებ დეტალურ ინფორმაციას გაეცანით თანდართულ ვიდეოში.

​წყარო

შეიძლება დაინტერესდეთ

„არიან პაციენტები, მათ შორის ახალგაზრდებიც, რომელთაც კოვიდის შემდეგ პირველად ემართებათ გართულებები გულ-სისხლძარღვთა დაავადების მხრივ,“ - ნინო ჟვანია

„არიან პაციენტები, მათ შორის ახალგაზრდებიც, რომელთაც  კოვიდის შემდეგ პირველად ემართებათ გართულებები გულ-სისხლძარღვთა დაავადების მხრივ,“ - ნინო ჟვანია

კარდიოლოგმა ნინო ჟვანიამ კორონავირუსის გულ-სისხლძარღვთა სისტემაზე ნეგატიური ზემოქმედების შესახებ ისაუბრა. მისი თქმით, კოვიდ-19 ამ მხრივ ახალგაზრდა, ჯანმრთელ ადამიანებსაც უქმნის პრობლემებს:

„ჩვენთან პაციენტები ძირითადად მოდიან გულ-სისხლძარღვთა სისტემის გართულებებით კოვიდის გამო. ეს არის საკმაოდ რთული გართულებები. გარდა იმისა, რომ ვისაც მანამდე ჰქონდა გულ-სისხლძარღვთა დაავადებები, ​არიან პაციენტები, მათ შორის ახალგაზრდებიც, რომელთაც პირველად ემართებათ გართულებები გულ-სისხლძარღვთა დაავადების მხრივ სწორედ კოვიდის შემდეგ. რა არის ეს გართულებები? ძალიან ხშირია მიოკარდიტი. პერიკარდიტები, სითხის ჩადგომა პერიკარდიუმის ღრუში, სამწუხაროდ, ესეც ხშირია. დადგინდა, რომ გულის მიოკარდიუმის შეკუმშვად კუნთს ურტყამს კოვიდის ვირუსი და ხდება ამ კუნთების გაგლეჯა. ეს, რა თქმა უნდა, ძალიან მძიმე შემთხვევებშია. ასეთ შემთხვევაში მძიმე მიოკარდიტი და მძიმე გულის უკმარისობა ვითარდება.“

ნინო ჟვანიამ აღნიშნა, რომ გულ-სისხლძარღვთა დაავადებების გართულებებისგან ქალბატონები უფრო დაცულები არიან, ვიდრე მამაკაცები:

„ქალბატონები ესტროგენების გამო უფრო დაცულები არიან. მამაკაცებში უფრო რთულად მიდის ეს ყველაფერი, სიკვდილობაც უფრო მაღალია. პოსტკოვიდურ ეტაპზე ექიმთან ვიზიტი აუცილებელია. ​ყველა უკვე იმდენად არის შეშინებული, რომ ისინიც კი, ვინც მსუბუქად გადაიტანა კოვიდი, მოდიან შესამოწმებლად. კოვიდის შემდეგ ერთ-ერთი ​ყველაზე მნიშვნელოვანი გართულება არის თრომბოემბოლია. ყველა პაციენტმა კოვიდის გადატანის შემდეგ ჩაიტაროს კვლევები: კოაგულოგრამა, D-დიმერი, ფიბრინოგენის კონცენტრაციის განსაზღვრა, რომ თრომბოემბოლიის აცილება მოხდეს თავიდან.“

„ითვლება, რომ გულის დაავადებების უმეტესობა სიყვარულის ნაკლებობასთან არის დაკავშირებული. ენერგეტიკული ურთიერთობა ყველაზე ძლიერად ითვლება. როდესაც ადამიანი პოზიტიური ენერგიით არის შენდამი განწყობილი და შენც ასე ხარ მისდამი, ეს ურთიერთგაცვლა ძალიან მნიშვნელოვანია. იაპონელების მიერ აღწერილია გაბზარული გულის სინდრომი. ​ეს ემართებათ ძირითადად ქალბატონებს, რომლებმაც დაკარგეს ქმრები, ახლობლები. ეს აღდგენას ექვემდებარება. ასეთი დაავადება არის აღწერილი და ცალსახად ეს არის მისი ეტიოლოგია,“ - აღნიშნულ საკითხებზე ნინო ჟვანიამ ტელეკომპანია „იმედის“ გადაცემაში „იმედის დღე“ ისაუბრა.

წყარო: ​„იმედის დღე“

წაიკითხეთ სრულად